-
شكر يا أخي mantoros على ردك
معلش سؤال تاني أنا عارف أني بأتقل عليكم بس أنا ما ليش خبره في البي أم و أنتم هنا في المنتدى أصحاب خبره طويله
مواصفات bmw 316 92 to 96 ايه؟؟
يعني كام هورس باور و فيه ازاز كهربا و لا مرايات كهربا و ال ABS كده يعني المواصفات دي
مستني خبراتكم يا جماعه
و يا سلام يا سلام لو أمكن حد يكون عنده user manual بتاع الموديل ده
و شكرا ليكم تاني على معلوماتكم القيمه و نصايحكم الجميله
-
صدقني عشان تجيب البي ام اللي نفسك فيها ب ال 70 الف حاسس انك هاتتعب لحد ما تلاقي حاجه نظيفه
-
يا سيدي سيبك من المستعمل عشان الماني و قطع غياره غاليه و مش اي صنايعي يشتغل فيه
وانا شايف ان معاك مبلغ كويس ممكن يجيبلك حاجات كويسه زيرو و تريح عقلك
دي امثله علي الاوتوماتيك
بروتون ساجا او كيا بيكانتو او هيونداي i10
و ربنا يهديك للاختيار السليم
-
شكرا ليكم أخواني Kazzaz و romeo_6887 على ردودكم
بس الأخ romeo_6887 بيقسى عليا شويه
ينفع أنزل من أكسنت 2005 عشان أركب بيكانتو ولا I10 ؟؟
طب ما أخليني راكب الأكسنت أحسن
هي فكره العربيه الجديده فكره حلوه و مش بطاله بس ممكن بنفس المبلغ تركب عربيه مستعمله
بس شرط تكون حالتها حلوه و أكيد امكانيانها هتبقى أعلى من الجديده أدام الأتنين في نفس السعر
و هو ده اللي أنا بفكر فيه دلوقتي عربيه مستعمله محترمه أتوماتيك ثابته على الطريق فيها اوبشنز حلوه و سعرها على أدي
و أهم حاجه حاله العربيه تكون حلوه فعلا و الا هتطلع عيني.
و بالنسبه لقطع الغيار مش هتفرق كتير بين عربيه زيرو موديل 2010 و عربيه مثلا BMW موديل 95
ما هو اسعار قطع غيار الجديد غاليه بردو مش رخيصه.
دي وجهه نظري مش عارف رأيكم ايه في وجهه النظر دي؟؟
على العموم مستني ردودكم و شكرا مره تانيه لكل الناس اللي هنا في المنتدى اللي فعلا بتساعد الواحد بجد.
-
رأيي طالما معاك الأكسنت 2005 ومريحاك ,, بلاش تبدل وتصرف على الفاضي وتدخل في مفاجآت مع المستعمل تأقلم على الوضع الحالي
-
انا رايي انك اه تغير بس ماتجبش حاجه باخر فلوسك يعني ادي نفسك فرصه مثلا ما رايك في السيفيك ؟؟ في موديلات 2002 و 2001 برنج سعرك و ياباني يعني حاجه محترمه بس ماتجبش بي ام ب 70 الف و هي سعرها في السوق مثلا 80 الف و تفتكر انك لعيب لان اكيد فيها مشاكل بالهبل
Content Relevant URLs by
vBSEO 3.6.0 PL2