ربنا يرحم كل اموات المسلمين
بصراحة في ناس كتير مش عارفة تغير العربية دي من حلاوتها
وهي فعلا عربية تحس انها مش ناقصة حاجة قوة ومتانة حتي بعد 30 سنة بتنافس وتسارع الاجيال
انا اعتبرها ابو الاسوددد
عرض للطباعة
ربنا يرحم كل اموات المسلمين
بصراحة في ناس كتير مش عارفة تغير العربية دي من حلاوتها
وهي فعلا عربية تحس انها مش ناقصة حاجة قوة ومتانة حتي بعد 30 سنة بتنافس وتسارع الاجيال
انا اعتبرها ابو الاسوددد
السلام عليكم و رحمة الله و بركاته
أنا كان عندى طلب أو هو بالأصح استفسار صغير, فى جنط معين كان بينزل على البيجو ال 505 الطيارة, تقريبا كان اسمه معروف بالخرشوفة - أنا مش متأكد بصراحة - أنا كنت عاوز أشترى طقم منه و أركبه على البيجو ال505 بتاعتى موديل 1980 , لأنى شوفت ناس مركباة و كان شكله راااااااائع .
ماحدش يعرف الجنط ده بييجى منين.
شكرا
mercedes s430
دولر ياباشا عند بتوع الجنوط المستعمل وربنا يكرمك بس خلي باللك في جنوط كانت نازلة بدون فتحات تهوية للفرامل احترس منها لانها بتسخن التيل وتبوظة بسرعة
السلام عليكم و رحمة الله و بركاته
انا كان عندى سؤال و أرجو أن يتسع صدركم لى :
العربية البيجو ال 505 مو 1980 بتاعتنا , الزيت بينقص من الموتور بمقدار نص لتر لكل غيار/ كل 1000 كم يعنى .
المشكلة أن أنا لاحظت فى خلال السنة الأخيرة دى أن العربية بتسخن و على فكرة الموضوع ده جديد عليها تماما لأن أنا متعود أن العربية دى لو ماشى فى ميدان التحرير فى شهر أغسطس الساعة 2 الظهر و المرور واقف, مستحيل تسخن, يعنى المؤشر بيكون على الأزرق , آه و الله العظيم, ماهى عربيتنا من حوالى 30 سنة بقه و أنا عارفها, لحد ما لقيتها فى الفترة الأخيرة اللى هى الصيف ده و اللى فات بدأت تسخن, نظفت الرادياتير و اتأكدت أن الميه مابتنقص و أن الرادياتير مش مخروم و أن طلمبة الميه شغالة و بتقلب كويس و كله تمام وكمان غيرت المروحة و جبت واحدة أكبر و بعد كل ده بتسخن برضه.
لدرجة أن أنا كنت هسمع كلام بتاع الرادياتيرات و أغير الرايدياتير بواحد أطول شويه .
بس و أنا واقف مرة مع واحد بتاع دوكو اللى أنا بتعامل معاه و قولتله أن العربية بتاكل زيت و ان العربية بتسخن, يعنى المؤشر بتاع الحرارة ممكن يوصل لنص المسافة بين الأزرق و الأحمر رغم أن العادى أنه طول عمره بيكون على الأزرق و عمره ما يعلى عن كده الا ادا كان فى عيب فى دورة التبريد, قام بتاع الدوكو قاللى حاجة أنا مش عارف ادا كانت صح ولا لأ, هى أن أدام المكنة خفيفة و بتاكل زيت, فالعادى أنها تسخن و تمسك حرارة, فأنا عاوز أعرف, ده صحيح؟؟؟ , عشان لو كان صحيح , أروح للميكانيكى عشان يحل المكنة و يشوف هى بتاكل زيت ليه, على أساس أن يمكن لما أعالج موضوع الزيت اللى بينقص ده, تقوم مشكلة الحرارة تتحل و خصوصا أن أنا عندى احساس داخلى أن موضوع المكنة ده لو اتصلح, السخونية دى هتروح, يمكن يكون الكلام ده مجرد احساس و ممكن يكون بجد, بس ده اللى أنا حاسس بيه لأنها عربيتنا و أنا عارفها كويس و العربية هى نفس العربية و الرادياتير هو نفسه, بس موضوع السخونيه دى اللى جديد.
أنا بصراحة المشكلة عندى مش فى الزيت اللى بينقص لأن مش مشكله عندى أن أنا أزودها نص و لا حتى كيلو زيت كل غيار 1000 كم , بس المشكلة اللى بتتعبنى بالدات لو مسافر مشوار طويل و بالدات فى الصيف يعنى, هى الحرارة.
فأرجو من الأخوة الأفاضل اللى فى المنتدى هنا أنهم يشاركونى الرأى و يدلونى على الخير ان شاء الله
شكرا و جزاكم الله كل خير
maserati
السلام عليكم و رحمة الله و بركاته
أنا كنت عاوز أكملكم المعلومات عن العربية البيجو ال 505 مو 1980 بتاعتنا عشان تبقى الصورة واضحة,بالنسبة لسحب العربية, أنا شايف أنه كويس, يعنى أنا بنقل من التانى للتالت على 60 و من التالت للرابع على 90 و العربية كسرعة قصوى ممكن تجيب معايا 140, خلى بالكوا العربية دى معانا من 1980 و اتعملها عمرة كاملة فى 1994 , غير كده مفيش حاجة اتعملت تانى الا يمكن غيرت جوان وش السلندر فى 2005 لما العربية جابت جوان وش سلندر لما سخنت لأن الرادياتير كان مخروم و أنا ما أخدتش بالى http://www.masrmotors.com/vb/images/...653[1].gif
أنا مفيش مشكلة أنى أغير الرادياتير لو ده هيحل مشكلة الحرارة بشكل نهائى, بس أنا خايف أغير الرادياتير و تفضل العربية تسخن برضه, ساعتها هبقى ماعملتش حاجة !!!!!!
أنا كنت سمعت عن الرادياتير ال 3 صفوف ده لأن اللى أنا أعرفه الرادياتير العادى, زى اللى راكب عندى فى العربيه اللى هو عبارة عن سربنتينة و راكب عليها علب و خلاص, اللى أنا أعرفه و سمعته من الصنايعية هو الرادياتير ال 3 ماسورة, فهل فى أى حد سمع عن الرادياتير ال 3 صفوف ده ؟؟؟؟
آه , بالمناسبة , أنا كان عندى سؤال تانى :
أنا سمعت عن حاجة اسمها زيت شنبر, فأنا عاوز أعرف ايه فايدة الزيت ده بالظبط و بيتحط ازاى فى المكنة, يعنى بيتحط عادى مع الزيت ساعة ما آجى أغير الزيت و لا بيتحط امتى , و هل بأضيفه لزيت الموتور, يعنى بأضيفه فوق ال 4 لتر اللى بيتحطوا أصلا ساعة ما آجى أغير الزيت و لا بيتحط و بعدين أكمل فوقه لحد ما أوصل للمقاس المطلوب و خلاص ؟؟؟؟
ياريت أى حد يعرف معلومات عن الحاجات دى مايبخلش على و جزاكم الله كل خير .
MASERATI
استاذي الفاضل الريداتير لما يكبر عن حجمة يخنق العربية احترس للملحوظة دي هديلك مثال انت بتعطش كتير اشربك لغاية متشرق اخنوقك بالمية علشان بتعتش كتير ولا اشوف الحل الصح اكيد عندك املاح هههههههههههه دور علي ميكانيكي شاطر وبلاش موضوع الريداتير يتغير لاكبر دة لالالالالا واسال متخصص
انا سقت العربية دى 11 سنة العربية دى امتن عربية لو كانت عربية تانية مكنتش استحملت الى عملته فيها ومشاية بطريقة اعطاله قليلة للاسف البيجو 405 اعطالها كتير علشان كبالن لكن دى مفيش الكلام دة حتى المساعدين بتوعها كان فية مشكلة فى المساعد الى قدام الى بيصلح اعفسة قالى دى بتتصلح مش بتتغير والتيل بتعها بيقعد كتير موت كل حاجة فى العربية دى اصيلة تحس انهم كانوا بيبنوا عربية وهيا دى وال504 الى قامت عليهم سمعة بيجو لكن للاسف الجديد بقى مش بنفس درجة الاستحمال
مساء الخير عليكم
انا معايا عربية 505 موديل 80العادية مش الطيارة والدى كان شريها زيرو ودلوقتى بتاعتى بصراحة انا بعشق العربية دى وعمرى مفكرت اغيرها لانها عربية ممتازة جدا فى كل حاجة اولا تقيلة وثبات جامد فى السرعات ومكنة كبيرة 2000سىسى وصاج جامد وشكلها ممتاز وحمالة اسية يعنى عفشة حديد وبعمل بيها كل حاجة وفى التخميس مالهاش حل مفيش حاجة من الجديد تقدر تسد معها وياريت اللى عندة 505 يخش ويقول رايو ولو محتاجين اى معلومات عنها او استفسارات ممكن تسئلونى لانى حافظها صم واغلبية صيانتها انا اللى بعملها عندى فى الجراج شكرا اخوكم شادى
السلام عليكم و رحمة الله و بركاته
ماهو الحال من بعضه, أنا برضه عندى ال505 العادية مش الطيارة و هى كانت بتاع الوالد - الله يرحمه - و كان جايبها عالزيرو من سويسرا , هى موديل 1980 .
أنا كنت عاوز أتقل على سيادتك و أسألك و أطلب منك انك تقوللى؟؟؟؟؟
لو عربيتى محتاجة طقم شنبر, تتكلف كام و تاخد وقت أد ايه بدون التليين, يعنى تقف عند الميكانيكى كام يوووووم؟؟؟
والحاجات اللى أشتريها ليها عشان الموضوع ده, يفضل أجيبها من بورسعيد أفضل و لا مفيش مشاكل أنى أجيبها من المنصورة على أساس أن أنا عايش هنا فى المنصورة يعنى .
شكرا و جزاك الله كل خير
maserati