الموضوع: ارجو المساعدة جيتز ولا سيريون

بصي دة رأيي

السيريون ال 1500 فئة و الجيتز فئة تانيه خالص يعني مش بيينفع مقارنه بينهم ممكن تقارني بين السيريون ال 1300 و الجيتز فانا هقارن مقرانه بسيطة بين السيريون ال 1300 و الجيتز لكن لو معاكي فلوس السيريون ال 1500 يبقي الموضوع مش محتاج تفكير يعني ممكن تحطي السيريون ال 1500 في مقارنه مع الجراند بونتو مثلا

الوسع : اكتر حاجة مميزة السيريون حجم خارجي صغير ينفع يركن في اي حته و حجم داخلي كبيررررررررررررررر بتستفادي من كل سم فيه
التوكيل : مفيش خلاف ان توكيل ديهاتسوا افضل طبعا بس قطع الغيار اغلي طبعا بس معمرة اكتر بكتيرررررررررر لكن قطع الغيار موجودة برة التوكيل بس مش منتشرة

الموتور : موتور الجيتز اقوي و دة طبيعي لانه 1600 بس مش هتصدقي قوة موتور السيريون ال 1300 الا لما تركبيها يعني الجيتز بتتطلع بصعوبه جداااااا خلي بالك انا جربت كدة بين جيتز مانيوال و سيريون بتاعتي اتوماتيك بس ممكن بتاع الجيتز مش سواق جامد بس في رايي ان الحجم دة في العربيتين مش محتاج موتور 1600 لان المفروض انها عربيه موفرة و اقتصاديه

البنزين : السيريون بتمشي ب شمه بنزين موفرة جداااااا و دة نقطة حلوة جدا في صالحها

اعادة البيع : العربيات الهاتشباك ملهاش حظ في مصر و معظمها صعبه في بيعها نتيجه ثقافتنا كل الناس عازة سيدان سواء محتاجاه و لا لأ فالاتنين بيخسروا و صعب بيعهم بس الجيتز احسن شوية في النقطة دي لانها هيونداي

الشكل : اذواق بس السيريون في رايي اشيك بكتير و لما نزلت كانت شكل جديد في السوق خالص

الجيتز المفروض شكلها هيتغير السيريون قربت تتغير برضة بس شكلها الجديد في رايي و رأي ناس كتير في ديهاتسوا اسوأ بكتير من الشكل الحالي

رأيي لو معاكي فلوس السيريون ال 1500 هاتيها بلا تردد او قارني بينها و بين الجراند بونتو لان فرق ال 14000 جنيه يستاهل و زيادة

انت معاك سيريون 1300 اتوماتيك
انا بشوفها قليلة جدا
ممكن تقولي معدل البنزين مثلا
الفرق بين 1300 و 1500 3500 جنيه بس فعلشان كده انا بفكر في 1500
وانا سمعت ان الجراند بونتو قطع غيارها غالية مووووت
وانت بتقول الجيتز شكلها هيتغير انت تعرف امتي
معلش اسئلتي كتير

المشاركة الأصلية كتبت بواسطة w_abedelhakim

انت معاك سيريون 1300 اتوماتيك
انا بشوفها قليلة جدا
ممكن تقولي معدل البنزين مثلا
الفرق بين 1300 و 1500 3500 جنيه بس فعلشان كده انا بفكر في 1500
وانا سمعت ان الجراند بونتو قطع غيارها غالية مووووت
وانت بتقول الجيتز شكلها هيتغير انت تعرف امتي
معلش اسئلتي كتير

العربيه بتعمل حوالي 280 كم في الصفيحه يعني انا بروح شغلي من زهراء مدينه نصر لحد التحرير كل يوم 5 ايام في الاسبوع و بخرج يوم الجمعه و السبت ايام الاجازة و بحط 20 لتر كل حوالي 5 ايام و خلي بالك انا سواقتي معظمها اماكن زحمه يعني اشارات كتير

موتور ال 1300 مش هتصدقي قوته الا لما تسوقي العربيه و هي 91 حصان بس طبعا ال 1500 اقوي بكتير تحفه بجد و الفرق برضة يستاهل يعني لو معاكي فلوس ال 1500 هاتيها بدون تردد انا جبت ال 1300 ال gl و دي ب 85000 ففرقت معايا حوالي 10000 جنيه و لو كانوا معايا كنت جبت ال 1500

بالنسبة لجراند بونتو بلاش كلمه سمعت دي اتصلي بالتوكيل بتاع فيات و اعرفي اسعار قطع الغيار و بتتغير كل اد ايه لان الناس بتفتي كتير و قارنيها بالسيريون انا محبتش افرض عليكي في رايي السيريون ال 1500 علشان مبقاش متحيز للعربيه و في رايي ان شكل الجراند احلي من السيريون

بالنسبة لشكل الجيتز ممكن حد من الاخوة في هيونداي يفيدك اكتر بس اللي اعرفه ان الشكل دة مش نازل تاني

نصحيه اخيرة اتصلي بالتوكيلات التلاته اوماترا و ديهاتسوا مصر و غبور و قارني قطع الغيار و اسعارها و مهم جداااا بتتغير كل اد ايه و انزلي معارض العربيات و اتفرجي عليهم و شوفي انتي هتستريحي لمين اكتر و شوفي صاج كل عربيه فيهم و شكلهم من جوة علي الطبيعه و ربنا يوفقك و صلي استخارة

شكرا لردك
انا فعلا روحت المصرية وشوفت الاتنين وارتاحت للسيريون اكتر
بس لما قعدت مع المندوب عايزة اقولك كرهني في حاجة اسمها سيريون
وان التوكيل وحش وان العربية بيعها صعب وغالية جدا علي تمنها وان الجيتز احسن منها بمراحل
انت معاك اتوماتيك ولا مانوال وجيبها من أمتي ولونها ايه

المشاركة الأصلية كتبت بواسطة w_abedelhakim

شكرا لردك
انا فعلا روحت المصرية وشوفت الاتنين وارتاحت للسيريون اكتر
بس لما قعدت مع المندوب عايزة اقولك كرهني في حاجة اسمها سيريون
وان التوكيل وحش وان العربية بيعها صعب وغالية جدا علي تمنها وان الجيتز احسن منها بمراحل
انت معاك اتوماتيك ولا مانوال وجيبها من أمتي ولونها ايه

انا معايا سيريون اتوماتيك 1300 موديل 2008 بقالها معايا سنتين و عامل بيها حوالي 25000 كم
اولا : نصيحه ابعدي عن المصريه خالص في الشرا يعني لما تشتري تروحي التوكيل علطول و تريحي نفسك انا معرفشي هو قال كدة ليه بس انا لما جبت العربيه كنت فين و فين لما بشوفها في الشارع يعني كل كام مشوار لما اشوف واحدة سيريون دلوقتي خلال سنتين العربيه ملت الشارع اعتقد دة مؤشر انها ناجحة لانها كمان هاتشباك يعني مش مناسبة للذوق المصري و لو دخلتي علي قسم ديهاتسوا هتلاقي اخوة كتير معانا جايبنها و عاملين بيها 50 و 60 الف كم و كل اللي بيعملوه صيانات دوريه و طبعا فيه مشكله في علبه الدركسيون بس مش عارف وصلوا فيها لأيه بس هي برضة مشكله بسيطة مش مؤثرة في اداء العربيه في حاجة
ثانيا : مفيش عربيه مفيهاش عيوب في الدنيا بس انا ماشي بمبدأ best value for money يعني حددت احتياجاتي من العربيه و شوفت اني عربيه بتحقق معظم الاحتياجات دي يعني زي ما قلتلك قبل كدة عربيه - حجم خارجي صغير و حجم داخلي كبير لان شغلي في وسط البلد فعاوز اركن في خرم ابرة - و موفرة في البنزين - و قطع غيار معمرة جداااااااااا بس برضة غاليه شوية بس زيها زي الياباني - و عربيه جرايه جداا و بعمل بيها اللي انا عاوزة في الشارع يعني سواقه هاديه شغال شد و جري مش بتقول لأ - و توكيل مش ممتاز يعني بس بالنسبة للمقاييس المصريه من احسن التوكيلات الموجودة بتتعاملي معامله كويسة و شغلهم كويس و البراند دة هو بس اللي معاهم يعني مش مشتتين في كذا موديل مركزين في ديهاتسوا يعني بس مش الاسعار مش رخيصة - عربيه صاجها جامد و حمول اوي - كراسي الكنبه بتتني لو محتاجة تنقلي حاجة كبيرة فيها و بما انها هاتشباك ففتحه الشنطة اعلي من السيدان و دي حاجة انا كنت محتاجلها جداااااااااا و من اسباب اني فكرت في الهاتشباك - وسائل امان في العربيه ايرباجز و ABS

ثالثا : عيوبها زي ما قلتلك مفيش حاجة مفيهاش عيوب فدي عيوبها من رايي حجم الشنطة صغير 225 لتر - موضوع علبه الدركسيون مش عارف التوكيل وصل فيه لفين - عفشتها ناشفه شوية بس بتستحمل طرقنا الرائعه

هقولك تاني روحي توكيل ديهاتسوا في شارع النزهه او احمد عرابي او المعادي و روحي كمان توكيل هيونداي مش عارف فين بصراحه و اسمعي كلام دة و كلام دة و قلبي العربيه براحتك جداااااااااااااااا

انا عربيتي لونها نبيتي بس اتفرجي كما علي اللون الاحمر بتاعها حلو جداااااا لبنت