السلام عليكم ورحمة الله وبركاتة
انا كاتب الموضوع دة مخصوص عشان الناس اللى بتقول ان العربية فيها مشاكل كتير وكمان سمعت من واحد انها موش ثابتة موش عارف ازاى وهى دى اكبر ميزة فيها
المهم
انا معايا برسونا موديل 2010 العداد قبل السفر 3600
لما رجعت 4760
كان عندى حالة وفاة واضطريت اسافر سوهاج
انا و والدى واخواتى
انا بالبرسونا ووالدى بعربيتة bmw موديل (الدبانة)94
المهم مسكنا طريق الصعيد الشرقى الكريمات الساعة 8
صلينا الجمعة فى البدارى (اسيوط)
السرعة 180
العربية ما شاء الله ولا كلمة ثبات خرافى انا مكنتش بحس بالسرعة غير بالصدفة لما ابوص على العداد خدنا الطريق كلة ما بين 140 الى 180
التكييف تحفة اليوم دة كان حر جدا فكنت مشغل التكييف طول الطريق وبصراحة
اكثر من ممتاز على فكرة مريحناش خالص غير فى البدارى عشان صلاة الجمعة
واحنا راجعين نفس الكلام التكيف شغال طول الطريق وتقريبا السرعة متوسطها 160
والحمد لله رجعنا من غير اى مشاكل
غير حاجة واحدة بس لمبة الصالون فصلت ودية هاعملها فى صيانة ال 5000
وملحوظة تانية وانا رايح فولت وكملت حوالى ربع التنك بنزين 92
وانا فى بلدنا مالقيتش بنزين 92 فاضريت احوط بنزين 90
اللى لاحظتة ان الاستهلاك اقل بكتير فى البنزين ال 90
يمكن بتوفر حوالى التلت
انا عايز اشكر كل الناس اللى هنا اللى ساعدونى اجيب العربية دية
وطبعا بالاخص الاستاذ ايمن