الموضوع: بكل حيادية ماذا تركب انت اللوجان(هاف)ولا الساجا(مانويل)

انا كنت فى نفس الحيره بتاعتك دى بين اللوجان وبين الساجا والحمد لله ربنا اكرمنى بالساجا
الساجا عربيه بجد جميله ومحترمه وكفايه ان اللى بيصنعها مسلمين الحمد لله وماليزيا معروفه بالصناعات الجامده بتاعتها
الساجا واللوجان متشابهين فى نواحى كتير وانا ارى ان اللوجان تتفوق على الساجا فى حاجه واحده بس هى ارتفاعها عن الارض
اما باقى النواحى الاخرى فالساجا تتفوق على اللوجان
مش هتلاقى حد مجتمع على عربيه انها حلوه او وحشه كل حاجه ليها مميزاتها وعيوبها
وعلى فكره انت ظروفك زى ظروفى تقريبا فأعتقد ان البروتون ساجا هى الافضل على الاطلاق بين مثيلاتها من العربيات
استخير ربنا اولا وشوف انت هترتاح لاى عربيه

المشاركة الأصلية كتبت بواسطة bishoy02010

مبدئيا أنا لما سألت حضرتك ... حضرتك شوفت كده على أساس إيه كان كل هدفى أوضحلك الفروق لأن وجهة نظرك غلط تمام ... مش عشان حضرتك تتريق وتقلى لابس نضارة

عمتا انا بس هوضحلك بعض النقط اللى حضرتك متعرفهاش

1. مرايات كهربا والفرق فى سعر المرايا العاديه من الكهربا فى حدود 800 جنيه يعنى كده فى 1600 جنيه فرق

2. فوج ليت ودول سعرهم 635 * 2 = 1270

3. حليه النيكل على الشنطة = 610 جنيه

بقيت الحاجه انا مش معايا اسعرها والتوكيل قافل النهارده قسم قطع الغيار فمش هعرف احسبهالك بس ممكن نكملها بكره

4. الإيرباج كمبيوتر الحسابات بتاعها لوحدة تمنة 1795 جنيه والإيرباج توتال مش هتقل عن 5000 جنيه بس نتأكد من السعر الأول

5. 2 إزاز كهربا ورا ... معرفش سعرهم بس عمتا مش هيقلوا عن 600 جنيه يعنى بس نتأكد من السعر الأول

6. التريب كمبيوتر واعتقد ان تمنة هيكون مبالغ فيه بس نشوفه بكره برده

ندخل بقى على شوية هدايا مش هنحسب تمنهم

7. طبعا الفرش فى الفول اوبشن افضل من الفرش من الهاف اوبشن ( ديه نعتبرها هديه )

8. وطبعا الشنطة بتتفل مع السنتر برده ديه نعتبرها هديه

9. والعتب عليه كلمة رينو ديه برده هديه

10. والتحكم فى ارتفاع وانخفاض كرسى السائق برده نعتبرها هديه

11. مفتاح العربية فيه سنتر وده تمنة 800 جنيه فى التوكيل معرفش المفتاح الفاضى تمنه كام بس ممكن منحسبش ان فيه فرق بينهم ونعتبرهم هديه



دول يادوب شوية حاجات من اللى فاكرهم وكل اللى جاب الهاف يا ندم انه جابها وحاول يركب شوية حاجات من الفول اوبشن وطبعا فشل وكلهم بلا استثناء عايزين يجيبوها فل اوبشن

طبعا نسيت ققول لحضرتك ان الأسعار ديه من غير المصنعيات بتاعت التركيب

ومن النقطة رقم 3 احنا جمعنا ال 4 تلاف اللى حضرتك كنت بتقول انك شايف ان الفروق متستهلهمش اللى هما بين تمن العربيتين طبعا ده بغض النظر عن سعر الإيرباج والتريب كمبيوتر عشان دول نسيبهم على جنب

ياريت اكون قدرت اوصلك وجهة نظرى ومستنى رد حضرتك


.

أنا ماكتش باتريق

أنا كنت باهزر

بس واضح أن روح الدعابة مش موجودة في المنتدي

المهم مش مشكلتي هم حطين كماليات بكام

المهم أنا هاستفيد بالكماليات ده أد أيه

يعني ممكن يحطوا كماليات بـ 40 ألف جنية

وادفع أنا 4 آلاف جنية عشان أستفيد منهم بألف جنية

هي ده نقطة النظام اللي أنا بكلم فيها

وبعدين تعلالي بقى

لما المرايا الكهربا بتبوظ حضرتك بتدفع فيها كام

أكتر من ضعف تمن المرايا العادية

لما الإزاز الكهربا بيبوظ

بتدفع فيه كام

في مقابل مزييييد من الرفاهية



بس برضه بص

أنا عشان خطرك أنت بس هافكر أجيب عربية فول أوبشن

الف شكر ياجماعة ع اهتامكم
الحمد لله ربنا وفقنى واشتريت الساجا
من وجهة نظرى حبيتها عن اللوجان ودة ميمنعش ان اللوجان حلوة
وربنا يوفق الجميع للخير