انا حاسس ان الايام الجاية مش ايام الميجان

**M_samir** · 18-03-2010 04:03 PM

مش عارف ليه ياجماعة كل الكلام والاستفسارات حتى اعلانات الوكيل عن الفلوانس بس
طب فين الميجان مافيش اى كلام عنها حتى مافيش اعلانات ليها
انا شايف ان الموضوع فى حاجة غريبة او مقصودة مش عارف

**bukla** · 18-03-2010 04:46 PM

معاك حق انا بردة ملاحظ الحكاية دى و مش لاقى ليها تفسير
انا شايف ان الميجان 3 عربية جميلة قوى و شكلها شبابى و رياضى لية مش واخدة حقها فى الدعاية معرفش
مع انى من حوالى شهر كنت فى رينو سور نادى الزمالك و لما سألت مندوب المبيعات عليها قالى ان عليها حجوزات اكتر من الفلوينس

**KSA2011** · 18-03-2010 07:25 PM

مش لازم اعلانات عشان تبقى العربيه ناجحه
الانترا من اول ما نزلت غبور بدا يعمل ليها اعلانات فى الجرايد لسه السنه دى و على العروض بس
لا فيه عربيات كتير ما بتعملش اعلانات فى التلفزيون
يعنى لا الكورولا ولا السيفيك ولا الجيتا شفنا ليها اعلانات

**د.محمود صلاح** · 18-03-2010 08:13 PM

حملات الإعلانات بيبقى ليها أهدافها وتكتيكاتها الخفية عننا

الأيام الجاية لصالح الفلوانس في فئتها اكيد

**chato_eg** · 19-03-2010 08:08 AM

المشاركة الأصلية كتبت بواسطة Amr_Moh

العربية ديه لو مظهرش فيها عيوب تصنيع على خلفية ما يحدث عالمياً في تويوتا فورد فولكس وغيرهم

" إن شاء الله " حتكسر الدنيا

مين....الميجان III ؟؟؟
ما افتكرش....
عربية هاتشباك بالسعر ده كلنا عارفين يوم ما تتنطط هيكون مبيعاتها قد إيه...
خصوصا إن المنافسة أقوى بكتير من زمان بينها و بين أمثالها....ليون و برافو و فوكس و 308 و هى إللى بلد منشأها تركى و الباقى كلهم من بلدان الاتحاد الأوروبى الثقيلة زى إيطاليا و أسبانيا...
و أنا إللى كان عندى أمل أشوف ال RS فى المعرض....

**Amr_Moh** · 19-03-2010 08:23 AM

أنا أصدي عل اتنين يا هاني بس اتال عليهم شهرين، والله وحشني ماتجي ننزل المدان فالويكند
الفلوينس والميجان ٣

وبعدين هي الميجان ٣ الهاتشباك تركي ولا فرنساوي زي المعاك ؟؟

**wawoo** · 19-03-2010 10:10 AM

المشاركة الأصلية كتبت بواسطة chato_eg

...ليون و برافو و فوكس و 308 و هى إللى بلد منشأها تركى و الباقى كلهم من بلدان الاتحاد الأوروبى الثقيلة زى إيطاليا و أسبانيا...
..

و اية المشكلة منشأها تركى ..ماهى نفس التصنيع و نفس مكونات الرينو الى بتنزل فرنسا بالضبط ...و على فكرة الميجان الفرنساوى مش بتتصنع فى فرنسا ..دى بتتصنع فى اسبانيا ..

و هناك تفكير جدى لغلق مصنع اسبانيا و نقل معظم انتاج رينو لتركيا
و رينو كليو الجديدة 4 حيتم تصنعها فى تركيا رغم اعتراض الحكومة الفرنسية .

دة كمان النسخة التركى حتكون افضل للطرق بتاعتنا ..لان تم تعديل ارتفاع و انظمة تعليق الميجان لملائمة الخدمة الشاقة فى تركيا و الدول المشابة و هو ملا يتوفر للشركات المنافسة اللى سيارتها فعلا بتعمل مشاكل لانها مجهزة لطرق الاتحاد الاوربى فقط ...

يعنى الميجان التركية دى بداية نقل كل انتاج الميجان لتركيا ..و العربية انا شوفتها على الطبيعة و تقفلها و خمتها فوق الممتازة و تتفوق على بعض السيارت الاوروبية فى المتانة و الخامات و معمول فيها تعديلات فى الشاسية و الارتفاع عشان فعلا تلائم الظروف الصعبة فى التشغيل .

اليون و البرافو و الفوكس ...مححقوش نجاح كبير فى مصر مش لانهم سيارت سيئة او مش على المستوى لكن لانهم مش مجهزين للطرق عندنا و فيهم هندسة معقدة كتير ..عشان كدة حساسين جدا لانواع الوقود و انواع الطرق و الجوة الحار و الرطبوه اللى موجود عندنا و ظروف التشغيل المصرية الصعبة..

و هو ما تم تلافية فى الميجان التركية لانهم عدلوها لتلائم ظروف التشغيل فى دول شمال افريقيا والدول المشابة .
دة غيرتعاون رينو مع نيسان فى الحصول على الخبرة اليابانية اللى نجحت بسيارتها فى منطقة الشرق الاوسط .

اعتقد انة لو مظهرتش عيوب جوهرية " لاقدر الله" ..الميجان و الفلوينس الجديدة حتصنف مع السيارت اليابانية فى الاعتدمادية على الطرق المصرية و كمان تتفوق عليهم بسبب تصمميها الاوروبى .