المشاركة الأصلية كتبت بواسطة mecaneky
السلام عليكم
انا الفتره اللى فاتت دى بحثت كتير وقريت هنا فى منتدى نيسان من اعضاء كتير وخصوصا مشاركات المهندس سبعاوى ومنتديات تانيه كتير عن الصنى لانها كانت تحت او نقول اول اختياراتى للعربيه الجديده
لاقيت هنا من ما بين مؤيد ومعارض للصنى ولكن الاكثريه مؤيد ليها وده خلانى احتار لغايه ما توافرت لى فرصه قيادتها فتره من الزمن بنفسى والحكم على مميزاتها وعيوبها كما قال الاخوه الاعضاء
ملحوظه : انا كنت ناوى اجيب السوبر صالون اللى بحوالى 100 الف جنيه مصرى
اولا : العربيه من الخارج شكلها تقليدى بس تقليدى شيك وعاجبنى انا بصراحه
الشكل مسالة اذواق وحسب راحتك النفسية لكل عربية
ثانيا: صالوون العربيه الخلفى ضيق جدااااااااااااااااااااااا ا جدااااااااااااا بصراحه العربيه دى ليك انت ومراتك وبس ولو فى عيل معاكوا شادد حيله شويه رجليه حتوجعه ولازم ترجع الكرسى لو كنت زيى 180 سم طولك فى بعض الاعضاء هنا بيقولوا ان ضيق الصالون سببه وسع الشنطه الرهيييييييب 500 لتر ( مع ان السوزوكى sx4 شنطتها 530 لتر وصالونها مش ضيق ابداااااا) وكشلها اصغر من الصنى
على فكرة كرسى الصنى عموما علشان تستفيد بمساحة الصالون صح لازم تنزل كرسى السائق لاقصى مسافة لتحت وتحرك الكرسى للامام شويه هتلاقى نفسك مستريح جدا, وهتدى مساحة للاشخاص الجالسين فى الكرسى الخلفى بوضعية مريحة نوعا ما وديه مسالة نسبية طبعا لكل واحد( على فكرة انا جربت القعدة فى الصنى وانا طويل 184 سم ووزنى 115 كج وكنت مرتاح جدا فى الامام والخلف معا )
ثالثا : صوت الموتور عالى نسبيا بس انا مش شايفه عاالى قوى اللى عااالى قوى بقى ويقرفك بجد هوا العزل الداخلى بتحس بكل زلطه مشيت عليها فى الطريق ولو الاسفلت خشن شويه بتحس ان نجار راكب وراك وهاتك يا شغل وتصميم الايرودينامك بتاع العربيه بيخليها على سرعه 100 كده فى صوت حفيف جاامد من تحت
بصراحه لو مشوارك بعيد وماشى على سرعه 100 او 120 كده خد بنادول معاك علشان حتصدع
مش بالدرجة ديه طبعا لكن علشان الكتينة جنزير فبتشعر بالصوت ده لكن هى سيارة وسط بما بين الجديد والقديم بالنسبة للعزل وانا شخصيا احب اسمع اسمع صوت السيارة .
رابعا: القيمه السعريه للسياره ( بتكلم هنا عن السوبر صالون ) فى ناس كتير كانوا بيسألوا سؤال غريب شويه بيقولوا هاتلى عربيه يابانى فيها نفس الامكانيات وبنفس السعر والكفاءه
انا عن نفسى شايف ان فى عربيه ممتازه جدا جدا جدا اسمها سوزوكى sx4 تمنها الفل اوبشن سيدان اوتوماتيك حوالى 106 الف جنيه
وجنوط وانظمه امان بالكامل للفرامل من abs وخلافه واتنين اير باج وفوج لايت وكل حاجه موجوده فى الصنى واكتر كمان
وبتلافى عيوب الصنى كمان
صاللون خلفى مش حقول وااسع جدا بس مش ضيق ابدا هوا فى وسع صالون الالنترا واضيق من التيدا بحاجه بسيطه
الفتيس الاوتوماتيك جميل جدا واستجابته ممتازه وسلس وناعم فى الغيارات بعكس الصنى تحس بنقلاته ومش لازم يكون الفتيس تحس بنقلاته علشان يبقى مرادف للقوه
عفشه ناعمه جدا جدا جدااااااااااااا بجانب انها متماسكه وثبات جميل جدااااااااا على سرعات 150 او اكتر العربيه بتبقى ثابته على الطريق
صوت العزل ممتااااااز
صالون شيك وخامات جيده جداااااااااااااا
استهلاك للبنزين داخل البلد وبالتكييف 11 لتر
وكمان عربيه يابانى يابانى مش تقفيل مصرى حتى ( لست ضد التقفيل المصرى بالعكس تماما) للناس اللى عندها عقده اليابانى ومبتحبش تركب الكورى
نيجى بقى ونقول ان فى فرق حوالى 6 الالف جنيه مصرى
فعلا السوزوكى اغلى
ولكن هل هذا المبلغ يستاهل فعلا راحتك وانك تشترى دماغك وكمان انت بتشترى عربيه العمر مش كل شويه بتنزل تشترى وااحده
انا عن نفسى شايف كده
للعلم قطع غيار السوزكى اغلى قطع غيار فى اليابانى وممكن ما تلاقيهاش بره التوكيل
ومن جهه اخرى انا شايف برضه ان الالنترا حل منناسب جدااا عربيه شيك واوتوماتيك ولو جبتها نفس مواصفات السوبر صالون حتلاقيها تقريبا ب 103 الف والالنترا لو مش عربيه كويسه مكنتش لاقيت الموديلات القديمه منها لسه موجوده لحد دلوقتى وبتتباع بسعر كويس كمان
شوف النترا 2005 بكام دلوقتى وصنى 2005 بكام
فعلا كلامك صحيح لكن شوف الالنترا لما بيقعد شخصين فقط فى الكنبة الخلفية بدون شنط السيارة بتبقى عاملة ازاى ( سيارة مش بتاعة شقا ودعك زى الصنى )
اما بالنسبه للفئه من 88 الف لحد 91 الف فانا مع الراى بتاع الصنى فعلا هيا كويسه فى الرينج ده
مع وجود بدائل لا تقل برضه زى الجين 2 مثلا
وهل شركة بروتون لها مراكز خدمة وصيانة متعددة مثل الصنى وتوافر قطع غيار زى الصنى ده فى موديلات لشركة بروتون عاوزين يغيرولها علبة الدريكسيون ومش موجودة فى التوكيل
ملحوظه : انا والله العظيم مش طرف ولا ليا اى علاقه بمبيعات السوزوكى ولا ليا علاقه باى مبيعات من اساسه بس انا حبيت اوضح الفكره دى لانى كنت عاوز اشترى ولاقيت فى ناس كتيره هنا بتسال عن الصنى وبس