أستاذى الفاضل يمكن تدوير السيارة و الكارت ليس بة بطارية إى متوقف تماما عن العمل و لو مش مصدقنى إسأل فى التوكيل . (تم تجربة هذا الموضوع عند شراء السيارة)
عرض للطباعة
يا عزيزي أستاذ Hatem ، البطارية لما تبقى فاضية د مش معناه إن الكارت مش شغال دة معناه إن الجزء الخاص بالريموت بس هو إلي مش شغال ، لأن الكارت ده جزئين واحد ريموت و ده إلي بيفتح و يقفل الأبواب و جزء ثاني ده إلي بيدور العربية و بيسموه ال- immobilizer و هو مش محتاج بطارية لأن بيشتغل من الفتحة بتعة الكارت إلي في التابلوه ،
لو الجزء بتاع ال-immobilizer عطل مش هتعرف تدور لكن هتفتح و تقفل و لو البطارية فضيت هتعرف تدور بس مش هتعرف تفتح و تقفل و دي محلولة ، المشكلة في الحالة الأولى .
أنا كان سؤالي لو حد قابل أي حالة من دول قبل كده ؟
فهمتني كده يا أستاذ Hatem ؟ :)
واضح يا فرحات باشا إن مافيش حد من ملاك الميجان هنا فى المنتدى أو أى حد أنا شخصيا سمعت عنه حصلتله مشكلة فى الكارت
لكن واضح إن المشاكل اللى ظهرت لبعض ملاك الميجان الديزل فى أوربا مش فى immobilizer دى كلها موجودة فى فتح و قفل الابواب
صديقي Sharky باشا ( ده إذا كان ممكن نبقى أصدقاء ) ، الموضوع مش مرتبط بالديزل بس ، في ناس بنزين كمان عندها المشكلة و في ناس عندها في ال-immobilizer في المنتدى ده إلي بعتته و منتديات تانية ، و عموما أنا واحد منهم :))
لأ عندي كارت و بايظ :))
فرحات باشا لو حضرتك عندك ميجان ممكن تقولنا تجربة مع الميجان و إزاى الكارت دا باظ و صلحتوه إزاى ؟
بص يس Sharky باشا ، في الحقيقة الكارت لسة متصلحش و أنا كنت بحاول أجمع معلومات كتير عنه لأن ذي ما إنت عارف التوكيل بيغير على طول مش بيصلح ، فا أنا قلت أفهم قبل ما أعمل حاجة ، خصوصا إن أنا بشتغل في المجال و حكاية ال-electronics و كمبيوترات العربيات و ال-software بتاعها ده تخصصي ،
المهم يا سيدي بعد مجهود و بحث طويل وصلت إن السيستم ده بتعمله سيمنس و عرفت بعض المكونات بتاعته بس لسة موصلتش لكل التفاصيل عشان كده كنت بسأل عن معلومات زيادة و كنت اتمنى كمان لو لقيت كارت ولا اتنين و أصحابهم (لا قدر الله ) غيروهم عشان أخدهم أشرحهم و أعرف تفاصيل النظام كله و اكتب موضوع يشرح كل المشاكل و طرق الحفاظ عليه و طرق إصلاحه خصوصا اني مالقيتش الحاجات دي مشروحة في أي حتة ولا حتى برة .
و دي كانت هتبقى حاجة جديدة في المنتدى بتاع ال-Renault مش بس كلام عن الشكل والسعر و الكماليات و خلاص ،
تمام كدة يا Sharky باشا ؛)
أنا بدور دلوقتي بالكارت الإحتياطي لحد ما أشوف مشكلة الثاني دة ، و غالبا هشتري واحد جديد بس لما أفهم الاول :)
الفكرة إلي أنا عايز أثبتها إن الحكاية ملهاش دعوة بال Km دي مسألة إستخدام .
أما مسألة التعليق على العربية دي مسألة نسبية و وقتية يعني لو في مشكلة هتبقى مش طايق العربية و عمال تشتم فيها و لما تبقى مشية تمام أكيد بتبقى مبسوط و تقول دي أحسن عربية في الدنيا ، صح ولا إيه ؟