اقتباس المشاركة الأصلية كتبت بواسطة batviser مشاهدة المشاركة
عدم دوران العربيه بينحصر فى عيب من الثلاثه ...
يا اما دورة الوقود ...
يا مجموعة الاشعال و الكهرباء ...
يا اما ضغط غرف الحريق ...

طب نشوف كل واحده من دول ....

دورة الوقود ...
العطل الاول ... مفيش بنزين او بنزين مغشوش ...
العطل الثانى ... طرمبة البنزين بايظه او مش واصلها كهرباء...
العطل الثالث ... فلتر البنزين مسدود ...
العطل الرابع ... منظم ضغط الوقود بايظ ...
العطل الخامس .. الرشاشات بايظه او مش واصلها كهرباء ...

مجموعة الاشعال و الكهرباء ...
العطل الاول ... الموبينه بايظه او الفيشه بتاعتها فيها حاجه مش مظبوطه ...
العطل الثانى ... سلوك البوجيهات بايظه ...
العطل الثالث .... حساس الكرنك بايظ او الفيشه بتاعته فيها مشكله ...
العطل الرابع ... فيوز او كتاوت محروقه ...
العطل الخامس ... البطاريه نايمه ...
العطل السادس ... المارش فى مشكله ...
العطل السابع ... الكونتاكت بايظ ...
العطل الثامن ... لو العربيه اتوماتيك و الفتيس على p او n و برده مش بتدور ممكن يكون السويتش بتاع الفتيس بايظ ...
العطل التاسع ... كمبيوتر العربيه فيه مشكله ..

ضغط غرفة الحريق ..
ودى عطلها واحد بس ... ان سير الكاتينه مقطوع او التقسيمه مش مظبوطه...

طريقة تشخيص كل عطل من دول بقى لازم لها موضوع مفصل لانها موضوع كبير قوى ...

بس احب اطمنك ان المشكله غالبا هايفه فى معظم الاحيان ... و ان شاء الله بسيطه ...
أوﻻ شكرا على المجهود رغم أن الكلام رعبنى
بس المفروض أنى أعمل أيه دلوقتى؟
يعنى أتصل بالصيانة وﻻ أجيب حد الأول يبس عليها ؟
و لو جبت حد يبقى ميكانيكى وﻻ كهربائى؟
المعلش عشان أنا خبرتى ضعيفة جدا فى موضوع العربيات ديه