بص يا سيدي
الراجل عاوز يدخّل العالم المادي المحسوس اللي حواليك بعالمك الرقمي زي مثلا علاقتك بالكمبيوتر بتاعك
فأنت حتمشي في العالم المادي و معلق عالمك الرقمي على صدرك , لما تحتاجه , أقف قدام أي سطح حتلاقي البروجكتور بيعرضلك على السطح ده كأنك قدام الشاشة
وبدل الكيبورد و الماوس أو التاتش سكرين حتلبس أنامل بلاستيك في صوابعك وتشتغل
مش بس كده
ممكن تدخل العالم المحسوس في عالمك الديجيتال يعني وأنت في السوبر ماركت الجهاز حيعمل سكان للمنتج اللي أنت ماسكه و حيجبلك معلومات عنه
والصحيفة فيها خبر عن خطاب أوباما , فالجهاز حيشوف الخبر فحيدخل على النت ينزل الخطاب فيديو و يعرضهولك على الصحيفة اللي أنت ماسكها و بتقرا منها
كمان ممكن تسحب الصور من أي كتاب مادي أو فقرة مكتوبة تدخلها العالم الديجيتال بتاعك وتتعامل معها كأنها ديجيتال أصلا يعني كأنك في الوينورد أو البور بوينت
والراجل ضرب أمثلة كتير زي مانت شايف
وبصراحة ده إختراع ثوري بجد والأجمل إنه طلع من دولة زي الهند
وإحنا هنا وزارة الإتصالات بتفكر تقفل الـ skype على المستخدمين المصريين !
المفضلات