مع إحترامى الشديد إللى بيتكلموا على التقفيل المصري فى الصنى دول معندهمش صنى و بيتلكموا بناء على إشاعات ... لكن ملاك الصنى نفسهم بيشكروا فى تقفيلها ... و أنا ركبتها بنفسى و تقفيلها جيد جدا فعلا ....
عرض للطباعة
مع إحترامى الشديد إللى بيتكلموا على التقفيل المصري فى الصنى دول معندهمش صنى و بيتلكموا بناء على إشاعات ... لكن ملاك الصنى نفسهم بيشكروا فى تقفيلها ... و أنا ركبتها بنفسى و تقفيلها جيد جدا فعلا ....
السلام عليكم
انا جربت الأثنين وهقولك الفرق اللى شوفته من الأستعمال(النترا مانيوال و صنى اتوماتيك) :-
اولا: الالنترا
مميزاتها
- سحبها ممتاز
- اوسع من الداخل
- افخم من حيث جوده التقفيل و الدهان و الكماليات
- عزل الموتور جيدا جدا
- الباور خفيف جدا لأنه كهرباء
العيوب
- سعرها مبالغ فيه ( باتكلم ان اول فئه اتوماتيك ب 97 الف)
- بعد اقل من سنه سوف يتغير شكلها وده هيأثر فى سعر اعاده البيع طبعا
- التوكيل بالنسبه لى ما كنش كويس خالص وزحمه
- العربيه بتحك مع المطبات الصعبه وما اكثرها فى بلدنا (بتحك فى علبه الشكمان ومش بطن العربيه)
- عومت منى وانا ماشى على 140(ببقى غالبا وانا بحود وفى هوه جامد )
ثانيا : النيسان صنى
المميزات
- سعرها مناسب جدا لامكانياتها و تعتبر اقتصاديه
- صاجهاو عفشتها حلوين
- ابعادها كويسه و سهله القياده
- توكيلها ممتاز و عارفين كل مسمار فيها
- اسعار قطع غيارها معقوله
- شنطتها واسعه وتشيل كتير
- عاليه وفى نفس الوقت ثابته على الارض وما بتحكش فى المطبات خالص
العيوب
- الدركسيون تقيل لأن الباور زيت بس انا سمعت انهم فى التوكيل ممكن يخففوه شويه بس مش هيبقى خفيف زر الانترا بأى حال من الأحوال
- الكنبه خلفيه ضيقه عكس الانترا
- فقيره شويه من حيث الدهان و جوده التقفيل و الكماليات (وحاجات بسيطه مش موجوده بس تخنق زى مثلا مفيش غطاء على الموتور و كل الاجزاء تشوفها قدامك كانه واحد عاملها على ايده)
- التصميم الخارجى قديم وموجود من قديم الزمان
- تجميعها بطىء (باتكلم عن الاتوماتيك)
- استهلاكها للبنزين يعتبر عالى عن الالنترا
معلش انا بقارن مانيوال (النترا ) ب صنى (اتوماتيك) عشان هما تقريبا بنفس السعر و كمان هما دول اللى جربتهم .
حسام باشا ....
حضرتك إنسان محترم جدا ... و نفسى أبقى أتشرف بمقابلة حضرتك ... فى المقابلة الجاية إن شاء الله
.... عايزين نتكلم بإسلوب علمى شوية ..
و ده سؤال عندى شخصيا و حاجة محيرانى .. فى موضوع الثبات ..
ناس تقول أنا عربيتى ثابتة جدا ....
و واحد يقولك أصل انا ألمانى العربية ثابتة لأقصى درجة و مافيش زيها ...
لكن كل ده كلام فى الهوا و كلام مايقولش أى حاجة و المفروض مانتكلمش فيه أصلا ..
أنا عايز أعرف معيار تقييم الثبات ... يكون مثلا فى رسم بيانى أو جدول درجات ..
و العربية تأخد مجموع درجات ... و من هنا نقيم مدى ثباتها .... و يكون بقوانين فيزيائية و تجربة ناس محترفين و أجهزة قياس ... ده فى رأيى معيار الثبات الحقيقى ...
معرفش هل فى حاجة كده موجودة حاليا أصلا ولا لأ ...
لكن نسيب الكلام على أهواء الناس ... ماينفعش .. و خناقات مين أثبت من مين!!
أنا شخصيا بسوق الفلوريدا علطول ... أركب اللوجان بتاعت أبويا أقول صباح الثبات!! ...
فلو حضرتك عندك إجابة لإستفسارى يا ريت ترد عليا عشان أنا فعلا نفسى أعرف ...
بالنسبة للموضوع .. أنا شخصيا أفضل البونتو ... لكن أفضل الإلانترا عشان سيدان و أسهل على الراجل .. ثانيا جيل احدث من الصنى
ياباشا شكرا لذوقك ان شاء الله اتشرف بمقابلتك قريب
بيتهيألى موضوع الثبات مستحيل نحطله معيار او قواعد او ثوابت وكل الناس فعلا بتحط اراء بناء على وجهة نظرهم بعد تجربتهم لعربيه ثباتها أقل , فيقول ان العربيه الفلانيه ثابته جدا , ودا كلام مش منطقى طبعا
لان بغض النظر عن مواصفات العربيه سواء مقاس العجل او نظام التعليق او وزن العربيه او ال Aerodynamics وال Drag Coefficient
او اى عوامل تانيه سواء فيزيائيه او غيرها
فى عامل الطريق اللى ملوش ثوابت , وفى السواق اللى سايق
ودول نقطتين مبنتكلمش فيهم خالص عشان كدا حكمنا على الثبات مش منطقى
لان الطرق عندنا فى اللى مايل وفى اللى مستقيم
وفى الطريق اللى الهوا معاه وفى اللى الهوا ضده
غير كمان نقطة السواق
الواحد لو راكب العربيه لفتره وبيسوق كويس ومتعود عليها هايعرف ازاى يتحكم فيها ويكسر بزاويه اد ايه ويحود ازاى وامتى وهاياخد منها افضل ثبات
ممكن واحد تانى اول مره يركب العربيه ومش متعود عليها يقوم يسوقها بطريقته يقول لأ دى مش ثابته
او يكون سايقها فى طريق مش كويس فيقول دى مش ثابته
عشان كدا دايما الناس بتتخانق على موضوع الثبات
حتى لو كانت العربيه واحده
ممكن اتنين يشتروا نفس العربيه زيرو وواحد يقول دى اثبت عربيه ركبتها فى حياتى والتانى يقول ثبات زباله
كل واحد بيصنف درجة الثبات طبقا لاهوائه الشخصيه
انا شخصيا لما باركب عربيتى مبحسش بنفس درجة الثبات فى كل الظروف وكل الاوقات
مع انى نفس السواق ونفس العربيه :):)
طبقا لكلامك لو عايزين نحدد عوامل وثوابت نحدد عليها ونجكم بيها
ارتفاع العربيه عن الارض - عرض العجل - نظام التعليق - وزن العربيه - Aerodynamics - Drag Coefficient
دول اللى فى دماغى حاليا
النترا افضل من الصنى من وجهه نظرى انعم كتير و شكل افضل بكتير من وجهه نظرى و موتور اقوى
و برضه لازم تعمل استخاره و بعدين تتوكل على الله
انا عاجبانى الالنترا جدا