الموضوع: احسن سيارة اوتوماتيك فى حدود 90 الف جنيه؟؟؟؟؟؟؟

المشاركة الأصلية كتبت بواسطة mody07775000

الاكسنت من غير كلام الشكل القديم ب 82 والجديد 86
اولا البرتون ده مش منتشره وانا نفسي معرفتهاش الا من المنتدى هنا يعني عمرك ما تلاقي اعلان عنها ولا اي حاجه وبعدين ماليزي يعني مظنش انها معمره خالص هيا امكانيات اه لكن مش حتقعد معاك
ثاني حاجه الصني دلوقتي بقت بتتقفل هنا يعني اصرف نظر احسنلك عشان كل شويه حيطلعلك فيها حاجه وكمان شكلها قديم
كيا ريو والاكسنت قريبين من بعض اوي بس في رايي الاكسنت تكسب بالذات الشكل الجديد وشكرا

معلش بقي اسمحلي يا فندم نفند الكلام واحده واحده و بالراحه خالص
البروتون مش منتشره؟
حضرتك ساكن فين؟
ده الجزء الاول علشان بس عدم انتشار البروتون من وجهه نظرك ده بيقول ان حضرتك مش من سكان القاهره بالاخص و الاسكندريه عموما
و مش هتقعد مع الراجل ازاي بقي؟
علشان يعني ماليزي؟
حضرتك مش بتشوف العربيه في الشوارع فأزاي حكمت علي اعتماديتها
و زي ما قلت لحضرتك ده نقاش عايز تناقشني اهلا و مرحب

المشاركة الأصلية كتبت بواسطة yasoxp

بدون اعتبار ان التعليق على اى ماركه او عربيه بعينها
اولا انا قلت السمبول من وجهت نظر الفقير الى الله وذلك للاتى
اولا الكورى من هيونداى الى الكيا لا اظن انو معمر نهائيا واظن ان العربيه هتكون فى حساب الخمس سنوات لا اكثر بالاضافه الى السعر المغالى فيه واللى خلاها فى نفس المستوى السعرى وانا بقول تانى المستوى السعرى وليس الكفاءة او الاعتماديه من بعض الماركات اليابانيه لذا انصح بالابتعاد عن الكورى

نيجى للماليزى بصراحه لولا التوكيل والتقفيل المصرى لكان فى المرتبه الاولى عن الكورى لانى اجد الصناعه الماليزيه وتكنولوجيا التصنيع عنهم افضل من الكورى

اما النيسان الصنى فى عربيه لا يعترض عليها اى فرد بس السوبر صاالون فقط يعنى غير الصوبر صالون محدش يجيب

وده اللى خلانى قولت السيمبول عربيه حديثه التصميم وتقفيل وجوده اوروبيه واللى بصراحه حتى الان هى المتفوقه بعد ما حدث لبعض الماركات اليابانيه فى الفتره الاخيره

وده رأى شخصى جدا ولا يعتبر اعتراض او هجوم على اى ماركه اخرى ولكن يمكن اعتباره تحليل بسيط من العبد الفقير الى الله وفى الاخر صلى الاستخاره وربنا هيهديك لما فيه خير لك

برضو الاخ العضو
نفس الموضوع حضرتك متعرفش الف به بروتون ازاي بتحكم و تدل واحد محتار بين العربيات و حضرتك مش ملم بالتفاصيل؟
الراجل هيدفع فلوس من جيبه و ساعتها مش هيكون مبسوط من اللي ورطه لو العربيه كانت علي غير الواقع و الوصف
اما بخصوص الصني
حضرتك شايف انها سوبر صالون و بس ليه و علي اي اساس
انا امتلك الexاوتوماتك بقالي فتره محترمه و جبتها من كلام سبعاوي عنها
و اللي قاله بالمللي عن العربيه دي لقيته فيها تمام و يمكن برضو سبعاوي كان متحفظ شويه في ذكر المميزات
عايز توضيح لوجهه نظرك اللي غصب عني اكيد لازم احترمها
بس عايز توضيح

المشاركة الأصلية كتبت بواسطة Abo.Mayyam

ياريب يبقى الكلام عن تجربة ومش بالقال والقيل وشكرا

كلامك زي الفل ولا كلام يعلو عليه
و الكلام موجهه للاعضاء كلها
خلينا نتقي الله قبل ما نوجه حد لعربيه او نبعده عنها لأننا مش كسبانيين مليم من شراء ماركه معينه من عدمه
و الكلام عام للجميع مش لحد معين
و اكيد انا واثق ان الاعضاء و هي بتتكلم فبتكتب اللي ممكن يكونو سمعوه من حد او اتنين او اكتر
فبلاش كلام مرسل قدر الامكان
العضو الللي بيسأل ده اخ لينا و ليه علينا النصيحه و القرار قراره في النهايه