ياريت لو حد يعرف طريق البلاجات العادية بتاعة العين السخنة يقول لي وجزاه الله خيرا
البلاجات مش القري السياحية
عرض للطباعة
ياريت لو حد يعرف طريق البلاجات العادية بتاعة العين السخنة يقول لي وجزاه الله خيرا
البلاجات مش القري السياحية
شاطئ السادات دخول الفرد 10جنيه غير الكراسى والشماسى
والطرابيزات
لكن عندك قرية الزهور تابعه للقوات المسلحه مستوى راقى جدا
سعر دخول الفرد 25جنيه شامل الكراسى والطرابيزه والشمسيه
ممكن معلومات اكتر عن قريه الزهور دى اللى ب 25 ؟؟
عشان انا اقل مره رحت السخنه دفعت فيها 160 فى ال Day Use !!! زى Portrait مثلا
لا انا اصدى اسأل حضرتك على الدخول ب 25 ده .. يعنى اروح هناك دخول واقعد على البحر بالشمسيات ب 25 بس؟؟؟
اصل ده كده يعتبر Day Use طبعا بس من غير الغداء ..
وياترى معاك بسين ولا شمسيات وبحر بس ولا ايه .. ياريت حضرتك توضحلنا مشكورا
واسعار الغداء هناك مثلا لو نظيف وحاجه محترمه تشبع يعمله كام؟؟
عشان كده الواحد هيفكر يطلع السخنه قريب
هو دخول الفرد 25جنيه شامل كرسى وشمسيه وبحر
هناك فى غدا طبعا وكويس بس انا مش عارف اسعاره ايه
واجمل حاجه ان لو العدد كامل مش بيدخلو حد تانى
نفس سؤال الرد اللى فوقي
حضرتك تروح عادى انت والاولاد وتحجز هناك
طبعا هتاخد طريق السخنه واول ماتدخل هناك اسال اى حد
عن شاطئ الزهور بتاع القوات المسلحه
دخول الفرد 25جنيه شامل البلاج وكرسى وشمسيه
لكن لو هتحجز شاليه اليوم ب350جنيه شامل الشاليه
والبلاج والكراسى والشماسى
بس طبعا انت تقولهم على الباب بره انك هتحجز شاليه
علشان ماتدفعش تذاكر دخول
بالنسبه للمطعم انا ماجربتش هناك ومش عارف اسعاره
لكن ممكن تاخد معاك كل اللى انت عاوزه
ده غير انك هتدخل القريه بعربيتك وتركنها قدام الشاليه بتاعك
والشاليه بتاعهم مكيف ومجهز بكل حاجه
مطبخ كامل بكل مستلزماته
غرفة نوم كبيره بسرير زوجى
غرفة نوم 2سرير وجهزين ببطاطين والحفه فايبر
رسيبشن كبير انتريه وسفره
والشاليه على البحرمباشرة حوالى 5متر بين البحر والشاليه
وان شاء الله هيعجبك النظام هناك
كلام حضرتك بصراحه مبشر جدا بالخير سواء فى حاله يوم عادى شط يعنى ب 25 جنيه ..
او نظام بيات ب 350 ج
بس عندى سؤال فى نظام البيات اللى ب 350 الشاليه فى الليله .. ما العدد المسموح فى الشاليه كحد أقصى ...؟؟
وهل ال نظام ده مش شامل الاكل سواء Full board او Half board ؟؟؟؟
وشكرا للافاده
بجد شجعتوني علي البحر (:
ممكن معلومات اكثر
متابع باهتمام يعنى دخول المدنين ب 25 جنيه للفرد ده الاعده بس ع البحر طيب كويس وممكن اجبلى اكلى معايا واكل ع البحر وقضى يوم لذيذ ومش هيكلفنى كثير طيب مستنين بقى بقيه المعلومات علشان الواحد يبقى ع نور من جميع الجوانب
يا جماعة انا روحت انا و 3 صحابى شاطىء الزهور الدخول ب 25 جنيه للفرد شامل الكراسى و الكل و البحر نضيف جدا و رايق قوى تتصور براحتك جنب الخضرة و كمان الحمامات نظيفة اوى هناك بصراحة كان يوم جامد اوى اوى و تركن العربية جوه جنب الشاليه بس هتبقى شربا شمس تمام بقت نار من الشمس و كنا واخدين اكل معانا بصراحة ممتاز جدا عن تجربة و اليوم ده منسهوش فى حياتى خالص و ان شاء الله هيتكرر باذن الله
انا سمعت فيه اكل هناك بس احنا كان معانا اكل بس احنا اشترينا بيبسى و قهوة و مياه و الاسعار كانت عادية مش مبالغة خالص وناس محترمة اوى
شاطىء السادات معلش فى الكلمة بيئة اوى منصحش حد يخشه بلاج عام يعتبر وزحمة و صعب اوى
يا جماعه اللى يعرف اي حاجه عن السخنه يقول
طب لو حد يعرف الاكل ايه نظامه هناك
وياريت حد يحدد مكان القريه دى فين بالظبط ؟؟
سؤال بالنسبه لقرية الزهور
هيا متاحه للمجنين
ولا لازم أكون قوات مسلحه؟
ياريت لو فى رقم ليهم لانى بخطط انى اروح الاسبوع الجاى ان شاء الله
مفيش اخبار .. طب اى رقم تليفون ؟ طب عاوز اعرف المكان بالظبط لانى احتمال اروح الاحد القادم
ممكن رقم التيليفون بتاع شاطيء الزهور اللي بتتكلموا عليه ده من فضلكم ؟؟
بس يا تلحقو يا متلحقوش دا الحجز بيكون قبليها بكتييييييييييير لان الاقبال شديد على العين السخنة يعنى بتكون زحمة خالص
وكمان بورتو السخنة اخد مساحة كبيرة من احسن منطقة من البحر فالبلاجات هتكون اتحجزت
التليفون كاااااااااااام او هيه فين هناك بالظبط يا جدعان
يا جدعان يا ريت النمرة ضروري ؟؟؟؟!!!!!
ياريت ياجماعة حد يعطينا خريطة للطريق لحد الوصول للبلاج
شكرا لوصف الطريق ...
وياريت تفاصيل اكتر والحمد لله الرحله اتأجلت مش هروح بكره وذلك لاقتراح ناس صحابى نركب خيل الصبح وبعد الظهر نروح مهرجان الشيكولاتة فى سيتى ستارز حيث انه اخر يوم
ط§ظˆظ„ ظˆط§ظƒط¨ط± ظ…ظ‡ط±ط¬ط§ظ† ظ„ظ„ط´ظٹظƒظˆظ„ط§طھط© ظپظ‰ ظ…طµط± (Salon Du Chocolat) | Facebook
Salon Du Chocolat - Egypt
والله علمى علمك بس قرايبى قالولى تعالى نروح .. هو معرض تقريبا فيه كل انواع الشوكولاته .. بتخش ب 35 جنيه تقريبا وتخش تاكل براحتك .. ده اللى اعرفه .. ولو عرفت حاجه تانى قبل ما اروح هقولك ان شاء الله
وبكره اخر يوم ... حسب اللى مكتوب ف الموقع
شكرا ابو هاشم بس البلاجات الكويسة ايه معلش انا غلس
يا جماعة محتاج نمرة قرية الزهور ضرورييييييييي!!
ماعليش ياجماعة
انا من مدينة 6 اكتوبر
ياريت حد من الاخوة الافاضل يوصف لى اروح ازاى من اكتوبر الى السخنة
والجو بيكون عامل ايه فى الوقت ده ، هل حر جدا ورطوبة عالية ام كويس
رجاء الافادة
تحياتى
معرفش بصراحه اي حاجه في اكتوبر...بس استنى شويه اكيد حد يعرف هيرد عليك.