تغيير زيوت الموتوسيكل

**hassan14** · 19-03-2010 11:52 AM

لو سمحتو ياشباب بالنسبة للزيوت بتاعت المكنة بتتغير كل قد ايه سواء زيت الموتور او زيت الفرامل ولو فى زيت للفتيس زى العربيات بيتغيروا كل قد ايه وايه الانواع الكويسة بتاعت الزيوت

**live_live** · 19-03-2010 01:34 PM

بالنسبه لزيت الماتور ....يبقى على حسب الاستخدام والحرق وعلى حسب نوع الزيت
يعنى لو استخدمت زيت شل ابو 65 او ما يعادله من الزيوت المصري زي تعاون سوبر ابو 40 او كالتكس او مصر للبترول 7500 ابو 40 برضه
ده ممكن تمشي عليه 1000 الى 1200 مستريح......ده لو معدل الحرق بتاعك متوسط (مشي معتدل)
اما لو عممال تحرق وتشد و بتغير على 14 ار بي ام ....غير على 600 ل 800 فى الانواع ده
مافيش زيت فتيس ...عشان كده ما حدش بينصح بزيت موبل للموتسيكلات
وزيت الفرامل ما بيتغيرش
بيتزود فقط لو نقص......وزيت الفرامل مافيهوش انواع تفرق هي علبه صفرا اسمه زيت باكم...وخلى بالك منه عشان لو نزل على البويه بيشيلها
والله اعلم

**otefa** · 19-03-2010 02:37 PM

المشاركة الأصلية كتبت بواسطة live_live

وزيت الفرامل ما بيتغيرش
بيتزود فقط لو نقص......وزيت الفرامل مافيهوش انواع تفرق هي علبه صفرا اسمه زيت باكم...وخلى بالك منه عشان لو نزل على البويه بيشيلها
والله اعلم

اسمحلي زيت الفرامل مواصفات كل ماعليت المواصفات كان افضل وافضلهم حاليا Dot 4
زيت الفرامل يستحسن تغيره كل سنتين....بتجيب سرنجة وتسحب بيها كدة كانك غيرت اكتر من 80% من الزيت....وتحط زيت جديد مكانه......هو زيت الفرامل معروف عنه انه بيشيل الدوكو وبيظفر الصاج في العربيات كمان.

**hassan14** · 19-03-2010 07:01 PM

شكرا ياجماعة على ردرودكم الهايلة دى والف الف شكر لكل الى رد

**shouk_1987** · 22-03-2010 07:04 PM

أنا كان عندى سؤال مهم :

المكن عموما بيعمل كيلومترات كتيرة ولا قليلة ياعنى يبقى عامل كام كيلو لما يبقى اسمه هارى نفسه لف وكده
ياعنى لو حد بيجيب used يبقى اخره عامل كام كيلو

**otefa** · 22-03-2010 08:07 PM

والله السؤال ده فعلا صعب ها احاول اردلك عليه
بالنسبة للموتور الموتوسيكلات الي مواتيرها كبيرة وعدد لفات موتورها اقل بيبقي عادة العمر الافتراضي اكبر بفرض ان نوعية الاستعمال والصيانة جيدة ومتساوية......والريسينج بصفة عامة هانقول من 40000 كيلو تفحصه بزيادة قوي قبل ماتفكر تشتريه.
وبتختلف من حالة للثانية....يعني صاحبه محافظ عليه وصيانة منتظمة ولا العكس.

**shouk_1987** · 22-03-2010 11:07 PM

المشاركة الأصلية كتبت بواسطة otefa

والله السؤال ده فعلا صعب ها احاول اردلك عليه
بالنسبة للموتور الموتوسيكلات الي مواتيرها كبيرة وعدد لفات موتورها اقل بيبقي عادة العمر الافتراضي اكبر بفرض ان نوعية الاستعمال والصيانة جيدة ومتساوية......والريسينج بصفة عامة هانقول من 40000 كيلو تفحصه بزيادة قوي قبل ماتفكر تشتريه.
وبتختلف من حالة للثانية....يعني صاحبه محافظ عليه وصيانة منتظمة ولا العكس.

ألف ألف شكر يا باشا و إن شاء لو كان لينا عمر وجبت بايك هتبقى من أول الناس اللى هاتشوفه و تعلمنى أسراره (هاتقلّ عليك معلش) بس انت ادعيلى

**otefa** · 22-03-2010 11:11 PM

العففففو ياباشا...ربنا يوفقق في الي في بالك ....وخد الموضوع براحة..واعمل حسابق في خوذة قبل الراسينج نفسه.
وشوف اللينك ده ممكن تاخد فكرة عن الموضوع من بلاده......وهما طبعا بيتكلموا بالميل مش بالكيلو.

Average Life Span of a Motorcycle? : Yamaha R6 : R6 Forum