الموضوع: الي محبي بيجو 505 فقط

والله ياباشا عربيه ممتازه انا سمعت من ناس اعرفهم عندهم بيقولوا فيها قصائد شعر و ما يفرطش فيها ابدا رغم قدم موديلها , و انا شخصيا كنت بفكر اشتري واحده لكن النضيف منها و موديلها اواخر الثمانينات و اوائل التسعينات نادره و لو لقيتها هتلاقي اسعاره غاليه , عشان كده عدلت رأيي و ان شاء الله هتبقي 405 بس بجمع فلوسها و ربنا يسهل .

مشكور اخي بس اسال لاني سمعت ان 405 ضعيفة جدا واحد صديق كانت معاة وكان بيشتكي منها كتير وربنا يكرمك يارب ويرزقك واشكرك للمشاركة


ياسيدي الله يكرمك و يخليك , بس 405 ضعيفه جدا !!؟؟؟, صعبه شويه يمكن صاحبك وقع في واحده تعبانه او هو ما بيتابعش صيانتها , انا بصراحه مسوقتهاش بس ركبت اكتر من واحده كانت مع قرايبي ( عربيه الشغل) و لما كنت بسأل السواقين يقلولي محدش بيسد معانا علي الطريق بس حكايه قطع الغيار و الكلام ده ما لهمش فيه لانه بيشيل و بيحط جديد اصلي , المهم العربيه متعطلش منه و معاه حد منعا للمشاكل الكلام ده من 7 سنين .يعني مش هقدر افيد حضرتك قوي , ثم انا اروح فين وسط عتاوله البيجو 405 في المنتدي الأستاذ هيرو و الأستاذ نور و هما اللي اقنعوني من خلال مشاركتهم بالعربيه , اعتقد ممكن يفيدوك اكثر مني .

505 جميلة جدا وعزمها شديد ومتور قوى
كفاية عندى انها بتقفل العداد حتى الأن وماتور الأصلى من سنة 80 ومتغيرش فيه اى حاجةىغير جوان وش سلندر
ثبات ماشاء الله
صالون واسع
شكل مميز 2000 سي سي
وخلفيتها فى الموديل طبعا ال 405 بشكل جديد وانسيابي ومتطور

يا باشا انا بقولك اللي اعرفة بس واسف لو ضايقتك واتمني تكون مش زعلان ياريت عمالقة ال505 يدخلوا


يا باشا اسف ايه بس و زعل ايه ؟ انت حضرتك قلت ضعيفه جدا فأنا فهمت اما ان سحبها ضعيف مثلا او اعطالها كثيره , فلأن سمعه العربيه كويسه اساسا و مشاكلها قليله فأستغربت بس مش اكتر و قلت ممكن يكون العيب من العربيه مثلا لان في ناس كثيره من الزملاء نصحوا الي عايزيين يركبوا 405 باختيار الحاله الجيده و شددوا في ذلك ودول رأيهم يحترم لانهم بيتعاملوا معاها كل يوم و عارفينها . و علي العموم يا باشا انا اللي مش عايزك تزعل مني و كل سنه وانت طيب .

بصراحه انا بحب العربيه دي مع اني مركبتهاش خالص