مش عارف ليه ياجماعة كل الكلام والاستفسارات حتى اعلانات الوكيل عن الفلوانس بس
طب فين الميجان مافيش اى كلام عنها حتى مافيش اعلانات ليها
انا شايف ان الموضوع فى حاجة غريبة او مقصودة مش عارف
عرض للطباعة
مش عارف ليه ياجماعة كل الكلام والاستفسارات حتى اعلانات الوكيل عن الفلوانس بس
طب فين الميجان مافيش اى كلام عنها حتى مافيش اعلانات ليها
انا شايف ان الموضوع فى حاجة غريبة او مقصودة مش عارف
معاك حق انا بردة ملاحظ الحكاية دى و مش لاقى ليها تفسير
انا شايف ان الميجان 3 عربية جميلة قوى و شكلها شبابى و رياضى لية مش واخدة حقها فى الدعاية معرفش
مع انى من حوالى شهر كنت فى رينو سور نادى الزمالك و لما سألت مندوب المبيعات عليها قالى ان عليها حجوزات اكتر من الفلوينس
الميجان ثبتت نفسها خلاص فى الفئه بتاعتها
زى اللوجان بالظبط ولو تلاحظ حضرتك الحمله الاعلانيه بتاعه اللوجان قلت خالص عن الاول أو يمكن شبه اختفت
مش لازم اعلانات عشان تبقى العربيه ناجحه
الانترا من اول ما نزلت غبور بدا يعمل ليها اعلانات فى الجرايد لسه السنه دى و على العروض بس
لا فيه عربيات كتير ما بتعملش اعلانات فى التلفزيون
يعنى لا الكورولا ولا السيفيك ولا الجيتا شفنا ليها اعلانات
حملات الإعلانات بيبقى ليها أهدافها وتكتيكاتها الخفية عننا
الأيام الجاية لصالح الفلوانس في فئتها اكيد
العربية ديه لو مظهرش فيها عيوب تصنيع على خلفية ما يحدث عالمياً في تويوتا فورد فولكس وغيرهم
" إن شاء الله " حتكسر الدنيا
مين....الميجان III ؟؟؟
ما افتكرش....
عربية هاتشباك بالسعر ده كلنا عارفين يوم ما تتنطط هيكون مبيعاتها قد إيه...
خصوصا إن المنافسة أقوى بكتير من زمان بينها و بين أمثالها....ليون و برافو و فوكس و 308 و هى إللى بلد منشأها تركى و الباقى كلهم من بلدان الاتحاد الأوروبى الثقيلة زى إيطاليا و أسبانيا...
و أنا إللى كان عندى أمل أشوف ال RS فى المعرض....:120146b
أنا أصدي عل اتنين يا هاني بس اتال عليهم شهرين، والله وحشني ماتجي ننزل المدان فالويكند
الفلوينس والميجان ٣
وبعدين هي الميجان ٣ الهاتشباك تركي ولا فرنساوي زي المعاك ؟؟
و اية المشكلة منشأها تركى ..ماهى نفس التصنيع و نفس مكونات الرينو الى بتنزل فرنسا بالضبط ...و على فكرة الميجان الفرنساوى مش بتتصنع فى فرنسا ..دى بتتصنع فى اسبانيا ..
و هناك تفكير جدى لغلق مصنع اسبانيا و نقل معظم انتاج رينو لتركيا
و رينو كليو الجديدة 4 حيتم تصنعها فى تركيا رغم اعتراض الحكومة الفرنسية .
دة كمان النسخة التركى حتكون افضل للطرق بتاعتنا ..لان تم تعديل ارتفاع و انظمة تعليق الميجان لملائمة الخدمة الشاقة فى تركيا و الدول المشابة و هو ملا يتوفر للشركات المنافسة اللى سيارتها فعلا بتعمل مشاكل لانها مجهزة لطرق الاتحاد الاوربى فقط ...
يعنى الميجان التركية دى بداية نقل كل انتاج الميجان لتركيا ..و العربية انا شوفتها على الطبيعة و تقفلها و خمتها فوق الممتازة و تتفوق على بعض السيارت الاوروبية فى المتانة و الخامات و معمول فيها تعديلات فى الشاسية و الارتفاع عشان فعلا تلائم الظروف الصعبة فى التشغيل .
اليون و البرافو و الفوكس ...مححقوش نجاح كبير فى مصر مش لانهم سيارت سيئة او مش على المستوى لكن لانهم مش مجهزين للطرق عندنا و فيهم هندسة معقدة كتير ..عشان كدة حساسين جدا لانواع الوقود و انواع الطرق و الجوة الحار و الرطبوه اللى موجود عندنا و ظروف التشغيل المصرية الصعبة..
و هو ما تم تلافية فى الميجان التركية لانهم عدلوها لتلائم ظروف التشغيل فى دول شمال افريقيا والدول المشابة .
دة غيرتعاون رينو مع نيسان فى الحصول على الخبرة اليابانية اللى نجحت بسيارتها فى منطقة الشرق الاوسط .
اعتقد انة لو مظهرتش عيوب جوهرية " لاقدر الله" ..الميجان و الفلوينس الجديدة حتصنف مع السيارت اليابانية فى الاعتدمادية على الطرق المصرية و كمان تتفوق عليهم بسبب تصمميها الاوروبى .
يا جماعه الميجان ميجان برده
اعتقد الباقي من 2010 هاتكون المنافسة في فئة الفلوينس أشد....لأن سوق السيدان فيه عربيات كتير مقارنة بالهاتشباك
ده سبب موضوع الاعلانات بتهيألي
بنهاية السنه دي لما الفورد فوكاس الجديدة تنزل هايبقا المنافسة اشد بالنسبة للفلوينس (بس حسب تجهيزات الفوكاس)
ونفس الشيء بالنسبة للميجان iii، الأوبل استرا الجديدة هاتخلي المبيعات في الفئة دي تنافسية جدا جدا....وبصراحة ارجح كفة الأسترا الجدبدة (بس برضة حسب التجهيزات والسعر اللي منصور هاينزلها بيها)
التركى مافيهوش مشكلة....لكن لو إنت زبون ما جربش لا التركى و الرينو قبل كده...قدامك عربيتين بنفس السعر و الإمكانيات...تختار تفحص و تمحص فى مين الأول ؟؟؟.. الأسبانى و الإيطالى و لا تروح للتركى الأول ؟؟؟
عربيتى فرنساوى..هناك بعض السيارات إللى تم توريدها للخليج بالفعل (هاتشباك) كانت آتية من وحدة التجميع فى أسبانيا و الكلام ده قاله لى الزميل محمد مصطفى و من واقع أوراق رسمية تخص المنشأ أثناء وجوده فى السعودية...يعنى هما هيزوروا فى بلد المنشأ ؟؟؟...
أعتقد إنك تقصد الكليو 3 بعد ال FaceLift ...و على كل أنا أتمنى إنها تتجمع فى تركيا...شرط أن تحافظ على الموروث الفرنسى الجيد....ما يحصلش إللى أنا اتصدمت به من تدنى غير متوقع للمستوى....و ده مالوش علاقة بتركية أو فرنسية المنتج...لإن الميجان 2 كانت السيدان منها تركى و مقاربة بنسبة كبيرة جدا للهاتشباك الفرنسية و لا يستطيع أحد استبيان و إحساس الفروقات الشبه معدومة بسهولة...لكنه للأسف ليس واقع الحال مع الفلوانس و لا الميجان 3 ...للأسف
التغييرات فى التعليق و الارتفاع لتلائم الطرق التعبانة بتاعت العالم الثالث...راجع إلى الميجان 3 و لا 2 ؟؟
علشان أنا شايف الهاتشباك و السيدان فى الميجان 2 زى بعض بالظبط
مسألة تفوق الخامات فى الفلوانس دى تعنى إن حضرتك يا إما غير ملم بالميجان 2 جيدا أو لك نظرة تختلف كثيرا عن جمهور المقارنين بين الميجان 2 من ناحية و الفلوانس و الميجان 3 من ناحية....
لإن بالفعل..مش محتاجة عين خبيرة لإدراك الفرق بين ما كنت عليه الميجان و ما صارت إليه مع الفلوانس....
التوفير و الاقتصاد واضح من الوهلة الأولى..و يتجلى فى أشياء من عينة النسخ إللى بيتشتغل بمفتاح بدلا من كارت...
و تقليل عدد الوسائد الهوائية من 6 إلى 2 على ما أعتقد
و اختلافات بين النسخة الفرنسية من الميجان 3 و النسخة التركية زى العدادات
مين إللى بيقول البرافو مش محققة نجاح ؟؟؟...فى الآونة الأخيرة...انطلاقتها فى الشارع واضحة جدا طبعا....جايز بدايتها كانت بطيئة..لكن أنا شايف إنها متسارعة جدا دلوقتى مع مراعاة حجم مبيعات عريبة بالسعر ده و هاتشباك....و ده راجع لأسلوب عرضها و ترويجها الأفضل من الأول...
الاهتمام من قبل التوكيل بالمنتج هو إللى مخلى العربيات الأوروبى الهاتشباك (بالإضافة لطبيعتها و سعرها ) مش واخدة حقها..و إن كان على الحرارة و الرطوبة فلا تقلق...فى مواصفات خاصة بالمناطق الحارة و الطرق الوعرة..بدليل راجع كارتيرة الزيت فى العربيات الميجان 2 الخليجى هتلاقيها مختلفة عن التصفيح الحديد للعربيات إللى بتنزل مصر...
+111111111111111
المشكلة إننا حفظنا منصور خلاص.شوف بقى له قد إيه بيعرض فى الكورسا و جاى يبيع فيها لما بقت almost out of production و كمان نازلة بأسعار شكلها إيه....
الأمل فى ربنا...مين عارف..يمكن يهدى عز العرب و يجيب ال C4 السنة الجاية فى ميعاد و بسعر كويسين و يخدمها أحسن
عموما احنا عاوزين نشوف معلومات وصور للميجان 3 ولو حد عمل test drive ليها اسعار قطع غيار زى ما حصل للفلوانس دى حاجة
تانى حاجة انا ملاحظ كتير ان الناس بتقول على الفلوانس الميجان 3 سيدان او الميجان الجديدة ودا مش صح الفلوانس حاجة والميجان حاجة تانية
أنا ليا وجهة نظر في موضوع الدعايا و الإعلان الخاص بـ Megan أو logan .
أعتقد إن دي سياسة شركة.بمعني..إن العربية خلاص ثبتت نفسها بين فئتها.و كده ولا كده هي سيارة ناجحة بكل المقاييس.مش شرط إني أعمل إعلان وأدلل علي الحاجة وهي ناجحة و سمعتها سابقة الإعلان.زي بالظبط سياسة فولكس و بي إم و مرسيدس.يا دوبك هما إعلانين و حلو كده.
لا يا اخ شاتو انا اقصد الكليو 4 الجديدة خالص و دى ليسة حتنزل خلال سنتين او اكتر ..و تقريبا تم اتخاذ القرار بتصنيعها فى تركيا مع الابقاء على تصنع بعض الكميات فى مصنع فرنسا للحفاظ على العمالة و دة رابط للمفوضات اللى كانت شغالة ..
Anadolu Ajans
بالنسبة للنظام التعليق انا اقصد انة مختلف فى الميجان 3 التركية عن النسخة الاصلية من الميجان 3 "الفرق واضح حتى من الصور ..و هناك تعديلات صغيرة فى الشاسية نفسة فى النسخة التركية "تم تقويتها زيادة "
بالنسبة للخامات فى الميجان الجديدة 3 مقارنة بالميجان 2 اعتقد هناك فرق لصالح الميجان 3 الجديدة "بالرغم انها من تركيا " ..يمكن هناك كماليات اقل فى النسخة التركية و لكن دى حتعتبرها ميزة مش عيب لان هذة الكمليات ممكن تكون مش مناسبة للظروف التشغيل المصرية و حتحتاج خبرة اكبر فى صيانتها .
صحيح ان رينو بتصنع فى تركيا للحصول على نسخة اقتصاديية اكتر ..لكن التوفير مش بسبب خامات اقل و لكن بسبب تكلفة الايدى العاملة اقل و القطع المغذية اللى بتصنع فى تركيا و اسعرها حتكون افضل مع الاحتفاظ بمستوى متقارب جدا فى الجودة .
و متنساش الخبرة اليابانية اللى متواجدة فى الميجان و الفلوينس الجديدة و دة اللى حيظهر من خلال التشغيل و هو ما لم يتوفر فى الميجان السابقة الهاتش باك او السيدان .
و على فكرة المصنع التركى بيصنع الكليو الستيشن كمان حاليا و دى بتنزل اوروبا و فرنسا " اكيد رينو مش حتضحى بسمعتها فى اوروبا للتوفير فى جودة شوية خامات " .
ملحوظة اخيرة يا جماعة
الناس اللي ليها في الmarketing عارفة الكلام ده...كل منتج ليه وسيلة الدعاية المناسبة ليه، واللي ممكن تتغير مع الوقت حسب نضوج المنتج في السوق.
العربيات اصل اعلاناتها مش التليفزيون والراديو (ده بس في المرحلة اللي بتكون لسه نازله ومحدش سمع عنها لسه ولا شافها في الشارع ) لأن اللي بيدورعلى عربيه بجد مش بس يهمه الشكل...انما عايز معلومات اوفى عن مواصفات العربية وتجهيزاتها. وتكون موجوده معاه المعلومات دي بحيث يقدر يرجعلها تاني ويقارن بعربيات تانية. علشان كده بتبقا المجلات والجرايد هي الوسيلة الرئيسية للدعاية عن العربيات.
لو فكرتوا فيها كده هاتلاقوا ان كل العربيات دعايتها شغاله (حتى اللوجان)
سالونا ليه رافعين راسكم وشكلكم قويين... قولنا العفو كلنا بشر بس احنا ميجانويين
و نقطة و من أول السطر