الموضوع: اول مشاركة ليا وعايز مساعدتكم وخبرتكم

نسيت اقول صح ان عمى صحفى فى جريدة الجمهورية فعايز كمان شكل العربية تكون برستيج كدة وشكلها شيك
واسف مرة تانية انى بتعبكم معايا

معلش اخر سؤال
ياترى ايه احسن لون فى العربية الى ممكن اختارها من الى فوق دول؟؟

انا معايا النترا مانيوال 2007 والله العربية جميلة جدا فى كل حاجة :
-واسعة جدا
-موتورها قوى فعلا
-الوبشنز اللى فيها مش قليلة
-تقريبا مالهاش اعطال بس حافظ على مواعيد صيانتها خصوصا كل 10000 كم
-مريحة جدا لكل الركاب ودا راجع لعفشتها
-الاليكترونيك باور ستيرينج بتاعها وهمى مش حتعرف قيمته غير لو جربته
-واللى بيكلمك على انها مش ثابتة على السرعات مع احترامى له الكلام ده مش صحيح نهائى لان انا اصلا ما بعرفش امشى غير بسرعة ومرة فضلت ماشى على طريق العلمين ربع ساعة على سرعة 200 210 حتى صاحبى اللى كان معاه جيتا مكانش مصدق وقاللى انت عامل حاجة فى العربية دى لانه مكانش عارف يعدينى مع اننى والله م غيرتش اى حاجة فيها من ساعة ما جيبتها غير انى كنت محافظ على صيانتها حتى الجنوط ماغيرتهاش
اما عيبها الوحيد بالنسبة للعربيات اللى فى المقارنة انه لو اتنين ركبو ورا حتحك فى كل مطبات البلد والعيب ده ما لوش حل للاسف
- على فكرة انا سقت كل العربيات اللى فى المقارنة بس اوتوماتيك بس لو عايز رايي بعد الالنترا ييجى الاوبترا و بعديها اسيراتو وفى الآخر خالص الصنى

البروتون برسونا كامله اتوماتيك f/o سعرها 92000 ممكن تضيفها للمقارنة علشان دى عربية حلوة قوى وشكلها شيك و أدائها كويس جداً

المشاركة الأصلية كتبت بواسطة dr dido

انا معايا النترا مانيوال 2007 والله العربية جميلة جدا فى كل حاجة :
-واسعة جدا
-موتورها قوى فعلا
-الوبشنز اللى فيها مش قليلة
-تقريبا مالهاش اعطال بس حافظ على مواعيد صيانتها خصوصا كل 10000 كم
-مريحة جدا لكل الركاب ودا راجع لعفشتها
-الاليكترونيك باور ستيرينج بتاعها وهمى مش حتعرف قيمته غير لو جربته
-واللى بيكلمك على انها مش ثابتة على السرعات مع احترامى له الكلام ده مش صحيح نهائى لان انا اصلا ما بعرفش امشى غير بسرعة ومرة فضلت ماشى على طريق العلمين ربع ساعة على سرعة 200 210 حتى صاحبى اللى كان معاه جيتا مكانش مصدق وقاللى انت عامل حاجة فى العربية دى لانه مكانش عارف يعدينى مع اننى والله م غيرتش اى حاجة فيها من ساعة ما جيبتها غير انى كنت محافظ على صيانتها حتى الجنوط ماغيرتهاش
اما عيبها الوحيد بالنسبة للعربيات اللى فى المقارنة انه لو اتنين ركبو ورا حتحك فى كل مطبات البلد والعيب ده ما لوش حل للاسف
- على فكرة انا سقت كل العربيات اللى فى المقارنة بس اوتوماتيك بس لو عايز رايي بعد الالنترا ييجى الاوبترا و بعديها اسيراتو وفى الآخر خالص الصنى

الف شكر لحضرتك يا دكتور ديدو
يعنى ثبات الالنترا لو بالشكل الى حضرتك بتقول عليه ده تبقى جامدة جدا
بس عيبها الوحيد فى المطبات طيب استفسار شخصى هى لو حكت فى المطبات يعنى العربية هتتأذى كتير؟
وممكن لو الموضوع رسى على الالنترا يتركبلها رفاعات تقريبا او اسمها شدادات بتعلى العربية شوية
ايه راي حضرتك فيها؟

المشاركة الأصلية كتبت بواسطة sanfour

البروتون برسونا كامله اتوماتيك f/o سعرها 92000 ممكن تضيفها للمقارنة علشان دى عربية حلوة قوى وشكلها شيك و أدائها كويس جداً

المشكة يا باشا ان توكيل البروتون سئ ومش كويس وكمان العربية منتشرة فده بيادى لارتفاع قطع الغيار وانخفاض سعر اعادة البيع

المشاركة الأصلية كتبت بواسطة hero_hamada

الف شكر لحضرتك يا دكتور ديدو
يعنى ثبات الالنترا لو بالشكل الى حضرتك بتقول عليه ده تبقى جامدة جدا
بس عيبها الوحيد فى المطبات طيب استفسار شخصى هى لو حكت فى المطبات يعنى العربية هتتأذى كتير؟
وممكن لو الموضوع رسى على الالنترا يتركبلها رفاعات تقريبا او اسمها شدادات بتعلى العربية شوية
ايه راي حضرتك فيها؟

العفو يا جميل وبالنسبة لموضوع الشدادات انا فعلا سالت عليها فى التوكيل وواحد صاحبى مهندس مدير مركز خدمة فى الرحاب واجمعو على انها حتأثر على العفشة و حتاثر على الايرودايناميكس وبالتالى حتاثر على الاتزان خصوصا على السرعات العالية دى حاحة
الحاجة التانية ان العربية بئالها معايا اكتر من تلات سنين واتحكت فى نص مطبات البلد والحمد لله ما كانش ليها تاثير على اى حاجة
انا لية نصيحة اخيرة ان الالنترا الشكل الجديد حينزل تقريبا شهر 10 الجاى وشكلها حيبئى احلى وحيعالجوا كل العيوب الى فيها فا لو تفدر تستنى استنى....

فعلا انا سمعت كدة
غير ان الشكل المعدل للالنترا الى بيتداول دلوقتى
فعلا علوا شوية عن الارض عشان خاطر موضوع المطبات ده
عموما الف شكر لحضرتك ياباشا