المفروض بتوع تويوتا مصر يفوقوا لنفسهم بعد المشاكل اللى حاصلة فى عربيات تويوتا فى كل انحاء العالم و اللى بقت تأثر على صورة الشركة فى اعين الناس..... مفيش حاجة بتستخبى دلوقت
عرض للطباعة
المفروض بتوع تويوتا مصر يفوقوا لنفسهم بعد المشاكل اللى حاصلة فى عربيات تويوتا فى كل انحاء العالم و اللى بقت تأثر على صورة الشركة فى اعين الناس..... مفيش حاجة بتستخبى دلوقت
انا مردتش اذكر اسمة لأنه ميهمش حد اسمة اية بس مشكلته ان مدير مبيعات تويوتا مصر!!
انا اتحاكالي كتير من جوه التوكيل نفسة على عمايل مدير المبيعات ربنا يهدية وربنا يهديهم ويجيبوا واحد جدير بالمنصب ده.
واضح ان طريقتة فيها نوع من الغرور والجهل فعلا ده جهل بالوظيفة وجهل بالمستهلك كمان.
معلوماتي ان دلوقتي العضو المنتدب أ/احمد منصف وأ/مصطفى شاهين خلاص بس عموما وضع الشركة كان فيه لخبطة في الوقت الي اشترينا فيه السيارة ومشاكل جامدة الي قدت إلى تغير أ/مصطفي شاهين.
انا كلامي هنا عن واقع بدون تجريح او سب في شخص, انا بتكلم على شخص يشغل منصب يهم كل من يحب او يفكر في إقتناء سيارة من تويوتا.
شكرا على سردك التجربة وكويس انهم قدروا يوفوا بجزء من الي قالولك عليه عقبال الباقي:)
أستاذ الفي,
سعدت جدا بكلامك وانا معاك فعلا بلدنا برغم المساوئ هي بلدنا وإظهارنا لرقينا كما قلت كبني أدم في تعاملتنا ونصحنا واننا نكون قدوة لغيرنا ولا نسير مع الركب اكيد هنرفع من مستوى ثقافة الأمه وتربيتنا لولادنا على الثوابت والأصول والأخلاق الحميدة الي بتحث عليها كل الشرائع السماوية هنكون عملنا واجبنا وإن لم ندرك النجاح في حياتنا بس ساهمنا فيه.
ولازم كلنا نكون عندنا يقين بإن ما تأخر من بدأ..
اكيد كلامي ناس هتختلف معايا فيه بس لكل وجهة نظرة.
لكن مع البريق الذي نجده في الدول الغربية بس فيه حاجات هتضر تتنازل عنها في سبيل حصولك على بعض المميزات فهي معادلة انت ونتيجتها انت الذي تحددها عن طريق إختيارك لعناصر المعادلة.
فمن المكن تأخذ من الغرب الكل وتترك القيم والأخلاق والروابط الأسرية وهي خسارة فادحة من وجهة نظري.
ومن الممكن ان تأخذ من الغرب ما يفيدك من تكنولوجيا وعلوم وتتمسك بأجمل ما تملكة والذي يحسدونك علية من الأخلاق والشهامة والطيبة والروابط الأسرية.....
مرة اخرى انا سعدت جدا بالحدث معك واتمنى لك الخير دائما
للأسف فرع التجمع الخامس هو كمان سئ جدا فى الصيانة
و كان ليه تجربة سيئة معه
http://www.nilemotors.net/Nile/3872364867-post22.html
و عملت شكوى بعديها لتويوتا ايجبت
بس طبعا محدش سأل فيه
فعلا توكيل محترم :(
انا قرأت مشاركة حضرتك وفعلا حاجة تحزن
عموما الصيانة في اغلب توكيلات مصر سيئة والناس في منهم غير مسئولين وطبعا موضوع إحترام المواعيد ده نتكلم فيه للصبح:)
ممكن طبعا يكون الموقف الي حصل مع حضرتك ان قدرا ندهم لخبطة او كارثة غياب العمالة المفاجئ مع عدم التوفيق مع مهندس إستقبال بمعنى الكلمة. في الأخر عدم رضى العميل هو الي تحقق مش عكسة والي ينرفز عدم إكتراثهم بالشكاوي سواء في حالتي او حالة حضرتك واكيد في حالات كتير بردة لأن مبدأ الرد على الشكوى من اساس شغل قسم الجودة والشكاوي وإلا تبقى لزمتة ايه؟؟؟
عموما انا مش بقيم التوكيل بس بتكلم على عيوب قاتلة في القائمين على البيع وربنا يسهل في الصيانة هيبان:)
عموما ربنا يسهل مش عارف اخي جربهم في الصيانة ولا لأ بس معرفتي ان عندهم من الأجهزة والمعدات من افضل مراكز خدمة السيارات في مصر.
شاكرجدا على مشاركتك استاذ احمد (في بيتكم طبعا احنا ضيوف عندكم)
وجزاكم الله جميعا من خيرا الدنيا والأخرة
اليوم فى زياره لفرع تويوتا التجمع كل الشركاء والرؤوس الكبيره موجوده الان فى التوكيل لتحسين الوضع ومناقشة جميع مشاكل العملاء ومن المتوقع تغيير سياسة البيع وما بعد البيع لان الشكاوى زادت فى الفتره الاخيره وخاصة من فرع العباسية واتمنى ان تكون الزياره فى صالحنا باذن الله كعملاء لتويوتا طبعا ممكن كده تفتكروا انى اعمل فى تويوتا لا بس انا كنت هناك بالامس وكان عندى ريحة شياط فى العربيه من الامام بس متقطع مش مستمر المهم فتحت الكبوت وشيكت على كل حاجه وحرارة العربيه والعجل بايدى والحمد لله مفيش حاجه بس قلت لو اتككررت تانى حروح التوكيل ورحت التوكيل ودخلت عادى جدا واستقبلنى احد مهندسين الاستقبال وفى خلال دقيقه جالى المهندس محمد الاكوع تقريبا وقاللى اتفضل حضرتك نشوف العربيه وحكيت له دخل العربيه جاب الدواسة ونزل بنفسه تحت العربيه وقاللى اتفضل حضرتك كده بص قاللى شايف الكيس البلاستيك اللى لازق كاملا فى الشكمان من تحت وطبعا ده صعب انى اميزه او اشوفه لانه كنت بالليل لما شميت الريحه وكمان مش باين اى حاجه منه لانه اتطبع بشكل الشكمان المهم قاللى حضرتك ابقى شيله قلتله طب ممكن نرفع العربيه هنا ونظف مكانه وبصراحه كان الرد مش متوقع قاللى ثوانى واخد العربيه ودخل معاه علشان اشم ريحة الكيس هل هى هى نفس الريحه اللى كنت باشمها ولا مختلفه وفعلا طلعت نفس الريحه وشكرته واخدت العربيه ومشيت من غير تقديم الرخص ولا من غير تصريح خروج لانه هو خرجنى بنفسه وللعلم التوكيل كان زحمه جدا ولفت نظرى جو التلميع الزياده فى الزجاج والذى منه فسالت احد مندوبى المبيعات وهو صديق شخصى
قاللى بكره الكبار جايين للزياره وفهمت منه ما ذكرته سابقا
وبجد انا فى خدمتكم لوعاوزين اى مساعده هناك فى فرع التجمع