يا شباب انا لسه مغير الميه بتاعه العربيه كلها ومركب وش سلندر جديد بس دايما بلاقي القربه فاضيه مش عارف ليه مليتها الصبح وعملت بيها بتاع 80 كم لقيتها فاضيه تاني وممفيش سخونه عادي جدا يبقي ايه طيب
عرض للطباعة
يا شباب انا لسه مغير الميه بتاعه العربيه كلها ومركب وش سلندر جديد بس دايما بلاقي القربه فاضيه مش عارف ليه مليتها الصبح وعملت بيها بتاع 80 كم لقيتها فاضيه تاني وممفيش سخونه عادي جدا يبقي ايه طيب
روح لميكانيكى و خلية يتأكد من طلمبة المية و الماسورة اللى واصلة على حوض الموتور
هيا العربية نوعها ايه وبص على الشكمان وده اكيد عيب وش سلندر وياريت تذكر السيارة مكسيفة ولا لا
العربيه سكودا فيفوريت 1994 مش مكيفه بس النهارده الفتيس لقيت نازل منه زيت كتير لما وقفت ووش السلندر انا جايب واحد زيرو جديد بكرتونته مغيره من 4 ايام العربيه طول ما هي واقفه مبتسربش ميه بس لما امشي بيه واركن االاقيها منزله ميه كتيره وزيت الفتيس ده مش عارف من ايه ممكن يكونوا موصلين على بعض ولا ايه
من اكثر عيوب الأسكودا تكرار تلف وش السلندر كانت عند واحد صاحبى غيرلها وش السلندر اربع مرات فى سنة واحدة
استاذ fotpop انت من دمياط الجديده انا من هناك برده وساكن هناك (اهلي هناك يعني ) ممكن اتعرف عليك اكتر
بس ده اكيد مش وش سلندر العربيه مبتسخنش تماما بالعكس كويسه جدا بل صوتها بقى اوطي من الاول كتير ومشيها احسن بس بجد عايز اعرف الميه بتروح فين؟ ومش واثق في الميكانيكي اللي هنا
حرامي درجه اولي
بص انا كان عندي نفس المشكلة. في حاجة في دورة التبريد و ده الي خلى وش سلندر الي عندك ضرب و غيرته . غالبا في خراطيم بتسرب مياه و مش مظبوطة . عشان كدة وانت ماشي باالعربية و دورة المياة تشتغل .المياة بتتسرب. وعلي العموم روح لحد و اتاكد
لو المية بتنقص لمستوى معين وتثبت بعد كده يبقى عادي
يعني لو المية بتنقص لغاية لما يفضل شوية في قاع القربة ولا تنقص أكثر من ذلك مهما مشيت أو وقفت يبقى عادي ومتزودهاش عن هذا الحد
طريقة التجربة إنك تزود المياه وتمشي مشاويرك عادي وكل لما تقف تبص على مدى نقصان مستوى المياه ولا تزودها
لو بعد كذا مشوار وجدت إنها ثابتة عند نقصان معين ولا تزيد عنه يبقى عادي ومتزودهاش إلا لو قلت عن هذا المستوى
ولما تبطل العربية وترجع تلاقيها موقعة مياه كثير يبقى ممكن في القربة مية زيادة وعند التوقف يخرج هذا الماء الزائد من صمام غطاء الردياتير أو القربة
لذلك عليك أن تتأكد هل مصدر هذا الماء هو غطاء القربة والردياتير أم هناك تسريب من مكان آخر
فعيك أن تتأكد من ذلك وأخبرنا بالنتيجة
بص ياباشا اتاكد من الزيت بتاع المتور شوفه لونه طبيعي ولا لاءه علشان ممكن تكون الميه بتدخل علي الزيت لو الجوان بتاع وش السلندر مركبش صح هايدخل الميه علي زيت الماتور