يا جماعة صحيت الصبح جيت أدور العربية مش بتدور لكن المارش شغال عادى
مع أن النور بتاعها شغال كويس و البطارية لسه عامل عليها أتشيك من كام يوم
و العربية بقالها 5 شهور و عامله 3500 كيلو
موديل 2010
ياريت حد يقولى ممكن تنكون المشكلة فين ؟
وشكرا للمساعدة
عرض للطباعة
يا جماعة صحيت الصبح جيت أدور العربية مش بتدور لكن المارش شغال عادى
مع أن النور بتاعها شغال كويس و البطارية لسه عامل عليها أتشيك من كام يوم
و العربية بقالها 5 شهور و عامله 3500 كيلو
موديل 2010
ياريت حد يقولى ممكن تنكون المشكلة فين ؟
وشكرا للمساعدة
مش عايز افتي بس لما حصل معايا نفس الشيء
كانت طرمبة البنزين هي السبب
أنا من رآى أنها الطلمبه لأن نفس الموضوع حصل معايا ..
الأول أتأكد من فيوز الطلمبة أنة سليم ( مكانة فى علبة الفيوزات اللى فى الموتور ) لو مش سليم غيرة ولو سليم يكون الأحتمال الشائع الطلمبة لأن بعض الطلمبات الكهرباء بتعمل الموضوع ده
لو عاوز تحرك العربية فى حاجة عملتها ونفعت .. جربها مش حتخسر حاجة ..
أنزل تحت العربية من ناحية العجلة الخلفية اليمين ( يعنى اللى عكس مكان السواق من ورا ) وبإيدك خبط على الجزء اللى تحت .. ساعات بتكون الطلمبة معلقة
ونصيحتى متحاولش كتير على المارش أحسن يحصلة مشكلة أو حاجة .. يعنى لو إشتغلت بتلقت من تانى مرة بالكتير
وربنا معاك
الأول أتأكد من فيوز الطلمبة أنة سليم ( مكانة فى علبة الفيوزات اللى فى الموتور ) لو مش سليم غيرة ولو سليم يكون الأحتمال الشائع الطلمبة لأن بعض الطلمبات الكهرباء بتعمل الموضوع ده
+1
انا الموضوع ده لما حصل معايا كانت عربيتي ماشية قبلها ب10 دقايق
:(
و ما حصلش معايا مقدمات غير انها مرة واحدة بس قبلها بيوم او اتنين ما دارتش من اول مرة , فقط لا غير
اللي اعرفه ان الطرمبة لو بايظة العربية لازم تتشال و تتنقل او تتقطر ( حصلت في واحد صاحبي بلانوس برده و شالها لحد التوكيل) , انا لما حصل معايا جبت ميكانيكي من جنبي بص عليها
فك فلتر البنزين و داس لقى الخرطوم مش بيجيب بنزين
فك الكنبة و فك الطرمبة و جرب فيشة الكهربا بتاعتها لقاها فيها كهربا فقال لي الطرمبة كده وقعت
و نزلت اشتريت له واحدة جديدة من شارع دمشق ( جبت ال kafus هي الوحيدة اللي لقيتها و قالوا انها مش مضروبة و كانت ب550 جنيه ) و خليته ركبها
ياجماعه العربيه مشيت كيلوات قليله اوي يعني حكايه الطلمبه دي صعبه شويه (لكن مش مستحيله) , ياريت لو حد فنى يبص على العربيه احسن لانها لسا جديده وحرام نظلمها بكلامنا
انا عارف ان العربيه مش بتتحرك , بس حضرتك ممكن تستنضف كهربائي قريب منك وتخليه يبصلك عليها وتكون واقف جنبه و على ايده ولو حسيت انه هيخرف ويخترع خليه يبعد عنها خالص
وحضرتك النهارده ممكن تسمي بالله كده وتجرب معاها تاني بالراحه ويمكن تقوم معاك , وبإذن الله لما يحصل اطلع بيها على اي مركز صيانه محترم
هو مستوى البنزين عندك اد ايه على المؤشر ؟ حاول تخلي دايما العربيه فوق نص التانك عشان الطلمبه متضعفش
شكرا يا جماعة على الردود
إن شاء الله النهارده حخيلى كهربائى يشوفها
و عموما مؤشر البنزين عند 3 أربع يعنى فوق النص بكتير
يا جماعة فى الصوت فى الأول كده بيقعد حوالى ثانيتين
الصوت ده شغال عندى عادى
أعتقد أنه صوت طرمبة البنزين
صح ؟
عدم دوران العربيه بينحصر فى عيب من الثلاثه ...
يا اما دورة الوقود ...
يا مجموعة الاشعال و الكهرباء ...
يا اما ضغط غرف الحريق ...
طب نشوف كل واحده من دول ....
دورة الوقود ...
العطل الاول ... مفيش بنزين او بنزين مغشوش ...
العطل الثانى ... طرمبة البنزين بايظه او مش واصلها كهرباء...
العطل الثالث ... فلتر البنزين مسدود ...
العطل الرابع ... منظم ضغط الوقود بايظ ...
العطل الخامس .. الرشاشات بايظه او مش واصلها كهرباء ...
مجموعة الاشعال و الكهرباء ...
العطل الاول ... الموبينه بايظه او الفيشه بتاعتها فيها حاجه مش مظبوطه ...
العطل الثانى ... سلوك البوجيهات بايظه ...
العطل الثالث .... حساس الكرنك بايظ او الفيشه بتاعته فيها مشكله ...
العطل الرابع ... فيوز او كتاوت محروقه ...
العطل الخامس ... البطاريه نايمه ...
العطل السادس ... المارش فى مشكله ...
العطل السابع ... الكونتاكت بايظ ...
العطل الثامن ... لو العربيه اتوماتيك و الفتيس على p او n و برده مش بتدور ممكن يكون السويتش بتاع الفتيس بايظ ...
العطل التاسع ... كمبيوتر العربيه فيه مشكله ..
ضغط غرفة الحريق ..
ودى عطلها واحد بس ... ان سير الكاتينه مقطوع او التقسيمه مش مظبوطه...
طريقة تشخيص كل عطل من دول بقى لازم لها موضوع مفصل لانها موضوع كبير قوى ...
بس احب اطمنك ان المشكله غالبا هايفه فى معظم الاحيان ... و ان شاء الله بسيطه ...
طلمبه البنزين ضربت
حصلت معايا قبل كده
بس اتاكد من فيوز الطلمبه
ولا صيانه ولا غيره ... هات ميكانيكى تثق فيه او حد يرشحهولك ... على الاقل اعرف فيها ايه قبل متتخذ اى قرار اّخر ... لان الصيانه يعنى ونش يوديها ودى 150 - 200 جنيه ... دا غير الكشف الى هيكون مش اقل من 100 جنيه ... و لو احتجت اى قطع غيار ... يعنى تكلفه على الفاضى ... هات ميكانيكى يبص عليها و ان شاء الله خير ...
شكرا يا جماعة جدا
الحمد الله المشكلة أتحلت
المشكلة كانت حساس الكرنك الفيشه بتاعته مهزوزه زى ما قال الأخ batviser :S_thum1[1]: شكرا ليك
ألف شكر لكل الناس
بس أنا نفسى أعرف حاجة أيه اللى يخلى حاجة زى كده تحصل؟