مفتاح الميجان (الكارت)

**farahat** · 09-01-2008 01:39 AM

سؤال يا شباب : كام واحد هنا (طبعا من مالكى الميجان) صادفته مشكلة ان الكارت يبوظ ؟

**Sharky** · 09-01-2008 11:33 AM

انا واحد من مالكى الميجان و العربية معايا من 4/2005 و عمرى ما شفت مشاكل فى الكارت نهائيا و عمرى ما سمعت إن فيه حد كان عنده مشاكل فى الكارت حتى الان

**Abo_Lina** · 09-01-2008 06:29 PM

يا ريس الكارت لا بيبوظ ولا اي حاجة من الحاجات المضحكة الي بنسمعها دي بتحصل اغلب الناس بتقول الكلام ده ع القهوة من غير ما يحطو رجليهم ف العربية حتى.

وبعدين التطور سنة الحياة و الكورولا نازلة بزرار اهه..ومش بعيد نلاقي الكورولا واللانسر موديل 2019 نازلين بكارت انشا الله

**معتز** · 09-01-2008 06:38 PM

رغم تنى لا امتلك ميجان (.و اسأل الله ان يرزقنيها) :) ........فهى اكثر سيارة مظلومة ومفترى عليها بسب المنافسة وثقافة الخوف من التكنولوجى........العربية دى فيها كل حاجة......وعربيات موديل 2008 لسة بتحاول تنزل كماليتها دلوقت.....

**Megane** · 09-01-2008 10:40 PM

المشاركة الأصلية كتبت بواسطة معتز

رغم تنى لا امتلك ميجان (.و اسأل الله ان يرزقنيها) :) ........فهى اكثر سيارة مظلومة ومفترى عليها بسب المنافسة وثقافة الخوف من التكنولوجى........العربية دى فيها كل حاجة......وعربيات موديل 2008 لسة بتحاول تنزل كماليتها دلوقت.....

شكرا يا معتز على حبك للميجان و فعلا كلامك صح أنا لما كنت ناوى أشترى كان أمامى ثلاث سيارات
1) الميجان 2008 جميع الكمليات - - - - -> و سعرها 136000
2) 2008 C4 جميع الكمليات - - - - - - > و سعرها 140000
3) الأسترا 2008 جميع الكمليات - - - - - > و سعرها 160000
فإختارت الميجان بسبب السعر و أنها سيدان.
و بالنسبة للكارت أنا لم أسمع أبدا أن بة مشاكل و السيارة أيضا معدة لكى تفتح و تدور بدون الكارت و هذا الأبشن لن أستطيع ذكر كيفية عملة لانة سر لا يعرفة غير مالكى ميجان.
و أن شاء اللة سوف نبارك لك قريبا على إمتلاكها.

**farahat** · 09-01-2008 11:32 PM

يا شباب أنا عندي كام تعليق كدة :

١ - واضح جدا جدا حبكم للميجان ، ماشاء الله ربنا يكتر من محبيها :)
٢ - بتدافعوا جامد عنها قدام أي حد يحاول يقول عليها أي كلمة
٣ - الميجان عربية جميلة و دي حاجة ميختلفش عليها اتنين
٤ - الهدف من المنتدى إن الناس تشارك افكارها و ارائها مع بعض عن كل حاجة تخص العربيات سواء ميزات جميلة شفناها أو مشاكل قابلناها بهدف مشاركة الخبرات ، ولا إيه؟؟
٥ - مشكلة الكارت دي مشكلة مشهورة أوي في الميجان و موجود كلام كتير عنها على المنتديات الاجنبية ، يمكن محدش مننا قابلها هنا لكن هي موجودة
٦ - sharky باشا ، عربيتك زي الفل مشاء الله ربنا يحميهالك ، بس سنتين و نص مش كفاية إن احنا نحكم حكم موضوعي على عربية ، خصوصا إن عدد مالكي العربية مش كتير بالذات في المنتدى .
٧ - موضوع التكنولوجية دة فعلا عندك حق فيه يا أستاذ tayler-durden و طبيعي إن الشركات تغير كل يوم و تقدم حاجات جديدة ، يعني ممكن Toyota تحط كارت و يمكن renault تشيله :) ، أنا بشتغل في المجال دة و عارف سرعة التغيير فيه ٫
٨ - أما السر بتاع الميجان دة فده بينفع في الفتح بس لكن مش في التدوير يا Hatem باشا ٫

أسف جدا على الإطالة يا شباب و اتمنى مكنش ضايقتكم

**معتز** · 09-01-2008 11:52 PM

المشاركة الأصلية كتبت بواسطة farahat

يا شباب أنا عندي كام تعليق كدة :

١ - واضح جدا جدا حبكم للميجان ، ماشاء الله ربنا يكتر من محبيها :)
٢ - بتدافعوا جامد عنها قدام أي حد يحاول يقول عليها أي كلمة
٣ - الميجان عربية جميلة و دي حاجة ميختلفش عليها اتنين
٤ - الهدف من المنتدى إن الناس تشارك افكارها و ارائها مع بعض عن كل حاجة تخص العربيات سواء ميزات جميلة شفناها أو مشاكل قابلناها بهدف مشاركة الخبرات ، ولا إيه؟؟
٥ - مشكلة الكارت دي مشكلة مشهورة أوي في الميجان و موجود كلام كتير عنها على المنتديات الاجنبية ، يمكن محدش مننا قابلها هنا لكن هي موجودة
٦ - sharky باشا ، عربيتك زي الفل مشاء الله ربنا يحميهالك ، بس سنتين و نص مش كفاية إن احنا نحكم حكم موضوعي على عربية ، خصوصا إن عدد مالكي العربية مش كتير بالذات في المنتدى .
٧ - موضوع التكنولوجية دة فعلا عندك حق فيه يا أستاذ tayler-durden و طبيعي إن الشركات تغير كل يوم و تقدم حاجات جديدة ، يعني ممكن Toyota تحط كارت و يمكن renault تشيله :) ، أنا بشتغل في المجال دة و عارف سرعة التغيير فيه ٫
٨ - أما السر بتاع الميجان دة فده بينفع في الفتح بس لكن مش في التدوير يا Hatem باشا ٫
أسف جدا على الإطالة يا شباب و اتمنى مكنش ضايقتكم

عزيزى: رغم اننى لا امتلاك ميجان..الا اننى اعشق هذة السيارة....ولكن مش حب اعمى.:)..بل بالمنطق ، ولذا ارجو افادتنا.... هل انت تخطط لامتلاك ميجان ولا مجرد استفسار واستيضاح...........ارجو ان تحكى لينا عن مشكلة الكارت.........لانى فى مراجعاتى للمواقع عن الميجان مشوفتش حاجات عن الكارت ( وطبعا ده عيب منى )...بس تذكر ان كارت الكترونى محتاجة حرص، يعنى لا رطوبة ولا مية وخلافه..، .....انا فى انتظار ردودك عن مشاكل الميجان خاصة لو كنت من ممتلكيها.............تحياتى

**Sharky** · 10-01-2008 10:45 AM

المشاركة الأصلية كتبت بواسطة farahat

يا شباب أنا عندي كام تعليق كدة :

١ - واضح جدا جدا حبكم للميجان ، ماشاء الله ربنا يكتر من محبيها :)
٢ - بتدافعوا جامد عنها قدام أي حد يحاول يقول عليها أي كلمة
٣ - الميجان عربية جميلة و دي حاجة ميختلفش عليها اتنين
٤ - الهدف من المنتدى إن الناس تشارك افكارها و ارائها مع بعض عن كل حاجة تخص العربيات سواء ميزات جميلة شفناها أو مشاكل قابلناها بهدف مشاركة الخبرات ، ولا إيه؟؟
٥ - مشكلة الكارت دي مشكلة مشهورة أوي في الميجان و موجود كلام كتير عنها على المنتديات الاجنبية ، يمكن محدش مننا قابلها هنا لكن هي موجودة
٦ - sharky باشا ، عربيتك زي الفل مشاء الله ربنا يحميهالك ، بس سنتين و نص مش كفاية إن احنا نحكم حكم موضوعي على عربية ، خصوصا إن عدد مالكي العربية مش كتير بالذات في المنتدى .
٧ - موضوع التكنولوجية دة فعلا عندك حق فيه يا أستاذ tayler-durden و طبيعي إن الشركات تغير كل يوم و تقدم حاجات جديدة ، يعني ممكن toyota تحط كارت و يمكن renault تشيله :) ، أنا بشتغل في المجال دة و عارف سرعة التغيير فيه ٫
٨ - أما السر بتاع الميجان دة فده بينفع في الفتح بس لكن مش في التدوير يا hatem باشا ٫

أسف جدا على الإطالة يا شباب و اتمنى مكنش ضايقتكم

سيدى الفاضل أنا مش بدافع عن الميجان أنا بقول الحقيقة من حكم التجربة مش من السمع بالنسبة للكارت مافيهوش مشاكل نهائى دا من تجربتى و تجربة الأعضاء و تجربة زميل ليه عربية داخلة على 90.000 كم و بحثت فى النت لم أجد العيب الشهير فى الكارت

ياريت حضرتم تبعتب لنا اللينك اللى فيه هذا العيب الشهير اللى فى الكارت
على فكرة كان فيه زميل كان كاتب فى كونتكت كار إن نسيه فى البنطلون و إتغسل معاه و طلعوه بعد الغسيل و لقاه برضه شغال

**farahat** · 10-01-2008 11:17 AM

أخي العزيز أستاذ Sharky ، أنا مش هدفي أقول حاجة وحشة أو حلوة عن العربية ، أنا هدفي أحل مشكلة معينة و كمان اساعد الشباب هنا في المنتدى على الاقل بالمعلومة .
جرب اللينك دة http://www.meganeownersclub.co.uk و اعمل search على keycard و أحب أعرف رأيك فعلا لأنه يهمني ، وشكرا :)

**Sharky** · 10-01-2008 01:13 PM

أستاذ فرحات شكرا لحضرتك على اللينك و أنا فعلا شفتوا و لقيت إنه فيه بعض الأفراد مالكى الميجان الديزل بيشتكوا من إن الكارت لا يقوم بفتح أبواب السيارة (ليست مشكلة عامة فى كل الميجان )

و هذه المشكلة حدثت لبعض الأفراد و دا نتيجة لتداخل الإشارات مع الموبايل كما ذكر أحد الأشخاص و دا بيأثر على السينسور و دا بيتغير فى التوكيل و بعضهم عنده البطارية قلت و محتاج يغير البطارية

لكن فى نفس الوقت الكارت بيدور العربية و المشكلة تكمن فى فتح و غلق السيارة فقط نتيجة لتداخل الإشارات مع الكارت و يتم حلها بتغيير السينسور

دا غير ان الكارت دا كارت الويرلس اللى مابينزلش فى مصر اصلا :)

شكرا لحضرتك على توضيح هذه المعلومة لكن فى نفس الوقت لم أسمع فى مصر عن إن حد أشتكى من هذه المشكلةتحديدا لعدم وجود كارت الويرلس قفى مصر !

الموضوع: مفتاح الميجان (الكارت)

LinkBack

أدوات الموضوع

عرض

-

-

-

-

المواضيع المتشابهه

مفتاح الميجان الكارت !!!

مفتاح الميجان

غرب قصه هتسمعوها عن مفتاح الميجان ... تموت من الضحك

مفتاح الميجان (الكارت)

مفتاح الميجان (الكارت)

الكلمات الدلالية لهذا الموضوع

المفضلات

المفضلات

ضوابط المشاركة