حلوه مش مهم 5000 جنيه دي خلاص انت زعلان ليه
عرض للطباعة
حلوه مش مهم 5000 جنيه دي خلاص انت زعلان ليه
ادام المبلغ ((مش كبير))
و5.000 ((مش مشكلة))
مزعل نفسك ليك ؟؟؟
ربنا يعوض عليك يا باشا و المره الجايه خد بالك
ده لو وصلت إن موظف البنك بيسرق يبقى على البنك السلام
أعتقد البنوك فيها كاميرات مراقبة و صعب الموظف يضرب فلوس كده و هو عارف إنه مراقب
الموضوع بسيط جدا فوق ماتتخيل بس بشرط ان الموضوع ده يكون تم النهارده
سيادتك بكره هاتروح لمدير الفرع وتحكى على الواقعه
يوميا بيتعمل جرد على التلر سواء اختلف مبلغ العهده بالناقص او زياده فهى تعتبر عجز علشان كده باقولك لو الموضوع ده حصل النهارده وكان فى عجز زائد فى البنك بالمبلغ بتاعك هايتعمل تحقيق للواقعه وهتاخد حقك باذن الله
استبعدوا تماما تماما تماما ان موظف البنك يعمل حاجه زى كده
انا حاطط 3000 جنيه في البنك الزفت ده
و بعد 3 شهور روحت اطمن علي الحساب
اتلاقيته بقي 2750 جنيه بقدره قادر
مع اني مسحبتش منهم مليم قبل كده
متفق مع حضرتك تماماً.
وأعتقد إن صاحب الموضوع اللي شايف إن 300000 مبلغ صغير , وان 5000 ناقصة مش مشكلة , انة فى الاساس رايح بالفلوس من غير ما يعدها.
الموظف قال لصاحب الموضوع الفلوس ناقصة 5000 جنية ( مش مليم ) وهو كل اللي عملة أنة إستغرب!!!!!!!
ياريت صاحب الموضوع يبقى يطمنا!!!!! لأننا قلقانين على الفلوس اللي واضح انها مش مهمة عندة.وكمان إحنا مستغربين.
متأسف على تعليقى بس انت موضوعك مستفز جدا ....
ال 300 الف مبلغ مش كبير (ربنا يوسعها علينا و عليك )
و ال 5 تلاف اللى قالك انهم ناقصين ... و انت استغربت و مشيت ؟؟
طب حتى بعد ما استغربت ماقولتلوش يعدهم تانى ؟؟
ماقولتلوش طب هاتهم و انا اعدهم ؟؟
قوم ايه انت استغربت و مشيت ههههههه طب ايه المشكله بقى ؟؟
ما احنا برده استغربنا ............. بس من تصرفك .
حاسس انك رحت تودع فى البنك 300 جنيه و الموظف لاقاهم 295 جنيه ههههههه
من المتعارف عليه عند ايداع اى مبلغ فى اى بنك ان حضرتك بتروح تقف على الشباك وبتطلع الفلوس وبتديها للتيلر علشان يعدها وطبعا حسب نظام البنك نفسه فى بعض البنوك بيكون فى مكان مخصص لعد المبالغ الكبيرة ودة طبعا مش بيكون فى نفس مكان الشبابيك الاماميه الموجودة ادام كل الناس لكن حضرتك بتدخل المكان دة والموظف الموجود او المسئول عن عد المبالغ الكبيرة بياخد الفلوس من حضرتك ويسألك المبلغ كام وبيقوم بعمليه العد وانت ادامه يعنى شايفه .
نفس العمليه او العادى اللى فى كل البنوك لو كان الكاونتر مكانه كبير وماكينات العد موجودة خلف التيلر بيكون العد برضه قدام حضرتك .
يعنى بإختصار حضرتك يؤخذ عليك عدم اهتمامك بمتابعه الفلوس عند العد وكمان انت شايف ان المبلغ المودع (300000 جم ) مبلغ صغير يعنى اعتقد نظرتك لقيمه المبلغ مختلفه تماما عن المتعارف علية بين كل الناس ، لكن عموما لو انت راجعت نفسك وتذكرت جيدا وانت واخد الفلوس ورايح البنك المبلغ كان كام او ممكن تراجع المكان اللى انت اخدت منه الفلوس دى اصل المبلغ كان كام .
اعتقد يمكن تكتشف اصل الحكايه .
وبشكل عام انصحك لازم تاخد موقف ايجابى مع البنك علشان يتم التحقيق فى الواقعه منعا لتكرارها مع عميل اخر فى حالل كون الموظف فعلا غير أمين .
تقبل تحياتى