-
حادثة نيو النترا
سلام عليكم
انا بكتب الموضوع ده بس عشان الناس تاخد منه عظة:
انا لسة شاري نيو النترا اتوماتيك من شهر و نصف و كنت لسة عامل صيانة الالف والله, المهم كنت ماشي بالعربية علي الاتوستراد علي 120 ووقفت قدامي عربية فجئة فادتها لقيت عربية تانية ق
دامي و بفرمل العربية بتزحلق عادي جدا المهم العربية لفت بية لفتين و خبط في صور حديد و العربية الحمد لله اتدمرت و مش مامن عليها للاسف . العربية ديه لازم يبقي فيها abs معرفش عربية ب 100 الف مهنش عليهم يحطه فيها و لا اير باج واحدة. و تقريبا الesp ضروري جدا في عربية زي دية العربية بتلف بطريقة غريبة .
انا مش عارف اعمل اية, انا حزين جدا خسرت فلوسي في اقل من شهرين و العربية حجات كتير قوي باظت فيها:
1- في زيت بينزل من العربية خايف اويي يكون فتيس اتشرخ ولا حاجة
2- ال جنوط كلها اتنت و في جنب متبهدل اويي خايف اويي علبة الدريكسيون و القطمة يكون باظوا انا سامع انهم 14000 جنية
3- السمكرة بالهبل في العربية
مش عارف :(((( الواحد هيصلحها ازاي الله اعلم علعموم ارجوكو يا جماعة سوقوا براحة و خدوا بالكو من الطريق انا فلوسي كلها راحت اهية و انا كمان كنت هضيع والله لولا ستر ربينا :(
-
ربنا معاك ان شاء الله وتتعمل
فعلا لااااااااااااازم و المفروض ان العربيات كلها تنزل بوسائل امان اهم حاجة
-
قدر اللة و ما شاء فعل. الحمد للة ع كل شي . و ربنا يعوضك . وميهمش الفلوس و العربيات المهم الصحة و الستر عشان احنا ايلي بنعمل الفلوس مش العكس . ان شاء اللة ربنا يهديك ل ميكانيكي شاطر يصلحهالك و ترجع احسن من الاول كمان و تبقي طمنا
-
قلبى معاك
و الف حمد لله على سلامتك
-
حمد الله على سلامة حضرتك قبل كل شيء
حاول بعد ما تهدا إن شاء الله تقابلني في الحرفيين نسأل سوا على حاجتها إستيراد
-
الف شكر ليكوا يا جماعة علي شعوركو الجميل ده ربنا العالم انا عامل ازاي انا مدمر نفسيا تماما. الحمد لله علي كل شي
-
ولا يهمك يا باشا دا شيء مقدر و مكتوب....
متزعلش نفسك و متفكرش كتير .....
المهم ان انتا كويس و اعرف ان اكيد الحادث دا نجاك من حاجة اسوا بكتير :)))
-
ربنا يعوض عليك
قطع الغيار هتلاقيها فالتوفيقيه هات جنين بارت او موبيس دول اصلي
الناس الي شغله فلهيونداي هناك
جورج عندو اوريجنال كتير
والبنا عندو اوريجنل ومضروب بس عندو ضمير
والاخلاص ده هتلاقيه فلمول بس حورطجي شويه مترحلوش الا وانتا عارف الاسعار
والفادي مغلواني برضو
لف الاول علي دول بعد كده قرر واشتري
-
لا حول ولا قوة الا بالله
حمد الله على سلامتك و ربنا يعوض عليك و يجازيك خير على صبرك و ايمانك بقضاءه......
الحمد لله دائما و ابدا..........
-
قدر اللة و ما شاء فعل واهم حاجه انك بخير
Content Relevant URLs by
vBSEO 3.6.0 PL2