اقتباس المشاركة الأصلية كتبت بواسطة mshamy مشاهدة المشاركة
السلام عليكم يا استاذ هيثم
ربنا يكرمك و يجازيك خير على الكلام الجميل ...برضه حضرتك اضفت كتير لقسم الهوندا منذ إنضمامك للمنتدى و بأحترم أراء حضرتك الموضوعية و خلاصة تجاربك اللي بتنقلها للأعضاء الجدد
بالنسبة لعربيتي طبعا متأكد إنها 100% ياباني "مكتوب عليها" و ايضا متأكد بالنسبة لباقي الموديلات اللي شفتها ..و أول مره بأمانة أسمع ان السيفيك يتم تجميعها خارج اليابان...
على العموم انا ححاول أتأكد من الموضوع ده و أبلغ حضراتكم

بالنسبة لموضوع الموتور ..اقولك بأمانة كان فارق معايا أول ما أشتريت العربية على إعتبار إني نازل من sir96 بس مع الوقت إتعودت عليها و كمان لما موتور 1500 بيطلع 110 حصان و فتيس أوتوماتك يطلع م 0-100 في 10-11 ثانية مش وحش مقارنة بعربيات كتير 1600 في السوق...دا غير انها مريحة في السفر و عفشتها ممتازة و إستهلاكها للبنزين ممتاز

أنا كنت حشتري 2009 vti لكن حصل ضروف و مقدرتش اظبط اموري المادية ...فقررت اني أهدي سيارتي الحالية لزوجتي و أقوم بشراء سيارة 2005 سيفيك أخرى لي شخصيا و يصبح معنا سيارتين بدلا من واحدة وفعلا بادور من فترة على 2005 بس تكون بفتحة سقف علشان اضمن انها تكون + abs فرامل+vtec+ اكياس هوائية
أعتقد لو العربية دي مش قد كده كنت غيرت رأيي أو دورت على حاجة تانية.....و الشي الوحيد البديل ليها حيكون اني أشتري sir تاني....
ا. محمد
اكيد من الممكن ان تكون معلومتى غلط ، وانا ذكرت ده فى اول الموضوع (انى مش متأكد من المعلومه بتاعت اليابانى)
اما بالنسبة للموتور كلامك صح مليون فى المية ، انا اول هوندا ركبتها كانت 1992ex وعلى الرغم من انها 1500 الا اننها كانت متعة فى القيادة وقوه ايضا ، بس انا لما كنت بقارن كنت بقارنها بالسيفيك برده ال 1600
عموما يا أ. محمد انا سعيد انى تعرفت بشخصك المحترم ، وربنا يباركلك فى السياره ويرزقك باللى انت عايزه واكثر