معايا نيسان صنى 2007 اتوماتك وانا واقف بالعربية او انا ممورها بشعر كدة برعشة خفيفة ياترى ده عيب فيها ولا ايه وما الحل فى منع هذه الرعشة
عرض للطباعة
معايا نيسان صنى 2007 اتوماتك وانا واقف بالعربية او انا ممورها بشعر كدة برعشة خفيفة ياترى ده عيب فيها ولا ايه وما الحل فى منع هذه الرعشة
استاذ سعودي
حضرتك معاك نيسان صني 2007 زي عربيتي تماما
و دايما ملاحظ في مواضيعك انك عندك مشاكل بالكوم في العربيه
هل حضرتك بتروح الصيانات الدوريه في مواعيدها و العربيه معاك من الزيرو ولا شاريها مستعمل؟
و هل لو مكنتش بتروح الصيانات بتهتم بتغيير الحاجات اللي المفروض تتغير او بتراجع عليها عند اي ورشه ولا لأ؟
و هل بتستعمل قطع غيار اصليه سواء من التوكيل او من بره التوكيل ولا لأ؟ (انا فاكر اخر موضوع ليك و كنت حضرتك بتسئل عن سعر الرادياتير للعربيه بره التوكيل انا شفت السؤال بتاعك و محبتش اشارك لسببين الاول كان لازم اعرف ليه الرادياتير عندك باظ ولازم تغييره و السبب التاني ان الرادياتير ملوش حل غير انك تشتريه من التوكيل او من محلات لبيع قطع غيار الصني فالموضوع مش اكتر من كده بس السبب الاول كان اهم عندي قبل ما اجاوبك علشان اكيد لو في خلل عندك في العربيه ممكن الخلل ده يحصل عندي بس دايما حضرتك بتسئل و متهتمش تجاوب الاخرين)
انا عن نفسي العربيه شاريها مستعمل علي 25600 كيلومتر و الحمد لله اديني عامل 60000 الف كيلو و العربيه تمام زي الفل
و عموما و علشان مشاركتي ليك تكوني مفيده بالنسبالك احب اوضح موقف حضرتك مع العربيه
لو العربيه و انت بتسخنها خصوصا في جو بارد ممكن تلاقيها بتترعش او بترج رجه خفيفه جدا و الموضوع ده بيظهر في البرد القارص فقط و مظهرش عندي في الشتا اللي فات الا مرتين فقط لدرجه اني نسيت اقولهم عليه في التوكيل و كان سبعاوي برضو اتكلم في الموضوع ده انه عادي في البرد ولا داعي للقلق
و الاحتمال التاني لو الرجه مستمره و مش ساعه التسخين هيكون حاجه في قواعد الماتور او بسبب استخدام بنزين غير نظيف او وجود مياه فيه
في احتمالات تانيه بس حضرتك كلامك مش مساعد الواحد انه يفكر اكتر من كده
ارجو اني اكون افدتك
متشكى جدا د . امير على اهتمامك بموضوعاتى
بالنسبة لعربيتى انا كنت مشتريها من حوالى سنة طبعا مستعملة وكانت عاملة 40000 الف كيلو عاملتلها صيانى ال 40 عن السبع والعربية مشاء الاه كانت ماشية تمام الا انة قد ظهرت لى مشكلة فيها كنت ماشى بيها وفجأه ظهرتى لى لمبة الاعطال منورة كنت ببعد عن مكان المدينة اللى انا سامن فيها حوالى 5 كيلو وطبعا مفيش عتدنا فى الفيوم توكيل او مراكز صيانة محترمة اعرف كهربائى رحتله على الفور وقلاة انى فى لمبة منورلاة عندى فى طبلوه العربية فقالى ان دى لمبة الاعطال ولقيتة فتح الكاوت بتاع العربية وكشف عليها وقلى العيب ده فى الحساس ولازم تشترى حساس اعتقدت ان كلام صحيح ونزلن مودرن موتورز اشتريت الحاساس وجبتة يركبة وبعد كده لقيت العيب هو هو والعربية عمالت تنتش غيرا البوجيها مفيش فايدة واتضح انه حمار ومش بيفعم حتجو كلفنى بس 650 ثمن الحساس المهم بعض نصح بعض الاصدقاء هنا رحت التوكيل وكانت المفاجاة ان العيب كان فى الريداتير كان مخروم ومفيش تقطة مياه فى العربية طبعا العربية جابت جوان ووش لانى ماشيت عليها فترة وهى طبعا كانت سخمة ونسيت خالص ان فى عداد للسخونة والى عاملتى ات القربة كان فيها ميه مفكراش ان العيب من المياه فكوا الماتور فى التوكيل وركبو الجوان وقالو لازم تركب ريداتير طبعا ثمن عندهم كان غلى اوى جبتة من عندهم ب 2250 جنية لانة بتاع الوتوناتك ورظبطوا العربية وبقا امام ترجع بقى لمشكرة الرجة اللى فى العربية دى بتيقى فى اوقات مش بدرى يعنى الجو بيكون كويس ومش فى الصبح والعربية على المور بتعمل كده ومكتاش عاملها قبل كده مش عارف هل اسبابها الى حضرتك بتقول عليها ولا ايه الاحنمالات الاخرى
طيب ممكن اطلب منك طلب؟
ممكن تبعتلي رقمك علي الخاص و انا هاكلمك و اظبط معاك مشوار للسبع زهراء المعادي بالاتفاق مع المهندس محمد عمر هناك
و لو متعملش معاك واجب خرافي ابقي راجل اي كلام
ايه رأيك بقي كده؟
د/ امير متشكر جدا على اهنمامك وانا يسعدنى ان اتشرف بحضرتك وياريت ده يحصل ولكن بينى وبينك فى الوقت الحاضر مش هاقدر اصرف حاجة تانية على العربية عارف العملية دى كلفتنى 4000 جنية
ياريت والله نتكلم ولكن ازاى ابعتلك رقمى على الخاص
أنا عندى نفس العيب صنى 2007 وبعمل صيانة فى التوكيل (السبع) كل 5000 وقاموا بترصيص العجل و العيب زى ماهو و رجعتلهم تانى يوم فقاموا بترصيص العجل تانى وضبط الموتور (3 ساعات) و العيب زى ماهو وانا مش فاضى أروحلهم تانى.
ايه رايك بقا فى كلام بوجى
بس العيب اللى عندى مش موضوع ترصيص عجل الرعشة مش فى التارة
استهدو بالله عليا شويه
انا مش تبع نيسان مصر ولا السبع موتورز ( و لو اني ممكن اشتغل مسئول علاقات عامه في اي توكيل و اخليه توكيل متميز مش لأني شخص فوق العاده لكني صاحب عربيه و عارف ايه متطلبات اي صاحب عربيه من التوكيل بتاعه)
بس انا ممكن اروح معاكم السبع زهراء المعادي و اكلملكم المهندس محمد عمر و ربنا يقدم اللي فيه الخير و بالنسبه للاخ سعودي فلما تبقي جاهز تبقي تقوللي و ان كنت تقدر علي صرف القليل نسبيا دلوقتي احسن ما المشكله اللي عندك تطول حاجات تانيه و مدمت ملكش في حوارات الميكانيكيين و الكهربائيين يبقي بلاش
انا ياما اكلو من ورايا عيش و حلاوه و الحمد لله دلوقتي بعتبر نفسي نوعا ما فاهم شويه
أتمنى منكم أن تخبرونا بالتفاصيل و كيفية حل المشاكل و ما هى و إيه سببها و ربنا يوفق و يقدم ما فيه الخير
محمد باشا
مش لما نحط ايدينا الاول علي المشكله و سببها
و زي ما حضرتك قريت انا مستني الاخ سعودي علشان اخده و نروح التوكيل في اقرب فرصه تتاح ليه و نشوف اول و اخر المشكله دي عنده سببها و علاجها
العربيه بتاعته واضح انها متبهدله شويه كتار حبتين و محتاجه تدخل حاسم
بمعني ان مش مجرد ميكانيكي عادي و خلاص
عايزه محترف
و قصه انه المشاكل بدائت بعد فتره من تصيينه عربيته في التوكيل انا مش هاسيبها تمر مرور الكرم بالذات في السبع زهراء المعادي
انا نفسي كنت فقدت الثقه فيهم لكن الحمد لله دلوقتي الوضع اتغير تماما
فممكن الصنايعي اللي عك في عربيتي يكون هو هو نفس العكاك اللي عكله في عربيته
فعلشان كده الراجل ده ليه حق و ربنا يقدرني و اجيبله حقه زي ما انا اخدت منهم حقي و زياده و من دون تعليه صوت ولا تهديد ولا اي حاجه من الحاجات دي
الناس اللي هناك محترمه و التعامل المحترم بيوفر سكك ملهاش لازمه كتير