يا باشا انا اسف يعنى صاحبك ملوش فيها اوى يعنى الالنترا ممكن تطلع من السيراتو بفرق بسيط بس مش تبهدلها ودا راجع طبعا لفرق الوزن بين العربيتين بس مش اكتر
زى ما السيراتو اللى بكاوتش 15 ممكن تطلع من كاوتش 17 كدا.
عرض للطباعة
كلنا فى الأخر بنقف جمب بعض فى الأشارة ههههههههه
كلام جميل يارجالة :)
والسيراتو لسه هتاكل الجو كمان وكمان :))
يا جماعة انا بجد بحترم العربية دي من غير اما امتلكها، بس انا جربت اسوق ال 2009 الشكل القديم ودوست لغاية 190 و خفت لما بصيت على العداد، بس احترمتها
اولا انا بشكر الاخوة الاعضاء على شكرهم بس انا بجد معنديش العربية دي بس واثق ان العربية دي هتكون نقلة تاريخية لشركة كيا خاصة والصناعة الكورية عامة وبالنسبة للاخوة البيقولو كوري وياباني والماني احب اقول ان كوريا دلوقتي بتنافس اليابان وبندية والدليل على ذلك ان حاليا افضل الاجهزة الكهربائية هي المصنوعة بكوريا ودليل اخر القنبلة النووية يعني دي دليل على تقدمهم تكنولوجيا اما بالنسبة لصناعة السيارات الكورية فهي تتميز بالاتي بيدوك عربية معمرة وقطع غيارها رخيص وبها نفس مواصفات السيارات العالمية الاوروبية لان الفرق دلوقتي بيكمن في ان الشركات الاوروبية و اليابانية و الامريكيه في صناعة السيارات قديمة النشاة يعني اسم تجاري موثوق به ولكن السيارات الكورية حديثة العهد ولكنها استطاعت ان تواكب التقدم التكنولوجي العالمي في صناعة السيارات واصبحت من اكثر السيارات مبيعا بالعالم وير كده في عربيات كوريه كتير قديمة بنشوفها وماشية زيها زي الياباني من نفس سنة الصنع يعني احنا كشعب مصر شعب عريق منذ الاذل فمش احنا الهننظر لموضوع زي السيارات مثلا نظرة سطحية حكاية الكوري والياباني انا بتمنى نكون زي اوروبا مثلا بينظروا لاداء السيارة الفعلي وليس لتاريخ السيارة يعني ده التفكير الصحيح طيب ماحنا عندينا نصر للسيارات شركة قديمة ولا تقدمت خطوة ولا رجعت خطوة وطبعا الكل شاف انهيار شركات سيارات عملاقة زي همر الان اشترتها شركة صينية وجنرال موتورز شوف اعلنت افلاسها كام مرة في سنة وشوف المشاكل الفنية في سيارات تويوتا وكلنا عارفين حكاية mmt اهي تويوتا مصنع السيارات رقم واحد في العالم وشوفنا سحب كام الف سيارة وشوفنا عربية زي النيسان صني ياباني طبعا دي نيسان وعند الامتحان وحدها نيسان ولكنها تفتقر لoption كتير كما ان شكلها تقليدي ولكنها سيارة محترمة بس برده السيراتو محترمة زيها وشكلها اجمل و ماتورها اقوى و ثباتها اعلى وكوري معلش انا طولت عليكم بس كفاية عقدة الخواجة و عاوزين ننظر للاداء الفعلي للسيارة ده مقياس نجاح السيارة مش تاريخ السيارة وبالنسبة للاخ wawoo موضوع ثبات العربيه ده مش كلامي ده فعلا كلام مواقع اوروبية وكلام ملاك اليارة اللي انا واثق ان الناس دي بتتكلم بكل امانة عن السيارة وبرده هضيفلك روابط مواقع وتقارير عن السيارة من مواقع شهيرة و غنية عن التعريف وهضيفلك تقارير فيديو على اليوتيوب للسياره واختبار تصادم السيارة الاخدت فيه 5|5 واشكركم على حسن متابعتك .....محمد
شوقتني ياباشا للعربية بس بالنسبة للالنترا فهي اخف من السيراتو وجنوطها 15 وفي مشكلة في الباور اما حكاية عقدة الخواجة فالحمد لله اتعالجت منها يعني البقاء للاقوى بس انا عاوز اسال ملاك العربية عن التسارع بتاع العربية يعني 160 بتجمعها بسهولة ولا بتهنج وبالنسبة لثباتها على 160 ايه ظروفها لاني دائم السفر وانتوا عارفين الطرق الصحراوية الجميلة بتاعتنا معروفة ملفات جامدة و زلط في الطريق و عربية نقل واقفة و ما فيهاش نور ومطبات هوا يعني من الاخر السيراتو هتسد معاي رجاءا الملاك يفيدوني دول 116000 يا رجالة ......