ربنا يعوض عليك و يصبرك
عرض للطباعة
ربنا يعوض عليك و يصبرك
قول الحمد لله على سلامتك وانها جت في العربية يمكن ربنا فداك من حاجة تانية وربنا يعوضك
الحمد لله انك بخير و الف مليون سلامه عليك
اللي يجي ف الحديد متزعلش عليه و ربنا يعوض عليك ان شاء الله
و انصحك طالما العربيه وصلت لكده صلحها بره و كويس انها كتير ورش بيفهموا فيها
و كمان عندك العضو osos_lion بيعرف طرق المحلات الاصلي و الارخص فقطع الغيار ممكن تستشيره - ده بعد اذنك طبعا يا اسامه - هو كاتب ليك مشاركه هنا
تاني بقولك ربنا يعوض عليك بالخير ان شاء الله
الحمد لله أولا و أخيرا الذى لا يحمد على مكروه سواه
بس برضوا دا أخره اللى بيعملو غبور فينا (عربيه ب100 ألف ومفيهاش abs )
ربنا يهون عليك
قدر الله وما شاء فعل
لا حول ولا قوه الا بالله
والله زعلتنى جدااا جداا
العربيه فعلا معايا بتزحف واذا ما ضربتش فرامل قبلها بزمن هتلبس
حصلتلى مره وانا داخل لجنه العربيه بتجرى ومش بتقف بسهوله و دست جامد عشان م اخبطش فى الى ادامى وعملت صوت تصفيره والظابط كان هينفخنى يومها
بص يا باشا العربيات كلها كده وعلى راى واحد صاحبى النهارده لما بقوله الفانتازيا منتشره جدااا جداا عربيه تمنها 185 الف ومنتشره كده
قالى ال100 الف و ال 200 الف و المليون ما عادتش فلوس
يعنى بيتعاملوا معانا على انه ده الموجود اذا عاجبكم
انا كان معايا لانسر قبل الانترا الاتنين زى بعض بس فيه فرق
متعه و راحه فى سواقه الانترا والجرى والسحب
لكن صاج و عربيه اقوى للانسر
الانترا ورق بمعنى الكلمه امبارح وانا داخل الجراج العربيه لمست غطا حله لقيته جرح البوهيه جامد
قدر الله وماشاء فعل ما تزعلش نفسك انا حاسس بيك والموضوع مش بايديك
انا ما نمتش امبارح بسبب الى حصل للعربيه بسبب السايس الغبى و التجريحه الى حصلت عندى فما بالك بالى حصل لحضرتك
بس يمكن خير معلش ولا تزعل نفسك
واحنا الى بنجيب العربيات والفلوس
وان شاء الله تتصلح وتبقى تمام
الحمد لله على سلامتك
انا اسف جدا والله بس كتبت لحضرتك الرد دا على اساس انه فى المنتدى العام ورديت خطا فى هذا الموضوع
وعايز اطمنك ان كل شىء فعلا بيتعوض الا الانسان... انا لسه عامل حادثة برضه من 15 يوم بعربيتى هوندا سيتى 2009 لسه معايا بقالها شهر ومش هتصدق كنت ماشى على 10-15 كيلو.. سبحان الله.. القدر
المهم ان حضرتك بخير والحمد لله
قدر الله وما شاء فعل ..
معلهش وبإذن ربنا هتتصلح وترجع زي الأول واحسن
وأشكر ربنا انك كنت وحدك لأن أكيد فيه مناطق في العربية إنضرت أكتر من مكانك إنت
فلو كان (( لا قدر الله )) معاك حد من اسرتك مش كنت هتقول كانت غارت العربية ..
عموما زي ما الاخوة قالولك هتبقى بسيطة بإذن ربنا
وترجع زي الأول واحسن .
بس إنت لما تلاقي هم كبير زي كده ..
قــــول يــــــارب
ألفي بشرى
بجد مش عارف اقولوكو اية انا بجد حاسس اني وسط اهلي , ربينا يخليكوا يا رب و يجازيكم خيرا انشاء الله.
انا نزلت انهارده التوفيقية اسئل علي قطع غيار و يعني لقيت حاجات اسعارها معقولة و حجات مبالغ فيها شوية. الي مضايقني قويي ان العربية لو اتعملت برة هتخرج من الضمان بس بجد والله الاسعار مضاعفة في الضمان في كل حاجة هيسرقوني جامد و انا مش مستحمل اصلا الحمد لله علي كل شي بس استحلفكوا بالله بلاش تجروا بالعربيات دية ورق و مبتستحملش. انا كنت شوفت فيديو عن ال ESP وشوفت العربية ازاي لفت و هو مش موجود فالعربية ده الي حصل معايا والله العظيم اكيد هما عملوه عشان يتلافوا خفة العربية مع تفادي المفاجئ بس نقول اية بس عربية ب 100 الف مفهاش ABS , ESP ,Air bags ولا اي حاجة يلا الحمد لله.