تجميع السيارات في مصر , كنز لماذا لا يستغل ؟

دلوقتي في عربيات بتتجمع في مصر

معظمها من السيارات الغالية زاى الفئة الخامسة مثلا

و بسبب الموضوع دة , التويوتا كامري بنفس سعر الفئة الخامسة

و في برده الهيونداي سوناتا , الوحيدة في السعر دة ال2000 و 2400 سي سي

السؤال بقى , ليه السيارات الاكثر مبيعا في مصر مش بتتجمع في مصر ؟

يعني احنا شايفين منافسة جامدة اوي بين السيفيك و الكورولا و الجيتا و الفانتازيا و كمان الشارك و معاهم الامبريزا و الفلونس كمان داخلة المنافسة

طب ما هو لو عربية واحدة بس من كل دول اتجمعت في مصر , هتقضي على باقي السيارات خالص

يعني تخيلوا مثلا السيفيك ب120 او 130 , او الجيتا الهاي لاين بتاعها ب160 او 170

ايه هي العوائق البتبقى قدام التوكيلات انها تحاول تجمع عربياتها هنا ؟

يعني احنا شايفين الbmw و المرسيديس و الجيب بيتجمع هنا

سبقتنا سوريا وايران والمغرب

الموضوع ان احنا لا نقل عنهم في شئ

طب ايه المشكلة ؟

الشركات دي اكيد بدور علي تسهيلات اكتر من الي مصر بتقدمها

حتى لو تم التجميع هنا
المشكله الكبيره ان اشعب هنا كله عنده عدم ثقه
فى التجميع المصرى
واللى بيجبرك على الشراء هى القدره الماليه فقط

التقفيل المصري يببوظ الدنيا
يعني عندك مثلا نيسان
الصني بقت سمعتها مش تمام
بسبب التقفيل المصري
مع انها عربيه لا يعلي عليها
احنا لو نراعي ضميرنا
هنتلاقي العربيات اللي بتتقفل عندنا
عربيات ممتازه و بسعر رخيص

اقتباس:

---

المشاركة الأصلية كتبت بواسطة powerofhelll

الشركات دي اكيد بدور علي تسهيلات اكتر من الي مصر بتقدمها

---

طب ما هو كل يوم بيقولوا بنقدم تهسيلات و كدة , فين بقا ؟

اقتباس:

---

المشاركة الأصلية كتبت بواسطة hashem1999

حتى لو تم التجميع هنا
المشكله الكبيره ان اشعب هنا كله عنده عدم ثقه
فى التجميع المصرى
واللى بيجبرك على الشراء هى القدره الماليه فقط

---

بس احنا في العربيات الاغرائات بتأثر علينا بسهولة

يعني لما تبقى السيفيك ولا الكورولا ب120 او 130 , هل في حد هيفكر دي تقفيل ايه ؟ مظنش

الموضوع هيبقى مغري جدا لأي حد بيشتري

اقتباس:

---

المشاركة الأصلية كتبت بواسطة romeo_6887

التقفيل المصري يببوظ الدنيا
يعني عندك مثلا نيسان
الصني بقت سمعتها مش تمام
بسبب التقفيل المصري
مع انها عربيه لا يعلي عليها
احنا لو نراعي ضميرنا
هنتلاقي العربيات اللي بتتقفل عندنا
عربيات ممتازه و بسعر رخيص

---

انا الصراحة بحس ان الناس بتهوم نفسها مش اكتر

يعني انا ركبت العربية و مشفتش فيها اي مساكل او سوء تقفيل

حتى في ناس معاها العربية هنا و بيقولوا انها ممتازة

اي شركة عربيات لازم يبقى في رقابة على الجودة

العربيه المجمعه محليا للأسف تفقد سمعتها ودى حاجه ليها علاقه بإن الضمير انعدم فى البلد فالناس لا تثق ابدا فى اى انتاج مصرى

وده بيخلى العربيه اللى هتتجمع لو مكانتش فعلا بسعر يبعدها تماما عن اى منافسه هتخسر , يعنى انا مثلا اعرف ناس كثير قوى ابتعدت عن الصنى وراحت لأختيارات اقل منها علشان بس هى مجمعه محلى فى حين ان الصنى ايام ما كانت يابانى كانت ملكه فى الفئه بتاعتها برغم انها كانت فوق سعرها الحالى بحوالى 30 ألف جنيه

وعلشان الوكيل يوصل للتركيبه اللى هتنجح العربيه فى الفئه السعريه دى محتاج يبقى عنده حاجه من اتنين , يا تكلفه المنتج المحلى اللى داخل فى العربيه منخفضه فتوفر له جامد فى سعر البيع ويبقى قدر يلعب بيها تحت فئه المستورد المنافسه بس ده هيكون بالطبع على حساب الجوده وده بيتعارض مع مقاييس الجوده لشركات كتير بتخاف على سمعتها

او انه يعمل خط انتاج كبير يطلع عدد كبير من العربيات يقدر من خلالها يرفع الكم المبيع فبالتالى يرفع المكسب ويغطى تكاليف انشاء وتشغيل خط الانتاج ودى مغامره مش مضمونه فى ظل ان الحكومه ليها أيد بتاكل من كل مشروع بجانب ان حال السوق مش مستقر نهائى بجانب ان الفئات اللى حضرتك بتتكلم عنها دى ارقام مبيعاتها قد لا تكون كافيه

شكرا ياباشا على الموضوع
انا عن نفسى اشتريت لانسر البومة علشان يابانى و تجميع يابانى
لو كانت تجميع مصرى ماكنتش هافكر اشتريها
لعدم الثقة فى التجميع المصرى علشان قلة الضمير

اقتباس:

---

المشاركة الأصلية كتبت بواسطة Ahmed0Nouh

العربيه المجمعه محليا للأسف تفقد سمعتها ودى حاجه ليها علاقه بإن الضمير انعدم فى البلد فالناس لا تثق ابدا فى اى انتاج مصرى

وده بيخلى العربيه اللى هتتجمع لو مكانتش فعلا بسعر يبعدها تماما عن اى منافسه هتخسر , يعنى انا مثلا اعرف ناس كثير قوى ابتعدت عن الصنى وراحت لأختيارات اقل منها علشان بس هى مجمعه محلى فى حين ان الصنى ايام ما كانت يابانى كانت ملكه فى الفئه بتاعتها برغم انها كانت فوق سعرها الحالى بحوالى 30 ألف جنيه

وعلشان الوكيل يوصل للتركيبه اللى هتنجح العربيه فى الفئه السعريه دى محتاج يبقى عنده حاجه من اتنين , يا تكلفه المنتج المحلى اللى داخل فى العربيه منخفضه فتوفر له جامد فى سعر البيع ويبقى قدر يلعب بيها تحت فئه المستورد المنافسه بس ده هيكون بالطبع على حساب الجوده وده بيتعارض مع مقاييس الجوده لشركات كتير بتخاف على سمعتها

او انه يعمل خط انتاج كبير يطلع عدد كبير من العربيات يقدر من خلالها يرفع الكم المبيع فبالتالى يرفع المكسب ويغطى تكاليف انشاء وتشغيل خط الانتاج ودى مغامره مش مضمونه فى ظل ان الحكومه ليها أيد بتاكل من كل مشروع بجانب ان حال السوق مش مستقر نهائى بجانب ان الفئات اللى حضرتك بتتكلم عنها دى ارقام مبيعاتها قد لا تكون كافيه

---

كلام جميل جدا

طب سؤال , بالنسبة للbmw و المرسيدس و الجيب البيتجمعوا هنا في مصر

مسمعناش عنهم حاجة وحشة

دة غير انهم طبعا مش بيستخدموا مواد اقل في الجودة , و كمان مبيعاتهم مش كبيرة اوي

طب اشمعنا دول عرفوا ؟

اقتباس:

---

المشاركة الأصلية كتبت بواسطة kareem_a

كلام جميل جدا

طب سؤال , بالنسبة للbmw و المرسيدس و الجيب البيتجمعوا هنا في مصر

مسمعناش عنهم حاجة وحشة

دة غير انهم طبعا مش بيستخدموا مواد اقل في الجودة , و كمان مبيعاتهم مش كبيرة اوي

طب اشمعنا دول عرفوا ؟

---

افتكر ان العربيات العاليه دى هى اللى التجميع فيها بيجيب نتيجه بسبب اجور تشغيل المصنع والعمال وبالطبع الضرايب والجمارك المرتفعه بطبيعه ارتفاع السعه اللتريه للعربيه بجانب ان تمويل المصانع دى اساسا من الشركه الام رأسا لأن زى ما حضرتك عارف مكانه مصر بالنسبه لمرسيدس و bmw ايه

كمان العربيات دى اساسا هامش الربح فيها عالى قوى مع مبيعات مش قليله , يعنى افتكر فى مؤتمر اطلاق الفئه السابعه الحاليه مدير التسويق قال ان السنتين اللى فاتو بس الشركه باعت 280 عربيه فئه سابعه فى مصر وده رقم انا شخصيا مكنتش متخيله فى عربيه سعرها فوق المليون بحتتين ده غير اللى اتباع فى السنوات اللى قبلها من ساعه اطلاق الجيل الحالى

واعتقد ومش متأكد من صحه المعلومه دى اذا كانت فتره وانتهت ولا لسه شغاله ان مصنع تجميع bmw فى مصر بيصدر عربيات للمنطقه مش بس بينتج للبافاريه

الشيروكى بقا اساسا عربيه لم يظهر لها اى منافسين الا من فتره قريبه اوى ومازال قدر احترامهم عند المصريين لا يوازى سمعه شيروكى بجانب ان موديل ليبرتى والشكل الحالى منه اعتقد انهم على خط انتاج واحد مع تعديلات بسيطه فمازال مبيعات سنين طويله بأرقام عاليه بدون اى خوف من منافسه بجانب خط انتاج لم يتم تغييره وبكدا المصنع كسبان عكس لما العربيه ينزل منها جيل جديد يلزم معاه تغيير خط الانتاج

من المعلومات اللى اعرفها برده ان خط انتاج البيجو بارس اتوقف ( مش عارف مؤقتا ولا على طول ) لنفس السبب وانه كان خساره كبيره لأباظه علشان بعد التشغيل العربيه مكسبتش الثقه المتوقعه والطلب كان قليل ولم يغطى تكاليف انتاجها

اقتباس:

---

المشاركة الأصلية كتبت بواسطة ahmed0nouh

افتكر ان العربيات العاليه دى هى اللى التجميع فيها بيجيب نتيجه بسبب اجور تشغيل المصنع والعمال وبالطبع الضرايب والجمارك المرتفعه بطبيعه ارتفاع السعه اللتريه للعربيه بجانب ان تمويل المصانع دى اساسا من الشركه الام رأسا لأن زى ما حضرتك عارف مكانه مصر بالنسبه لمرسيدس و bmw ايه

كمان العربيات دى اساسا هامش الربح فيها عالى قوى مع مبيعات مش قليله , يعنى افتكر فى مؤتمر اطلاق الفئه السابعه الحاليه مدير التسويق قال ان السنتين اللى فاتو بس الشركه باعت 280 عربيه فئه سابعه فى مصر وده رقم انا شخصيا مكنتش متخيله فى عربيه سعرها فوق المليون بحتتين ده غير اللى اتباع فى السنوات اللى قبلها من ساعه اطلاق الجيل الحالى

واعتقد ومش متأكد من صحه المعلومه دى اذا كانت فتره وانتهت ولا لسه شغاله ان مصنع تجميع bmw فى مصر بيصدر عربيات للمنطقه مش بس بينتج للبافاريه

الشيروكى بقا اساسا عربيه لم يظهر لها اى منافسين الا من فتره قريبه اوى ومازال قدر احترامهم عند المصريين لا يوازى سمعه شيروكى بجانب ان موديل ليبرتى والشكل الحالى منه اعتقد انهم على خط انتاج واحد مع تعديلات بسيطه فمازال مبيعات سنين طويله بأرقام عاليه بدون اى خوف من منافسه بجانب خط انتاج لم يتم تغييره وبكدا المصنع كسبان عكس لما العربيه ينزل منها جيل جديد يلزم معاه تغيير خط الانتاج

من المعلومات اللى اعرفها برده ان خط انتاج البيجو بارس اتوقف ( مش عارف مؤقتا ولا على طول ) لنفس السبب وانه كان خساره كبيره لأباظه علشان بعد التشغيل العربيه مكسبتش الثقه المتوقعه والطلب كان قليل ولم يغطى تكاليف انتاجها

---

متشكر جدا يا استاذ احمد على المعلومات الجميلة دي , كلامك منطقي جدا

طبعا الوضع مع دول مختلف شوية , لانهم زاى ما حضرتك قلت تقريبا ملهمش منافسين و كمية الجمارك و اسعار السيارات نفسها بيشجع على التجميع هنا

و الواحد بيفتخر ان الفئة السابعة الجديدة بتتجمع هنا

طبعا واضح ان صعب الفئة الانا قلت عليها في الاول تتجمع هنا

بس انا كنت قرأت خبر قبل كدة ان توكيل تويوتا بيفكر يجمع الكورولا هنا (طبعا قبل المشكلة الحصلت مع تويوتا مؤخرا)

و بما ان حضرتك صحفي في اهم مجلة سيارات في مصر :) , فانا عارف ان حضرتك مش هتبخل علينا باي معلومات تعرفها هههههههههه :)

سعدت بالمناقشة مع حضرتك جدا :)

للاسف البى ام و المرسيدس فقط هم اللى مفيش مشاكل من تجميعهم فى مصر و ده بسبب نظم رقابة الجودة الصارمة التى يطبقها الالمان بكل صرامة عشان سمعتهم...... اما باقى المصنعين فللتجميع فى مصر عيوب تظهر و يعرفها الناس و بالتالى يفضلون شراء السيارة المستوردة عن المجمعة محليا لتلافى التعرض لهذه العيوب.....

طبعاً احنا على طول بنقرا بالبنط العريض في الجرايد اياها ازاي الاجانب أصحاب التوكيل لم بييجوا يتفرجو على خطوط التجميع بينبهروا بالدقة و التكنولوبيا
المتطورة المستخدمة دون الحاجة لذكر مهارة العامل المصري إلي موردتش على حد. و مع ذلك في مرة قريت خبر منمنم بين السطور تحت موضوع مشاكل
إتفاقية اغادير إن مفيش مصنع تجميع مصري للملاكي مسمحله إنه يصدر لدول الجوار ماعدا مصنع واحد لم تذكره الجريدة

أعتقد السبب هو الجمارك العالية على العربيات فوق الـ 1600 سي سي، دي بتسمح للتجميع المحلي انه يكسب كويس وكمان يبيع بسعر أقل من سعر المستورد بالجمارك

في الفئات اللي أقل من كده، ونظراً لأن الوكيل اللي بيجمع عايز يضرب الفرق في جيبه فمابتفرقش في السعر كتير، عشان كده بيجيبها مستوردة جاهزة ويريح دماغه

مثال على كده غبور وفيرنا المصري والهندي مافيش فرق سعر بينهم خالص، يبقى فرق الجمارك راح فين؟!

اقتباس:

---

المشاركة الأصلية كتبت بواسطة kareem_a

متشكر جدا يا استاذ احمد على المعلومات الجميلة دي , كلامك منطقي جدا

طبعا الوضع مع دول مختلف شوية , لانهم زاى ما حضرتك قلت تقريبا ملهمش منافسين و كمية الجمارك و اسعار السيارات نفسها بيشجع على التجميع هنا

و الواحد بيفتخر ان الفئة السابعة الجديدة بتتجمع هنا

طبعا واضح ان صعب الفئة الانا قلت عليها في الاول تتجمع هنا

بس انا كنت قرأت خبر قبل كدة ان توكيل تويوتا بيفكر يجمع الكورولا هنا (طبعا قبل المشكلة الحصلت مع تويوتا مؤخرا)

و بما ان حضرتك صحفي في اهم مجلة سيارات في مصر :) , فانا عارف ان حضرتك مش هتبخل علينا باي معلومات تعرفها هههههههههه :)

سعدت بالمناقشة مع حضرتك جدا :)

---

والله يا استاذ كريم انا اسعد وكفايه ذوقك والحوار الهادئ اللى بقالنا كتير قوى مبنشوفهوش فى المنتدى , انا لو عندى معلومات بقولها على طول :) بس انا حقيقى فى الجانب المحلى مش متواجد قوى يعنى وبصراحه اللى اعرفه ان تويوتا اخر شركه ممكن تفكر فى تجميع عربيه فى مصر لأن على حد كلامهم انها هتجيب معاهم بخساره وده سمعته من واحد زميل سأل السؤال ده قبل كدا لحد من قيادات الشركه ازاى هما معاهم كورولا اللى جيل ورا جيل الناس بتستناها ولم يستغل تجميعها او الياريس فى مصر لمنافسه سعريه افضل

bmw و مرسيدس فى السوق هنا على فكره مفيش بينهم تنافس زى ما يبدو يعنى , الناس دى حبايب وبتلعب انت حته وانا حته وكل واحد وليه الزبون بتاعه عكس أودى فى مصر مثلا ماشيه ضدهم بكل ما اوتيت من قوه علشان تثبت عربياتها وده هتشوفه فى التعامل مع العملاء اللى لو واحد فيهم على وشك شراء أودى هتلاقى رجل المبيعات معاه بيقارنها بشكل صريح مع المقابل من المرسيدس او البيمر

اقتباس:

---

المشاركة الأصلية كتبت بواسطة mahora

للاسف البى ام و المرسيدس فقط هم اللى مفيش مشاكل من تجميعهم فى مصر و ده بسبب نظم رقابة الجودة الصارمة التى يطبقها الالمان بكل صرامة عشان سمعتهم...... اما باقى المصنعين فللتجميع فى مصر عيوب تظهر و يعرفها الناس و بالتالى يفضلون شراء السيارة المستوردة عن المجمعة محليا لتلافى التعرض لهذه العيوب.....

---

بالظبط دى نقطه اساسا يفتقدها كتير من مصانع التجميع فى مصر , مش دايما الشركه الام بتفرض رقابه صارمه على مصانع التجميع دى فبالتالى بيكون الوكيل هو المستفيد وصاحب معايير الجوده فى نفس الوقت وده بيحصل مع العربيات اللى اساسا محليه الانتاج والتسويق ومتفرقش مع سمعه الشركه الام فى حاجه زى الفيرنا واللانوس والصنى , ويمكن ده احد اسباب ان تويوتا ايجيبت مش هتعمل هنا مصنع علشان مثلا لو هتجمع الكورولا بجوده برا ممكن فرق السعر ميحققش المنافسه المطلوبه بجانب المكسب اللى مش هيعوض بناء المصنع وخط الانتاج

يعنى انا مثلا لو مستهلك عادى و لقيت بين الكورولا المصرى واليابانى 5 الاف جنيه اكيد هجيب اليابانى علشان انا عارف ان المصرى مستحيل يبقى فى جوده اليابانى ولو 20 واحد اثبتولى العكس هلعب برده فى المضمون , وده يتطلب ان الشركه تبعد سعر المحلى كتير عن المستورد وبالتالى بنفس الجوده هيبقى المعادله صعبه والمكسب يمكن يكون أقل

اقتباس:

---

المشاركة الأصلية كتبت بواسطة i_engineer

طبعاً احنا على طول بنقرا بالبنط العريض في الجرايد اياها ازاي الاجانب أصحاب التوكيل لم بييجوا يتفرجو على خطوط التجميع بينبهروا بالدقة و التكنولوبيا
المتطورة المستخدمة دون الحاجة لذكر مهارة العامل المصري إلي موردتش على حد. و مع ذلك في مرة قريت خبر منمنم بين السطور تحت موضوع مشاكل
إتفاقية اغادير إن مفيش مصنع تجميع مصري للملاكي مسمحله إنه يصدر لدول الجوار ماعدا مصنع واحد لم تذكره الجريدة

---

اللى بتقراه بيبقى خارج من تحت ايد نفس الصحفى اللى بيقولك ان العربيه الصينى هى الاسرع والاوسع والارخص والافخم والاقل استهلاكا للوقود والافضل امانا فى الفئه بتاعتها والفئه اللى وراها بشويه , وبالفعل مصر مش مستفيده من اتفاقيه اغادير فى التصدير حاجه علشان حجم المكون المحلى اقل من الشروط المطلوبه

اقتباس:

---

المشاركة الأصلية كتبت بواسطة emsadeck

أعتقد السبب هو الجمارك العالية على العربيات فوق الـ 1600 سي سي، دي بتسمح للتجميع المحلي انه يكسب كويس وكمان يبيع بسعر أقل من سعر المستورد بالجمارك

في الفئات اللي أقل من كده، ونظراً لأن الوكيل اللي بيجمع عايز يضرب الفرق في جيبه فمابتفرقش في السعر كتير، عشان كده بيجيبها مستوردة جاهزة ويريح دماغه

مثال على كده غبور وفيرنا المصري والهندي مافيش فرق سعر بينهم خالص، يبقى فرق الجمارك راح فين؟!

---

هو فى كل الفئات بشكل عام الوكيل اللى بيجمع بجانب انه بياخد منك مكسب العربيه نفسها هو عايز ياخد منك حق خط الانتاج اللى هو عمله ده وحق تشغيله فطبيعى انه بيكسب فى المحلى اكتر من المستورد وعلشان كدا ساعات كتير تلاقيه لما اتجمعت محلى مفرقتش كتير عن المستورده

المشكلة فى الايد اللى عايزة قطعها
وكلكم اتعاملتم مع فئة الحرفين ربنا يخودهم علشان نرتاح ونتقدم بقى

موضوع جميل جدا ومناقشة رائعة

بس طول عمري بسأل نفسي سؤال بقى

هوة لو إحنا صنعنا عربية محلية بالكامل بأيدي وعقول مصرية .... موتور عفشة فتيس بودي كهرباء كل حاجة بلا إستثناء (بس ناخد بالنا من موضوع دواسة البنزين :44: )

وهانفترض كمان إن جودتها لاتقل بأي حال عن عن جودة اللانسر مثلا أو ما شابهها من سيارات يثق بها الناس


السيارة المصرية دي سعرها هايكون في رينج كام هل هايفرق ويبقى رخيص فعلا .. لأن ساعتها المفروض إننا شلنا من على سعرها مبلغ الجمارك بالكامل وكمان مبالغ النقل ومصاريفه المتربطة بيه وربح الشركة الأم الأجنبية + وكيلها المصري .. وهانكتفي بربح الشركة الأم المصرية فقط

هل اللى أنا باقوله ده حقيقي ولا أنا بحلم وسعرها مش هايفرق في حاجة خالص

انا شايف ان الشركات مش شايفة ان هيكون فيه مراقبة جودة كويسة في مصر

تفتكر لية تويوتا مش عاملة مصنع تجميع في مصر ؟؟ ولا هوندا ؟؟
اكيد خايفين على سمعتهم ..

انا واحد راكب عربية تقفيل مصري هيونداي
كنت في الأول بقول فيها شوية عيوب عبيطة في الفينيش بتاعها .. عادي زي اي عربية ... لكن لما اجي اصلحها و الاقي الصاج اللي تحت الرفرف مصدي لوحده و العربية مكملتش 3 سنين ... يبقى طز في هيونداي و التقفيل المصري كله

مش عايزه
و لا راكب هيونداي تاني لأنها لو بتدور على سمعتها مكانتش سمحت ان العربية تتفل بالمستوى دا

اعتقد الموضوع مرتبط بسياسة الدوله

اقتباس:

---

المشاركة الأصلية كتبت بواسطة ahmed0nouh

والله يا استاذ كريم انا اسعد وكفايه ذوقك والحوار الهادئ اللى بقالنا كتير قوى مبنشوفهوش فى المنتدى , انا لو عندى معلومات بقولها على طول :) بس انا حقيقى فى الجانب المحلى مش متواجد قوى يعنى وبصراحه اللى اعرفه ان تويوتا اخر شركه ممكن تفكر فى تجميع عربيه فى مصر لأن على حد كلامهم انها هتجيب معاهم بخساره وده سمعته من واحد زميل سأل السؤال ده قبل كدا لحد من قيادات الشركه ازاى هما معاهم كورولا اللى جيل ورا جيل الناس بتستناها ولم يستغل تجميعها او الياريس فى مصر لمنافسه سعريه افضل

bmw و مرسيدس فى السوق هنا على فكره مفيش بينهم تنافس زى ما يبدو يعنى , الناس دى حبايب وبتلعب انت حته وانا حته وكل واحد وليه الزبون بتاعه عكس أودى فى مصر مثلا ماشيه ضدهم بكل ما اوتيت من قوه علشان تثبت عربياتها وده هتشوفه فى التعامل مع العملاء اللى لو واحد فيهم على وشك شراء أودى هتلاقى رجل المبيعات معاه بيقارنها بشكل صريح مع المقابل من المرسيدس او البيمر



بالظبط دى نقطه اساسا يفتقدها كتير من مصانع التجميع فى مصر , مش دايما الشركه الام بتفرض رقابه صارمه على مصانع التجميع دى فبالتالى بيكون الوكيل هو المستفيد وصاحب معايير الجوده فى نفس الوقت وده بيحصل مع العربيات اللى اساسا محليه الانتاج والتسويق ومتفرقش مع سمعه الشركه الام فى حاجه زى الفيرنا واللانوس والصنى , ويمكن ده احد اسباب ان تويوتا ايجيبت مش هتعمل هنا مصنع علشان مثلا لو هتجمع الكورولا بجوده برا ممكن فرق السعر ميحققش المنافسه المطلوبه بجانب المكسب اللى مش هيعوض بناء المصنع وخط الانتاج

يعنى انا مثلا لو مستهلك عادى و لقيت بين الكورولا المصرى واليابانى 5 الاف جنيه اكيد هجيب اليابانى علشان انا عارف ان المصرى مستحيل يبقى فى جوده اليابانى ولو 20 واحد اثبتولى العكس هلعب برده فى المضمون , وده يتطلب ان الشركه تبعد سعر المحلى كتير عن المستورد وبالتالى بنفس الجوده هيبقى المعادله صعبه والمكسب يمكن يكون أقل



اللى بتقراه بيبقى خارج من تحت ايد نفس الصحفى اللى بيقولك ان العربيه الصينى هى الاسرع والاوسع والارخص والافخم والاقل استهلاكا للوقود والافضل امانا فى الفئه بتاعتها والفئه اللى وراها بشويه , وبالفعل مصر مش مستفيده من اتفاقيه اغادير فى التصدير حاجه علشان حجم المكون المحلى اقل من الشروط المطلوبه



هو فى كل الفئات بشكل عام الوكيل اللى بيجمع بجانب انه بياخد منك مكسب العربيه نفسها هو عايز ياخد منك حق خط الانتاج اللى هو عمله ده وحق تشغيله فطبيعى انه بيكسب فى المحلى اكتر من المستورد وعلشان كدا ساعات كتير تلاقيه لما اتجمعت محلى مفرقتش كتير عن المستورده

---

احييك على كلامك , حضرتك غطيت اهم النقاط فعلا

للاسف فعلا فرق السعر بيصغر جامد , لأنه بيحتاج يغطي مصاريف التشغيل و العمال , و عشان تكون بنفس جودة السيارت العالمية بيحتاج يجيب افضل المكونات و الخامات غير العمالة الغالية

بس لازم يكون في حل عشان نستغل القوة البيكبر بيها السوق

مشاء الله مبيعات العربيات دلوقتي بقت اعلى من اي وقت قبل كدة , و كل الفئات بقا فيها منافسة قوية جدا و كل عربية بتدور على حاجة واحد تميزها عشان الناس تشتريها

و احنا عندنا ناس كتير مستعدة تضحي بجانب من الجودة عشان سعر العربية يقل

خصوصا ان العربيات عندنا هنا بتعتبر رفاهية فالناس بتحب الرخيص

عامة تجميع العربيات عندنا اظن ان هيكون اول الطريق لتصنيع عربية مصرية

لأننا اكيد بنستفيد من خبرات الشركات , طبعا دة لو جمعنا عربية جديدة , مش عربيات اتوقف انتاجها


و اشكر حضرتك جزيلا على كلامك الجميل دة , و حوارك المفيد

لما بيبقا النقاش هادئ الناس بتستفيد و انا عن نفسي استفدت كتير جدا و في حاجات مكنتش اعرفها قبل كدة

و حضرتك من الاعضاء الانا بحب اتابع تعليقاتهم لأنها بتبقى دايما مفيدة و في صميم الموضوع

طبعا دى غير المواضيع الجميلة الحضرتك بتعملها :)

اقتباس:

---

المشاركة الأصلية كتبت بواسطة zaza_lanos

المشكلة فى الايد اللى عايزة قطعها
وكلكم اتعاملتم مع فئة الحرفين ربنا يخودهم علشان نرتاح ونتقدم بقى

---

للأسف دة بسبب انهم "بيترخصوا" , فبيجيبوا عمالة اقل من المستوى المطلوب

دة غير ثقافة المجتمع نفسها و هي ان مينفعش عامل -حتى ولو في صناعة مهمة زاى دي- يكون معاه شهادة او متعلم

لازم يكون ميكانيكي و بيشتغل في المصنع الصبح و الورشة بعد الظهر

مع ان لو جابوا حد فاهم و متعلم , هيفيد الموضوع جدا لأنه هيبقى عارف هو بيعمل ايه بناء على دراسات

اقتباس:

---

المشاركة الأصلية كتبت بواسطة n.y.s.m.a

موضوع جميل جدا ومناقشة رائعة

بس طول عمري بسأل نفسي سؤال بقى

هوة لو إحنا صنعنا عربية محلية بالكامل بأيدي وعقول مصرية .... موتور عفشة فتيس بودي كهرباء كل حاجة بلا إستثناء (بس ناخد بالنا من موضوع دواسة البنزين :44: )

وهانفترض كمان إن جودتها لاتقل بأي حال عن عن جودة اللانسر مثلا أو ما شابهها من سيارات يثق بها الناس


السيارة المصرية دي سعرها هايكون في رينج كام هل هايفرق ويبقى رخيص فعلا .. لأن ساعتها المفروض إننا شلنا من على سعرها مبلغ الجمارك بالكامل وكمان مبالغ النقل ومصاريفه المتربطة بيه وربح الشركة الأم الأجنبية + وكيلها المصري .. وهانكتفي بربح الشركة الأم المصرية فقط

هل اللى أنا باقوله ده حقيقي ولا أنا بحلم وسعرها مش هايفرق في حاجة خالص

---

اكيد لو بقت مصرية 100٪ هتبقى ارخص كتير

و لكن للاسف احنا معندناش خبرة كافية للموضوع دة , احنا يادوب بنجمع عربيات اتوقف تصنيعها و التكنولوجيا بتاعتها قديمة

يعني دولة زاى تركيا بتجمع الميجان و الفلونس و اللينيا , عربيات حديثة , يستفيدوا من تجميعها

فتبقى فرصتهم انهم يعملوا عربية بتاعتهم اكبر

او زاى الصين , الصين مبتدتش تعمل عربيات غير بعد لما بقى في عربيات كتيير بتتجمع هناك

و احنا لازم هنبتدي بحاجة جودتها قليلة و اوبشنز كتير و سعر قليل , السعر يغري المشتري , و الناس تبتدي تشتري لغاية ما يثقوا في العربية و بعدين نبتدي واحدة واحدة نعلى بمستوى العربية

زاى بالظبط ما الصين بتعمل , و دة كان حال الياباني لغاية ما وصل للاحنا شايفينوا دة

اقتباس:

---

المشاركة الأصلية كتبت بواسطة m.osman

انا شايف ان الشركات مش شايفة ان هيكون فيه مراقبة جودة كويسة في مصر

تفتكر لية تويوتا مش عاملة مصنع تجميع في مصر ؟؟ ولا هوندا ؟؟
اكيد خايفين على سمعتهم ..

انا واحد راكب عربية تقفيل مصري هيونداي
كنت في الأول بقول فيها شوية عيوب عبيطة في الفينيش بتاعها .. عادي زي اي عربية ... لكن لما اجي اصلحها و الاقي الصاج اللي تحت الرفرف مصدي لوحده و العربية مكملتش 3 سنين ... يبقى طز في هيونداي و التقفيل المصري كله

مش عايزه
و لا راكب هيونداي تاني لأنها لو بتدور على سمعتها مكانتش سمحت ان العربية تتفل بالمستوى دا

---

يا باشا العربية اتوقف تصنيعها , لذلك هيونداي مش هتهتم بالجودة , و خصوصا ان احنا شوق ضعيف جدا جدا جدا بالنسبة للاسواق البتحظى باهتمام هيونداي , زاى امريكا و اوروبا

انما لو بصينا على السوناتا البتتجمع هنا , فاظن ان احنا هنلاقي جودة تصنيع افضل لأن العربية اغلى و عربية موديلها لسه مبقاش قديم (طبعا قبل ما الشكل الجديد ينزل)

الغريبة إن العربيات اللى بتتجمع فى مصر بتتباع تقريبا بسعر المستورد
طب فين فرق الجمارك؟؟؟ .. فييييين؟؟؟؟؟
والله حاجة تجنن

اقتباس:

---

المشاركة الأصلية كتبت بواسطة fellacd

الغريبة إن العربيات اللى بتتجمع فى مصر بتتباع تقريبا بسعر المستورد
طب فين فرق الجمارك؟؟؟ .. فييييين؟؟؟؟؟
والله حاجة تجنن

---

زاى ما الاستاذ احمد نوح قال

لما العربيات بتتجمع هنا , التوكيل بياخد فلوس عشان يغطي مصاريف تشغيل خط الانتاج و اجور العمال و طبعا غير حاجات كتير

غير مكسب العربية نفسها و مكسبه هو.