هتطلع علي الدائري من الهرم ثم الوصلة الجديدة (وصلة المريوطية) ثم الدائري حتي كارفور بعد كارفور يوجد هناك نفق يسمي العين السخنة المفروض هذا أول الطريق
أنا معلوماتي الأكيدة حتي كارفور فقط وأكيد هتلاقي يفط هناك توضح الطريق.
عرض للطباعة
ده وصف متواضع من واحد غير قاهري :11:
حضرتك تقدر تاخد الدائري من مدخله اللي جنب دريم لاند
وتمشي لغاية ما تاخد محور المريوطية لغاية محور المنيب
تمشي على طول لغاية ما تلاقي كارفور المعادي على يمينك
بعدها باتنين تلاتة كيلو هاتلاقي اللافتات الإرشادية بتدلك على أول طريق العين السخنة على اليمين.
توصل بالسلامة إن شاء الله
أنا سئلت ناس قالولى شاطىء القوات المسلحة بالحجز وللمدنيين لازم تكون تعرف حد فى الجيش معرفة وبالحجز
يا ريت تأكيد للموضوع دة يكون حد من الآعضاء راح هناك اليومين دول ويكون دخل من غير وسطة من الجيش دخول مدنيين بالرسوم عادى ويقولنا أية الآخبار الجديدة
وقلى صحبى أن فية فندق أسمة ليدو ممكن أحجز شالية غرفة بالسرير ب 80 جنية لكل الآسرة بالطربيزة و 4 كراسى وحمام باليوم فقط بدون مبيت ونظيف وحلو قوى قبل شاطىء القوات المسلحة
يا ريت اللى راح هناك يقولنا أية أخبار شاطىء القوات المسلحة
وبالمرة لو يعرف حاجة عن فندق ليدو يأكد لنا الآخبار
وجزاكم الله خيرا
بالنسبه لشاطئ الزهور بتاع الجيش
انا رحت بنفسى انا واصدقائى شهر 7 الماضى
والدخول للمدنيين عادى جدا ومن غير واسطه ولا حاجه
وسعر الشاليه ليله واحده 350جنيه شامل البلاج والكراسى
اما عن فندق الليدو الى بتقول عليه انا اول مره اسمع عنه
انا كنت في شاطئ الزهةر امبارح وقضينا يوم تحفة انا والأسرة فعلا مكان جميل جدا واتبسطنا جدا كلنا شكرا علي النصيحة يا أبوهاشم (:
انا مش تبع الجيش ودخلنا عادي بس عند البوابة تقريبا بيكون ليهم نظرة كدة زي كشف هيئة (: وبعدين كلمو المقدم المسئول علي اللاسلكي شوية وجاب دفتر التذاكر الفرد فوق 6 سنين تذكرة ب25 جنية شاملة الكراسي والشمسية في هناك ارض نجيلة وملعبين كرة ارضية اسفلت ومسجد وكافيتريا ومطعم وممكن تدخل بساندوتشات بس من غير حلل طبيخ (: فعلا كان يوم جميل الطريق من الدائري للسخنة حوالي 100 كيلو اقصي سرعة مسموحة علي الطريق 120 كم بس من وسع وجمال الطريق بتمشي 140 كم مرتاح وبعدين تلف وتاخد شمال في اتجاة السويس كمان 26 كيلو بالظبط هتشوف اليافطة خلي بالكم المكان مش كبير قوي علشان كدة واجهتة علي الطريق صغيرة ممكن تفوتها بسهولة وزي ما أبو هاشم قال هما ليهم عدد محدد من التذاكر كل يوم لو باعوهم مش بيدخلو حد زيادة. تمنياتي رحلة سعيدة لكل اللي ناوي يجرب وياريت لو في اماكن تانية ممكن ننصح بعض بيها علشان من الوضح ان كلنا مهتمين [اماكن تنفع للعيلة (:
لو في أي أسفسار انا جاهز ..........تحياتي للجميع
العفو ياباشا
ورحله سعيده والمهم انك استمتعت بالمكان
بس ياريت تكون جبتلنا ارقا تليفوناتهم
علشان اللى عاوز يحجز قبل مايروح
يريت فعلا أرقام تيليفونات شاطيء الزهور ..