لمالكى و عشاق امبريزا موديل 1998

**mena99100** · 09-05-2010 04:02 PM

المشاركة الأصلية كتبت بواسطة ahmed hassan

اعتقد سير الكاتينه بيقعد اكتر من ٦٠٠٠٠ . في ٢٠٠٤ الى ٢٠٠٧ في الكتالوج بيقول التغيير على ١٠٠٠٠٠ و التوكيل كان بيغيره على ٧٠٠٠٠ - ٨٠٠٠٠ الف و في آخر تعديل بيغيروه على ٩٠٠٠٠

بالنسبه لسعر سير الكاتينه هل ال ٥٠٠ جنيه شاكل بليه و لا سير بس؟ خلى بالك لازم تغير البليه مع السير

هو اعتقد انه سعر السير بس لان والدى هو اللى غيره بس اكيد هو ظبط كل حاجة لان انا مبفهمش فى الميكانيكا اوى انا متفرج بس

**teto007** · 13-05-2010 11:36 PM

بالنسبة للتيل فى ب 160 و 120 ال 120 كويس بس هوا كان بيعمل صفارة خفيفة ولما سألت الميكانيكى قالى عادى فى بعض الانواع كدة بس مش بيأثر على الطنبورة
انا جبتو من شارع دمشق انا ممكن اوصفللك هو فين , فى محل أسمة ابراهيم استيكرات تديلو ضهرك و تبص فى اتجاة بنزينة شل وتمشى حوالى 500 متر حيكون على ايدك اليمين و ممكن تسأل اى محل عن حد بيبيع تيل سوبارو حيدلوك على طول و انا ححاول اجيبلك اسمو و نمرت التليفون

بالنسبة لنوح لو انت جاى من مدينة نصر حتطلع كوبرى اكتوبر و تنزل النزلة اليمين اللى بعد مستشفى الجلاء حتمشى شوية و حتلاقى نزلة يمين نانى تنزلها اول ما تنزل حتمشى يمين اجبارى حاول تركن العربية و تنزل تمشى على رجلك وترجع عند نفس الكوبرى الى انت نزلت منة بس حاتمشى من تحتية و تخش شمال حتلاقى حارة بتدخلك على الوكالة حتمشى فيها و حتلاقى جامع على ايدك اليمين و بعديها بشوية بسيطة فى حتة واسعة هو اول محل بعد الحتة دية على ايدك اليمين و ان شاء اللة اجيبلك نمرة تليفونة

**teto007** · 14-05-2010 12:24 PM

نوع التيل vekaبس للسف مش لاقى الكارت بتاع المحل بس هوا مكانو زى ما و صفتو فوق

**AMIRB11S** · 06-06-2010 01:42 PM

المشاركة الأصلية كتبت بواسطة akramhasan

العربيه اصلا دى مشوقه فعلا و رياضيه جدا و سواقتها اكتر من ممتعه

بالنسبه لقطع الغيار.. لما تشترى اشترى عربيه تكون حالتها ممتازه و يكون كل حاجه فيها اصلى يابانى فبريكه و ميكونش اتلعب فيها كتير من الميكانيكيه ... هتعد معاااااااااااك العربيه سنيييين عشان تغير اى قطعه....
العربيه دى حماااااااله قاسيه يا امير يعنى مش زى العربيات الجديده الى طالعه يعنى انت اخرك تغير فيها التيل الامامى و الخلفى و مساعدين و دا بعد عمر حسب استخدامك
التيل الاصلى الامامى ب 400 جنيه من التوكيل دا يابانى سوبارو اصلى
تيل اسبانى خامه كويسه و انا جربته ب 340 جنيه او ب 300 مش فاكر عشان اخويا الى اشتراه
تيل امريكى كويس انا شغال بيه الان و دا ب 250 و ارخصهم
التيل هيعد معاك حسب استهلاكك للعربيه

المهم تهتم بالصيانه الدوريه من حيث تغير الزيوت و السيور فى ميعادها و الفلاتر و دا هتعمله فى اى عربيه هتجيبها جديده
خلاصه الكلام توكل على الله و لو وقعت ادامك واحده نظيفه لا تتردد اطلاقا و قطع العيار موجووده
و ان شاء الله انا بحاول انا و ميينا نجييبها من السعوديه و هتكون ارخص و الاصلى كمان

و انت بتشترى العربيه اهو حاااجه حاااله الموتوور و العفشه و الشاسيه

و انا لو وقفت اى واحده ادامى هقولك عليها و انت لو وقعت ادامك برده قولنا و نتشارك

اتمنى تبقى من عائله السوباااااااااريه قريييييييييييب .....

متشكر ليك اوى يا اكرم على اهتمامك معلش على التأخير مدخلتش بقالى فترة على المنتدى انا بجد محتاج تدعيلى انى انضم للعيلة السوباروية لحسن العملية عندى صعبة شوية

**eslam99** · 04-07-2010 03:19 PM

احب اشارك معاكم وانا عن نفسى كنت عايز اشترى عربية جديدة وان شاء الله قررت تكون سوبارو فانا عايز اعرف ايع الفرق بين السوبارو السيدان والهاتشباك غير الشكل طبعا وايه التحديثات اللى حصلت على السوبارو من موديل 98 لغاية موديل 2010 وانا على فكرة خلفيتى عن السوبارو صغيرة الى ابعد الحدود يعنى ياريت تساعدونى لانى بفكر اجيب واحدة موديل قديم شوية وشايف انكم بتتكلموا كتير على موديل 98 وانا اضيف له اللى انا عايزه بعد كده ياريت تساعدونى

**sawyer** · 13-07-2010 01:32 AM

سلام عليكم
انا حالياً ماعنديش سوبارو كان معايا 2005 بس ماعتقدش ان القديمة تقدر تثبت اكتر من ال4x4 ولا انتو ايه رايكم

**aliashraf00** · 24-07-2010 06:58 AM

طب و ايه رايكم في دي !!!!!!!!!!!!!!!!!!!!!!!!!!!!!!!!!!!! عربيتي
ارجوا كلمه ماشاء الله

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 720x540 الابعاد 147KB.

للبيع
تليفون 0107677895
قي منتدي العرض

**akramhasan** · 26-07-2010 10:24 AM

المشاركة الأصلية كتبت بواسطة amirb11s

متشكر ليك اوى يا اكرم على اهتمامك معلش على التأخير مدخلتش بقالى فترة على المنتدى انا بجد محتاج تدعيلى انى انضم للعيلة السوباروية لحسن العملية عندى صعبة شوية

السلام عليكم و رحمه الله و بركاته

ازيك يا امير عامل ايه اتمنى تكون جبت السوبارو الى نفسك فيها على فكره على فوق عارض عربيته للبيع قابله و اتفرج على العربيه و توكل على الله و لو عاوزنى اجى معاك معنديش مانع و اى استفسار انا موجود

**akramhasan** · 26-07-2010 10:27 AM

المشاركة الأصلية كتبت بواسطة aliashraf00

طب و ايه رايكم في دي !!!!!!!!!!!!!!!!!!!!!!!!!!!!!!!!!!!! عربيتي
ارجوا كلمه ماشاء الله

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 720x540 الابعاد 147kb.

للبيع
تليفون 0107677895
قي منتدي العرض

طبعا عربيه ممتازه و جميله و انا لو معايا فلوس كنت خدتها على طول بدون نقاش
بس عندى سؤال ليك انت عاوز تبيعها ليه؟؟؟؟؟

**akramhasan** · 26-07-2010 10:31 AM

المشاركة الأصلية كتبت بواسطة sawyer

سلام عليكم
انا حالياً ماعنديش سوبارو كان معايا 2005 بس ماعتقدش ان القديمة تقدر تثبت اكتر من ال4x4 ولا انتو ايه رايكم

موديل 1998 الى معايا ثابته على الطريق عن اى عربيه جديده و فى الملفات متحسش بميل العربيه خالص و دا عشان موتورها البوكسر و انا لما بجرى مع اى حد موتورو اقولا منى انا بتفوق عليه فى الثبات
اما بالنسبه للموديلات الجديده فا انا بصراحه مجربتهاش بس علميا الجر الرباعى هيكون ثابته اكتر من الامامى
و الله اعلم

نورت الموضوع يا باشا