بسم الله الرحمن الرحيم
انا نفسي نتكلم بموضوعية شوية عن السيراتو يعني ظهرت اشاعات لا حدود لها عن السيراتو فمثلا بعض العيوب كما قيل
1/المقصات ؟ بتتني
2/الخامات الداخلية؟ بلاستيك عادي
3/ بتحدف شمال؟ عيب عفشة
4/في هواء بيدخل من الاوكر والزراير؟
5/العربية بتعوم؟
6العداد مفيهوش مؤشر حرارة؟
7/لو في نقرة بتقلب العربية؟
8/العربية ناشفة؟
9/صوت المحرك عالي بعد 120كم؟
10/الكاوتش بيعمل بالونة وبينفجرلو خد نقرة؟
ارجو ان اكون قد حصرت مشاكل السيراتو التي قراتها في منتدانا العزيز او منتديات اخرى.
طبعا اكيد انتم افتكرتوا اني بهاجم العربية
ولكن انا بحاول اجمع حل بس حل موضوعي شوية عن عربية ثمنها 125000 واصبحت عربية سوق السيارات الاوروبي منبهر بيها واحنا بنوبخ فيها او (بنتلكك)
اولا /من وجهة نظري المتواضعة ان العربية كديكور ملهاش حل من الاخر
ثانيا/ من الداخل شيك وشبابية جدا ومفيش وجه مقارنة بينها وبين لانسر بومة لو هنقارن هنقارنها مع الشارك و الكورولا ودي المقارنة العادلة او المقارنة العلمية.
ثالثا/انا عن نفسي مجربتش العربية ولكن تقريري من واقع التقارير المكتوبة في المنتدى والمنتديات الاخرى سواء في مصر او المنتديات الخليجية وطبعا كلنا عارفين ان في الخليج مش بيهتموا بالعربيات السيدان الصغيرة خالص لان طبعا كل الاهتمام مثلا بالكامري او الافالون او الاندكروزراو الجالنت او الماجنا او الالتيما او المكسيما اوسوناتا او الجينسيساو الاوبيروس يعني كلها عربيات فخمة فوق 2000 سي سي ومع ذلك لقيت اهتمام بالسيراتو طبعا الشكل هو العامل الاولوراء جذب الانظار بعد كده اكتشفت ان في السعودية معظم التاكسيات سيراتو او النترا وده شيء ملاحظ جدا يعني عربية بتشتغل ليل نهار وفي جو حر موت
الموضوع الاساسي
1 - المقصات مصنوعة من الصلب المقوى يعني تنكسر في اسوا الظروف زيها زي اي عربية.
2 - البيقارن خامات السيراتو بخامات البي ام او المرسيدس حرام عليك دي عربية ب125000 بس البي ام والمرسيدس يعدوا200000 يعني لا وجه مقارنة لانها غير عادلةتماما ولكن كيا وضعت خامات داخلية عملية تنافس اليابانيات من نفس الفئة وبجداره وفي ناس كتير شكرت في خامات الفئة sx يعني العدادات والكونسول عامة شكله جديد مش تقليدي وشكل رياضي تماما ومقصورة العربية احلى بكتير من مقصورة لانسر بومة المجننة الناس واعطت الوكيل ثقة كبيرة جعلته يرفع في سعر العربية اكتر من اللازم يعني البومة كويسة بس شكلها تقليدي 2001 والسيراتو 2008 يعني فرق سبع سنين فلا وجوه للمقارنة
3 - مشكلة الحدفة الشمال ناس قالت العربية بتحدف وبعد مظبط هواء العجل والنيتروجين العربية بطلت تحدف وماشية زي الالف وناس تانية قالوا انها بتحدف حسب تضاريس الطريق يعني حكاية الحدفة دي في الخليج واوروبا مفيش حد شكى منها احنا جبناها من فين الله اعلم.
4 - مشكله الهواء الداخل من الاوكر والزراير قالوا يا جدعان اقفلو فتحة السقف كويس والزر الجنب جراب النظارة مفيش هواء تاني دخل وده باجماع الاراء.
5 - العربية بتعوم ازاي والجنط 17 يملى عين العدو وفي ناس حلفت ايمان مغلظة انها بتاخد ملفات بيها على سرعة 130 و 140 وناس كتير بتشكر في ثباتها يعني الجميع موافقة حتى في اوروبا بيقولوا العربيه عليها ثبات غير عادي هتقولي في اوروبا فيها esp وهنا مفيهاش هقولك دهخاص بثبات العربية على الجليد او المطر بس هنا في مصر فين الجليد وفين المطرو هو مين اساسا بيتحرك بعربيته لما يكون في مطر طيب مالفيات والبيجو القديم بيمشي على الجليد والمطر ولا فيه abs ولاebd ولاesp ولا ماكفرسون ولا اي حاجة خالص والعربية ماشية في امان الله لكن البيتكلم ان العربية بتعوم فانا متاكد انه عيب سائق مش اكتر ده كفاية الجنط ال17.
6- العداد مفيهوش مؤشر حراره طيب ده حتى زي البي ام لان مفيش حد يقدر يتكلم على البي ام وحتى لو نزلت اساسا بدون عدادات هنقولوا دي تكنولوجيا جديدة صح ولا انا غلطان.
7 - لو في نقرة بتقلب العربية طبعا كلنا شوفنا التقرير العملوا المنتدى وشوفنا النقرة الخدتها العربية ومفيش اي حاجة حصلت بفضل الله سبحانه وتعالى
8 - العربية ناشفة طيب انا معاك ان العربية ناشفة ولكن واخد ثبات جيد جدا من عربية سيدان صغيرة الحجم يعني تاخد عربية ناعمة بس ثباتها معقول ولا تاخد نشوفية معقوله مع ثبات جيد جدا طبعا كلنا بندور على safty >
9 - صوت المحركعالي بعد 120 اولا العربية اربع نقلات بسوديبيفيد في سرعة تجميع العربية ومننساش ان المحرك 1600 سي سي مش 2000 سي سي يعني عربية للاستخدام العادي ده الكلام المنطقي اقل عربية تعمل بيها كيك داون وصوت واطي على السرعات 2000 سي سي لكن كويس انها هي او اي عربية زيها 1600 بتتحمل الكيك داون والشد ياناس دي 1600 ومع ذلك العربية استجابتها ممتازة و عزمها عالي ما علينا .
10 - حكاية البالونة دي شيء عادي لان الجنط 17 يعني سمكه صغير يعني هيتاثر بنقر مصر وانا كنت قريت في المنتدى ان احد الاخوة كان رايح اسماعيلية مع اصحابة وخد نقرة وانفجرت فرده كاوتش قدام وبالونة وره والعربية ولله الحمد معملتش حاجة كده ولا كده يعني ثابته واحنا كلنا عارفين طبعا ايه البيحصل لما الكاوتش القداماني يفرقع وده دليل كبير على ثبات العربية.
11 - طبعا فرامل العربية لا غبار عليها فالجميع اشاد بها طبعا ولا تعليق.
12-التكيف معقول جدا بالنسبة للجو في مصر والدليل كثرة استخدامها كتاكيب في السعودية.
13 - الانارة بتاعتهابتنور الطريق كله وبتكشف كل مافي الطريق .
14الحساسات او المجسات حساسة جدا ودقيقة .
في نهاية تقريري احب اشكر كل الاخوة اعضاء المنتدى والمشرفين عليه ممن قراوا التقرير او لا لاني استفد منهم كثيرا في تقاريرهم السابقة وارجوا من الجميع ان ننظر بحيادية اكثر في معظم تقاريرنا وان تكون الثقة عنواننا فهذا تقريري المتواضع عن السياره المدللة سيراتو او فورتي ولكم جزيل الشكر اخوكم محمد ....