الموضوع: مساعدة متسربعة من البيكانتوية..واللوجانية فلمنتدي

انا سقت الاثنين و كنت محتار زيك و كان من ضمن المقارنة اللانوس و اشتريت اللوجان
اللوجان سيدان واسعة و بما انك مبتحبيش الهاتشباك فيبقى دي في صالح اللوجان
اللوجان عاااااااااالية عن الارض و دي بردو في صالحها مع ثبات جيد جدا
اللوجان تكيفها حلو و مبيأثرش على سحب الموتور بعكس البيكانتو تكييف حلو بس بيموت الموتور
اللوجان استهلاك البنزين بعد التليين بيبقى في حدود 7 او 8 لتر جوة البلد و ده على موتور 1600 استهلاك ممتاز و يمكن يبقى اققل علشان انا بسوق في زحمة كثير و احيانا بحرق على الغيارات
اسعار قطع الغيار و الصيانات عاوز اقلك ان فيه حاجات اللوجان ارخص من البيكانتو فيها زي الفنوس مثلا لما سئلت عليه الخلفي كان في البيكانتو بحوالي 600 جنيه في اللوجان تقريبا ب250 او 350 بس مراية اللوجان سعرها مستفز 1200 جنيه بس لو اشتريتي و امنتي قلقك ده هينتهي
اللوجان فيها ايرباج و دي مهمة جدا
البيكانتو على حد علمي وقت ما كنت هشتري بتنزل من غير كاسيت اللوجان بتنزل بكاسيت cd محترم و 4 سماعات
اللوجان اوروبي البكانتو كوري
اللوجان عربية عائلية البيكانتو عربية صغيرة
اللوجان وقت ماتقولي يا سفر هتعبي فيها كل اللي انتي عاوزاه و تتوكلي على الله البيكانتو هتسافري انت و تحجزي لشنطك على القطر
توكيل رينو ز كيا واحد بس فيه مواقف كدة مش ولا بد كنت قريتها مع توكيل كيا لكن رينو الحمد لله تمام بالرغم من ان الادارة واحدة
ضمان اللوجان 3 سنوات او 100000 كيلو لكن البيكانتو 5 سنوات او 100000 كيلو و دي تحسب للبيكانتو
سعر البيكانتو عالي جدا بالنسبة للموتور و الكماليات يعني هتدفعي 63000 في عربية باور و تكييف حتى من غير كاسيت في حين انك لو اشتريتي اللوجان الهاف و انا مرجحش ده كل اللي هتزويديه 1000 جنيه و تاخدي عربية 1600 باور و تكيف و سنتر و 2 زجاج كهرباء و كاسيت و سماعتين
بعد ده كلو احب اقلك اتوكلي على الله و هاتي اللوجان و انضمي لاخواتك هنا