القياده فى الأجواء الممطره

**حماده عزو** · 09-01-2008 04:39 PM

أيه رأى الساده المشرفين والأعضاء أننا نعمل موضوع متجدد عن خبرات الأعضاء فى ظروف القياده الممطره
يعنى أنا أأول خبراتى فى المواقف الى حصلتلى أثناء القياده فى جو ممطر
مشاكل حصلتلى وبفضل الله حلتها وأنا فى طريق والجو ممطر
أو العربيه غرزت منى وعرفت أطلعها

**hazem_khidr** · 09-01-2008 08:09 PM

تمام يا حماده باشا.
و احب اكون اول واحد يتكلم في الموضوع دا.
القياده في الشتاء بتختلف عن الصيف و دا لان الطرق بتبقي مبلله و احتمال الانزلاق اكبر بكتير من الصيف
و علشان كده لازم المشي يكون بالراحه و تكون واخد مسافه امان بينك و بين العربيه اللي قدامك اكبر من المسافه اللي بتتركها في الوقت الطبيعي.
عدم العتمد علي الانوار و ذلك لان المياه بتعكس الضوء تاني ف بتبقي غير مجديه.
و لو اي حد عاوز يسأل اي سؤال يقول و انا تحت امره

**hero** · 09-01-2008 08:36 PM

واهم شيء عدم استخدام الفرامل بصورة مفاجأة ....علشان العربية ماتتزحلقش فعلا وسيطرتك عليها تقل جدااا

**شريف** · 09-01-2008 09:18 PM

اهى عمالة تمطر دلوقتى
الواحد ينزلو شوية

**جندى مجند** · 10-01-2008 12:40 AM

طريقة فعالة لتجنب تكون شبورة على الزجاج فى الجو البارد و أثناء المطر دون الحاجة لابقاء النوافذ مفتوحة: اغلق كل النوافذ، شغل الهواية بحيث تطلع هوا على الزجاج الأمامى، شغل التكييف (سخن أو بارد حسب الحاجة)، شغل سخان الزجاج الخلفى، و يفضل تشغيل زرار تجديد الهواء (لكن مش شرط) .... الطريقة دى فعالة جداً فى ازالة الشبورة من على الزجاج فى ثوانى دون الحاجة لفتح أى نوافذ.

حاجة كمان أثناء المطر هى ضرورة تشغيل نور التابلوه أو النور الواطى حتى فى الصباح عشان العربيات اللى أمامك و خلفك تشوفك بوضوح.

تأكد من وجود كمية ماء كافية فى نظام غسيل الزجاج و يفضل اضافة القليل من الجلانس معها، و تأكد من عمل المساحات بصورة جيدة.

لو فى شبورة قوية فى الطريق و انت مسافر حاول تقف فى أى استراحة مع تشغيل الانتظار و متحاولش تقف على يمين الطريق و خلاص لأن ممكن جداً اللى جاى وراك ميشوفكش ... الوقوف فى استراحة و الانتظار لحين زوال الشبورة أفضل كثيراً من الاستمرار فى السير عشان القيادة فى الظروف دى مرهقة جداً جداً عن تجربة و كمان لو حصلت حادثة لا قدر الله فى الطريق بتكون غالباً حادثة كبيرة تشمل عشرات السيارات ...

و متنساش دعاء الركوب و دعاء السفر ... سلم الله طريقكم

**Eng.Osama.Afifi** · 10-01-2008 01:47 PM

جزاكم الله خيرا

بس ماتنسوش برضه الكاوتش .... ونوع النقشة .... ولو الكاوتش قديم ومتاكل العربية حتتزحلق منك بسهولة

**Islam_galal** · 10-01-2008 02:00 PM

المشاركة الأصلية كتبت بواسطة جندى مجند

شغل التكييف (سخن أو بارد حسب الحاجة)، شغل سخان الزجاج الخلفى، و يفضل تشغيل زرار تجديد الهواء (لكن مش شرط) .... الطريقة دى فعالة جداً فى ازالة الشبورة من على الزجاج فى ثوانى دون الحاجة لفتح أى نوافذ.

طريقة ممتازة عن تجربه

حاجة كمان أثناء المطر هى ضرورة تشغيل نور التابلوه أو النور الواطى حتى فى الصباح عشان العربيات اللى أمامك و خلفك تشوفك بوضوح.

و أحيانا العالي لو الرؤية ضعيفة من الشبورة او الفوانيس الاماميه مغطاه بطبقة من الطين

تأكد من وجود كمية ماء كافية فى نظام غسيل الزجاج و يفضل اضافة القليل من الجلانس معها، و تأكد من عمل المساحات بصورة جيدة.

جلا نس من ممكن يعمل تعتيم للرؤيه؟؟؟؟؟؟؟

حاجه تانيه اياك و ان تسير علي المور تحت اي ظرف ، دايما خلي العربية علي نقلة لان ده بيلم العربية و بيزيد التحكم فيها

**magdi mina** · 10-01-2008 06:58 PM

فى الشبورة لازم المساحات والانتظار مع النور الواطى ..وعدم الاسراع .... ومنتهى الحذر من النقل .. وربنا يحفظ الجميع .

**tmz9111** · 10-01-2008 07:10 PM

الكاوتش مهم جدا فى المطر أنا كنت هاعمل حادثة بسبب الكاوتش و ربنا ستر

**شاهين - بنز** · 10-01-2008 07:30 PM

في المطر حتى لو غزير أنا بمشي بنفس السرعة بتاعت الطريق بدون مطر وبس

الموضوع: القياده فى الأجواء الممطره

LinkBack

أدوات الموضوع

عرض

القياده فى الأجواء الممطره - انشر الموضوع فى :

-

-

-

-

-

المواضيع المتشابهه

القياده اخلاق

سؤال في القياده؟

توكيل القياده؟

تعلم القياده

الكلمات الدلالية لهذا الموضوع

المفضلات

المفضلات

ضوابط المشاركة