50---- 70 امبير

**heragy** · 19-03-2010 09:14 AM

سبحانك اللهم وبحمدك ، أشهد أن لا إله إلا أنت أستغفرك وأتوب إليك - كنت بعمل صيانة البطارية عند بتاع البطاريات وقالى على حاجة لفتت نظرى جدا قالى لما البطارية تقدم شوية ابق غيرها ببطارية جديدة جافة 70 امبير علشان تريح العربية مش عارف الكلام دة صح ولا اية على فكرة العربية شيفورلية لانوس 2010 بقالها حوالى 6 شهور والبطارية اللى فيها 55 امبير افيدونى افادكم الله وجزاكم الله خير الجزاء --------

**heragy** · 19-03-2010 07:39 PM

صحوا النوم 123345667898745632100.3544 مفيش اى رد يعنى مفيش اى حد عندة معلومة فى الموضوع دة

**titofouda** · 20-03-2010 08:14 PM

الفتين واحنه ورهم يا باشه اكيد مش بيفهم اكتر من التوكيل اليه منزلها وبعدين نصيحه اقراء الكتالوج ونته هتعرف كل حاجه عشان تبقه فى التمام

**darkangel007** · 23-03-2010 12:53 PM

هتفرق اى لو ركبت بطارية 70 امبير فى عربية الاصل بتاعها 55؟
حد ممكن يوضح؟

**amrelsaqqa** · 23-03-2010 03:22 PM

الراجل ما غلطش يعنى
منطقيا كلامه صح ان كل ما زادت سعة البطارية كل ما كانت تقدر توفر تيار اكتر للعربية

يعنى هتفرق في الدوارة الصبح
هتدور معاك اسهل وخصوصا في الشتا وعزم المارش هيبقى اقوى
وكمان لما تيجى تدور مش هتلاقى كهربة العربية كلها بترعش وبتضعف والراديو يفصل لحظة الدوارة

وكمان هتفرق لو مركب حاجات زيادة في العربية
مثلا لو جى ام وكاسيت وسماعات قوية والوات بتاعها عالى
او مركب زينون

بس الصح بقى والله اعلم وده كنت قريته هنا في المنتدى قبل كدة انك تغير الدينامو بواحد اقوى عشان لو غيرت البطارية بس وسبت االدينامو القديم هيتنه يشحن فيها طول الوقت لحد ما نفسه يتقطع

ده لو فكرت تزود السعة
انما طالما شغالة معاك كويس ولقيت فرق في السعر
يبقى نفض وخليك 55 عادى طالما مقضية الغرض منها

**a7mode** · 26-03-2010 07:45 PM

عادى لما تغير لـ 70 امبير مفهاش مشاكل بس الفكره كلها هل اعده البطاريه القديمه حينفع يتحط فيها مقاس البطاريه ال 70 امبير !! اتمنى تكون فهمت قصدى

**khaledfox** · 06-04-2010 11:38 PM

+++++1+++++

**khaledamin** · 19-06-2010 08:33 PM

دخلت نفسك فى دوامة ليه من كلمة اتقالت.. البطارية بتعملها صيانة عند الكهربائى اذن هى بطارية حامضية علشان الجافة ليس لها صيانة .. البطارية اللى معاك لسة عليها على الاقل ثلاث سنوات لما تتعب متفكرش من الان و عموما 70 امبير جافة تركب مكان 55 امبير الحامضية و مع نفس الدينامو.