-
أشكركم جميعاَ علي مشاركتي بجد
هو فعلاَ الحياة بقت مستحيلة بشكل كبير لأن انا و أصدقاء تانيين تقريباَ مبننامش ! مصايب بتحصل الفجر و الصبح و ننزل نجري نشوف فيه إيه و كل شوية مستشفي و هلوسة و عصبية.
المشكلة التخلي عن هذا الصديق للأسف غير وارد لأن هو في حالة خارجة عن السيطرة .. ولو لا قدر الله إنتحر ولا حاجة انا و أصدقائي هنعيش إزاي بعد ما نحس إن تخلينا عنه .. مع إن يا كايرو فعلاَ ناس كتير إختارت كدة و محدش يقدر يلومهم لأن اللي بيحصل كتير أوي!
بحري انا إتصلت بمستشفي أبو العزايم و عرفت تفاصيل شكراَ ليك بجد.
-
انا عاوز تجرب تنزل علي موبيلك الحاجات دي
1- الادان + سوة البقرة + سورة يس + سورة الدخان + الرقية الشرعية وتسمعة السور و الايات حتي ان كان غير مسلم فالقرأن لية مفعول في ابطال السحر
2- انا اعرف دكتور شاطر اوي في وسط البلد اكلمة احجزلكوا يوم تخدوا و تروحلة
وربنا يباركلك في وقفتك معاة
-
دي اكيد زي ما دكتور بحري اتفضل وقال اسكيز وكل اللي عنده ضلالات مش هلاوس في فرق كبير بين الاتنين
لأن الضلاله هو اعتقاد ثابت وراسخ عند الشخص المريض وغير قابل للنقاش او التعديل وهذا الاعتقاد بيكون منافي للخلفية الجتماعية للمريض والمجتمع المحيط
وبيكون له سبب عضوي ف المخ او سبب نفسي او وراثي
وف كل الحالات مينفعش العلاج السلوكي المعرفي معاه ابدا لازم يتظبط بالادوية الاول اللي بتقلل كمية النواقل الكيميائية الكتيرة دي زي السيروتونين
فعلا هو محتاج وجود اهله معاه وياريت بقدر المستطاع تكونو جمبه المريض ده خطر على نفسه
بمجرد مايتعالج بتلاقي شخصية تانية خالص ربنا يشفيه ويعافيه
وطبعا اكيد محتاج الدعاء
-
ياريت يا محمود متتخلاش عنه لانه مريض و هوا ملوش ذنب فالي هوا فيه دا
و انتا اكيد تقدر تتلافي اي اذي ممكن يحصل منه.... بس حرام تتخلوا عنه............ وان شاء الله خير
-
بجد انت انسان رائع انك متخلتش عن صديقك فى وقت الشده
وانت طبعا اول حاجه لازم تبلغ اهله
وتانى حاجه تاخده على مستشفى طب نفسى حسب حالته الماديه حتى لو بالعافيه وتابع معاه
وحاول على قد ما تقدر توصل لاهله فى اقرب وقت علشان ميطورش المرض بما لا يحمد عليه
وللاسف ما اقدرش اساعد غير بالدعاء
-
علي فكرة يا جماعة صاحبنا ده إتحسن كتير أوي و رجع شبه طبيعي و ده بفضل دعائكم و مساعدتكم بشكركم جميعاَ فرد فرد.
-
الف حمدا لله على السلامة...
-
الحمد لله على سلامته ورجوعه تاني زي الاول واحسن وبإذن الله مايكونش في اي حاجة وحشة تاني.
بس ممكن اعرف ايه اللي حصل وهل راح لدكتور ويا ترى رجع ازاي.؟؟؟
وحمد الله على سلامته تاني مره
Content Relevant URLs by
vBSEO 3.6.0 PL2