عندي ريحة بنزين بتطلع عند بداية التدوير وتسخين العربية
ممكن حد يقوللي بتاعة إيه؟!!!
عرض للطباعة
عندي ريحة بنزين بتطلع عند بداية التدوير وتسخين العربية
ممكن حد يقوللي بتاعة إيه؟!!!
طبيعي مادام لما بتسخن وتمشي شوية بتروح
أمال ليه بيقولوا لما تشم ريحة بنزين ني يبقى في حاجة مش مضبوطة.
عادي جداً
هو الموضوع فعلاً له سبب - بس يطول شرحه.
شوف سيادك انا حاقول شرح مبسط على قدر ما أعرف.
السيارات الحديثة المزوده بوحدة كمبيوتر بتعمل في 3 حالات تشغيل
Open Loop
Closed Loop
Limp Home
اللي يهمنا هو الحالتين الأولتين
أول ما بتشغل السيارة وهي بارده الكمبيوتر لا يعتمد على الأشارات الواصله له من الحساسات وبيشتغل بناء على ثوابت مبرمجه عليه من المصنع وبيكون فيها فتح مجرى الهواء وزيادة ضغط البنزين اكثر من الطبيعي وهي دي حالة Open loop وبتساعد على انك تمشي بالسيارة مباشرة بدون تسخين او ما يعرف بـ Cold Start.
اول ما السيارة توصل لدرجة التشغيل الطبيعية الكمبيوتر يبدأ في قراءة إشارات الحساسات المختلفة ويبدأ ضبط مخلوط البنزين والوقود للنمط الطبيعي وتدخل السيارة في حاجة اسمها Closed Loop
في الحالة الأولى طبيعي نشم من العادم ريحة بنزين عاليه شوية بس مش طبيعي اننا نفضل نشمها في الحالة التانية بعد السيارة ما تسخن والحالة التانية تبدأ تشوف العادم في شكل بخار مياه او نقط مياه من الشكمان.
في ناس كتير عربياتها ماشية على طول Open Loop ومش حاسين وبيشتكوا من استهلاك بنزين عالي، والعربية السليمة لازم تكون تدخل Closed Loop بعد فتره من التسخين.
مع الأسف لا يظهر اذا كانت السيارة في حالة Open Loop أو Open Loop إلا من خلال جهاز سكانر.
أرجو اني اكون ساهمت بمعلومة كويسة... عشان مش عايز الفضول يقتلك ولا حاجة!
تحياتي
الاول ممكن نعرف انت عربيتك كاربراتير واللا انجكشن
قد يكون عندك الآتى
1- عيب بوجيهات
2- فلتر هواء مش تمام
3- بلف أيدل أو بوابه ( عاوزين شوية صيانه )
4- بداية عيب فى الرشاشات ( عيب تسييل ) وسيزداد مع تقدم الأيام
وهذا هو الأحتمال الأكثر أنتشارا ......( ولكنه أحتمال ولا نستطيع الجزم به حاليا )
قد يكون هناك عيوب أخرى
ولكنها ستكون فى دايرة الأشعال أو دايرة البنزين
وبالتالى فهو أمرا ليس عاديا ( وهو ظهور ريحة بنزين مع بداية الدواره والتسخين )
ويجب عليك المشى مع الأحتمالات واحده واحده ( الى أن يختفى العيب )
يا باش مهندس العربيه عندي بتعمل كده الصبح فقط اول الدوارة من اول ايامها في حالة الزيرو وما زالت حتي الان
فهل يعد ذلك مؤشر علي بوظان العربيه وهي زيرو ؟؟؟
والملاحظ انها زي ما تفضل العضو shankosi ووضح ان الريحه بتختفي بعد مؤشر الحراره ما يرتفع للمعدل الطبيعي
ارجو الاهتمام لان اجابتك لعبت فيران البلد كلها في عبي لاني كده اشتريت عربيه زيرو معيوبه وانا ماعرفش
يعنى شوية ريحهاقتباس:
يا باش مهندس العربيه عندي بتعمل كده الصبح فقط اول الدوارة من اول ايامها في حالة الزيرو وما زالت حتي الان
فهل يعد ذلك مؤشر علي بوظان العربيه وهي زيرو ؟؟؟
حيبوظوا العربيه
هههههههه
أنا عندى العربيه زيك من الزيرو
وبأدور وعمرى ماشميت ريحة بنزين نىء وقت الدواره
بأشم فقط رائحة عادم ( ناتج من عملية الحريق العاديه )
ولكن ليس به أى رائحة بنزين نىء ملفته للنظر
أحتمال بأهاقتباس:
ارجو الاهتمام لان اجابتك لعبت فيران البلد كلها في عبي لاني كده اشتريت عربيه زيرو معيوبه وانا ماعرفش
عربيتى اللى بايظه .............!!!!!!!!!!!
أنا حقولكوا على فكره حلوه أوى
كل واحد بيدور ويشم بنزين يقول
واللى مبيشمش بنزين ميقولش
وأحنا حنعرف فين الصح
حقولك على فكره مش بطاله ياكريم بيهاقتباس:
يا باش مهندس العربيه عندي بتعمل كده الصبح فقط اول الدوارة من اول ايامها في حالة الزيرو وما زالت حتي الان
فهل يعد ذلك مؤشر علي بوظان العربيه وهي زيرو ؟؟؟
طلع البوجيهات وشوف الجاب فيها مقاسها قد أيه
وظبطها بالفيللر على مقاس
من 0.7 الى 0.8 مم
وجرب الوضع الجديد للدواره
طيب ياباشااقتباس:
بالنسبة للفظ ملفت للنظر دي اللي بشمه او ملاحظه ريحه بتحرق في العين مثلا كده وبيبقي منتشر في الحيز خلف العربيه وبالعكس اثناء النهار وبعد الاستعمال لو وقفت جمب العربيه مافيش اي رائحه من اي نوع
ماهو كده أنت تمام
وأنا مش شامم ريحة بنزين فى كلامك
يبقى فين البنزين.............؟
Limp Home هو وضع استثنائي يقوم فيه كمبيوتر السياره بتجاهل إشارات الحساست لإنها غير سليمة وبالتالي لو اعتمد عليها الكمبيوتر العربية لن تكون قابلة للقياده.
لذلك يتجاهل الكمبيوتر إشارات الحساسات ويعمل على ضبط المحرك على ضبط مسبق من المصنع - رغم إنها في حرارة التشغيل العادية - على قيم يفترض انها صحيحة وتسمح بتسيير السيارة لحد مركز الصيانة او لحد ما تروح بيها البيت ومن هنا جه المسمى بتاع (Limp Home) يعني أعرج (من العرج على الرجلين يعني) لحد ما أروح بيتنا.
وطبعاً لمبة Check Engine بتكون منوره، بس لازم نفهم إنه مش كل ما تنور اللمبة دي نبقى في Limp Home Mode - ممكن يكون في أسباب تانية وأنا سمعت عن أنواع عربيات لمبة الشيك بتنور لما يكون غطا التانك مش مقفول.
كمبيوتر السيارة في حد ذاته قوي ومصمم انه لا يعطل إلا نادراً، على العكس من الحساسات والأسلاك الواصله له فهي نوعاً ما ضعيفة وقابلة للعطب.
أرجو اكون أفدتكم.
ياباشا إنت أفدتني أنا شخصيا .. لأن التعبير عن الليمب هوم في موقعين كنت بدور فيهم ماكانش وافي وكل اللي فهمته من (العرجة المنزلية) دي كان كلام متضارب عن إنه بيحمي الموتور في حالة الأعطال .. بس المفهوم الكامل أو الواضح إنت شرحته .. فشكرا ليك يا باشا
يا باش مهندس شئ طبيعي ان كلامي مش فيه ريحة بنزين لأني لسه زيرو موديل 1975 هههههههههه
انا افتكرت البنزين النئ هي الريحة دي اللي وصفتها لحضرتك لأني لم اشتم رائحة بنزين نئ قبل كده
الريحة دي فقط اللي بشمها ففكرتها هي ريحة لبنزين
ممكن اطلب من سيادتكم طلب ؟؟؟؟؟؟؟؟؟؟؟؟
رقم موبايلك ولو في رساله خاصة للتعرف لي شخصية محترمه زي حضرتك وليس لأي غايه اخري
عندك حق .....كده أنت فى السليماقتباس:
يا باش مهندس شئ طبيعي ان كلامي مش فيه ريحة بنزين لأني لسه زيرو موديل 1975 هههههههههه
أما عن نفسى فأعتقد أن أنا اللى عربيتى بايظه
وتقريبا عايزه طقم شنبر
لأنى موديل 1965
فالموديل عليه عامل كبير برضه
ولو أنى مبعملش كيلووات كتير
لا كده أنت فى السليم .....والعربيه زى الفلاقتباس:
انا افتكرت البنزين النئ هي الريحة دي اللي وصفتها لحضرتك لأني لم اشتم رائحة بنزين نئ قبل كده
الريحة دي فقط اللي بشمها ففكرتها هي ريحة لبنزين
ومفيهاش حاجه
ربنا يباركلك فيها
لقد زادنى شرفااقتباس:
ممكن اطلب من سيادتكم طلب ؟؟؟؟؟؟؟؟؟؟؟؟
رقم موبايلك ولو في رساله خاصة للتعرف لي شخصية محترمه زي حضرتك وليس لأي غايه اخري
طلبكم هذا يا أخى الفاضل
وتلك هى أرقامى
0128383281
0143933118
إزيك يا باش مهندس .. واحشني جداااااااااااااااااااا
الله يخليك ياحمو
وصباح الفل عليك
وأرجو أن تكون بصحه جيده
أنا زي الفل .. فشلت كويتيا والحمد لله ومروح يوم السبت الجاي .
ولا كويتيا ولا دياوله
قال رسول الله (ص)
ليس لك من مالك
الا ماأكلت فأفنيت .....وما لبست فأبليت ....وما تصدقت فأمضيت
صدق رسول الله ( ص )
فأهم شىء الصحه والستر فعلا
غير كده ولا تشغل بالك
والكفن ملوش جيوب
بس أحنا كبشر
اللى عقلنا صغير شويه
وبنتكالب على الدنيا بدون داعى
فتنة حب المال والنساء ياسيدى
ربنا يكفينا شرهم
عن نفسى ....مشترى دماغى من قصة الفلوس دى
جات فلوس ..............أهلا وسهلا
وده رزق وبعته الخالق
مجتش فلوس ......يبقى هو عاوز كده
وده رزقى والحمد لله
فبكبر الجمجمه أوى مع القصه دى
:S_thum1[1]: عسل والله العظيم يا باش مهندس ..ياريت كل الناس زي حضرتك :S_thum1[1]:
الله يخليك ياحمو
ومتشكر لزوقك
ولا يهمك يا حمو
ارجع لينا بالسلامة