في اسكندريه سطو مسلح لسرقة السيارات
انا سمعت بس مش متأكد
بس لقيت واحد معلق على خبر في مصراوي بيقول حصلت لقريبه
مسدسات في عز الضهر
استر يارب
عرض للطباعة
في اسكندريه سطو مسلح لسرقة السيارات
انا سمعت بس مش متأكد
بس لقيت واحد معلق على خبر في مصراوي بيقول حصلت لقريبه
مسدسات في عز الضهر
استر يارب
للاسف مش اشاعة لان فعلا سمعت الخبر من وكيل نيابة و فيه 3 بلاات اتقدمت بخصوص موضوع السطو المسلح و بيكون فى عز النهار يعنى الحمد لله بقينا بلد همجى لدرجة الناس بقت تعمل الهى عاوزاه
يعنى مثلا 10 يخطفوا امرأة متزوجة ويتناوبوا اغتصابها و يتلى حكم الاعدام
ما بالك السطو المسلح تبقى عقوبتها ايه سنة مثلا
عمار يا مصر...فعلا بلد الامن والامان
انا قريت الخبر ده كمان على مصراوي
المفروض الواحد يمشي بالعربية مقفل الزجاج وكمان السنتر لوك
وربنا يستر
بس على فكره عادل لبيب مش هايسيب الموضوع ده يعدي على خير
لانه كان عندنا في قنا بصراحة كانت الجريمة تقريبا منعدمه لانه راجل حازم جدا
ازاي يعني وهي مركونه
ولا وانت جواها ولا ايه الحوار بالظبط
ده ايه اللي بيحصلنا ده ؟؟؟؟؟
لا حول ولا قوة الا بالله
يا نهار اسود
هو احنا في تكساس و لا في شيكاغو و لا منكونش في مصر باين ؟
انا كمان سمعت الحوار ده النهارده ..
والموضوع ده بيتم انه بينتحل شخصية ضابط شرطة ..
ومنهم اللى بيدخل العربية على طول وفى ايدة مسدس ويقولك ياتمشى من العربية ياتموت ..
ولحد دلوقتى حوالى 20 عربية تم معاهم ده واتسرقوا ..
وطبعاً محدش حيتحرك الا لما يوصل رقم العربيات المسروقة الا اضعاف الاضعاف ..
نفسى اعرف الناس اللى بيتبجحوا ويقولوا مصر بلد الامن والامان بيقولوا كده عشان ايه وبأمارة ايه !!!!!!!!!!
نفسى الاقى امارة اننا بلد امن وامان ..
عموماً ربنا يلطف بحالك يا مصر .
يارب استر .... مش ناقصه رعب
الحكايه بجد
طيب لو إنت لقيت نفسك في الموقف ده ..هتعمل إيه؟؟
بالنسبة ليا
أنا بايع الدنيا بإلي فيها ..ومعنديش أهم من كرامتي أخاف عليها
هعمل زي ما إنتوا ممكن تتخيلوا
أطلع بالعربية بسرعة ..وأجري بيها
وأقوله:" لو إنت راجل بقا ..موتني"
أو ممكن أشتبك معاه ..أصل أنا معتقدش إن السلاح هيكون حقيقي
أو هيكون فيه رصاص
أصل ده حرامي ..مش قاتل
والفرق كبير أوي
ومحدش هيقتل علشان يسرق عربية ..ممكن يسرقها بطرق أسهل كتير من القتل
والعمر مكتوب ..وأنا فعلا بايع الدنيا ومش باقي عليها
وأهي فرصة نادرة إن الواحد يموت شهيد
الكلام ده حصل فين؟
حد حصل لصاحبه او قريبه الكلام ده؟
ولا الموضوع سمع وخلاص
كنت عارف واحد في القاهره اتثبت وهو بيعدي مطب الناس طلعو عليه وفتحو الباب ونزلو فيه ضرب ولولا انه وهما بيشدوه سحب حديده من العربيه واتخانق معاهم وهما ضربوه بالمطاوي لحد ما جه ميكروباص وطلعو يجرو كان زمانهم قتلوه او اخدو العربيه
من ساعتها وانا بمشي مقلق وبقفل السنتر وبفتح حتة ازاز صغيره بالذات لما امشي في شارع فاضي
انا معايا حديدتين تقال في العربيه لو حد اتضرب بيهم هيموت يعني هيموت
بس بفكر اجيب اليكتريك اخليه في باب السواق لان الحديده دي صعب ادافع بيها عن نفسي وكمان ممكن تعمل جريمه
وربنا يستر على شيكاغو اللي احنا فيها ومنضطرش نرخص سلاح بعد كده !!
والله يادكتور عمرو أنا فقدت كرامتي مرة قبل كده ..وحلفت بعدها إني عمري ما أضيع كرامتي تاني ..ومهما كانت النتيجة
هقولك
أنا من حوالي 8 سنين ..أول مرة أشيل فيها محمول
إتثبت في موقف عبود ..وإتسرق مني التليفون والفلوس إلي في جيبي
كانت حوالي الساعة 12 بالليل
...
ماتتخيلش الإحساس بالقهر أد إيه
والحرامي إلي من النوع ده ..بيكون إعتماده الأول والأخير
إنك تكون خايف منه لدرجة إنك تديله إلي هوا عاوزه ..ولما يحس إنك خايف منه
ثقته في نفسه هتزيد أكتر وأكتر
إنما لو إنت ماخفتش منه ..ثقته في نفسه هتقل جدا
وممكن يرتبك كمان
وأنا مابقتش أخاف خلاص..الواحد عاش في حياته تجارب ومواقف
صدقني
نسيتني الخوف ده من زمان
طيب تصدق..مع إني والله مش بحب الخناق والمشاكل خالص
حصل موقف مع واحد كده .
روحت له بيته ضربته وسط أولاده إلي هما في سني
هوا صحيح طات راجل كبير ..بس كان يستاهل أكتر من كده
يعني
مش هييجي واحد إبن $%#$^^#% يرفع عليا سلاح ويقولي إنزل من عربيتك ..وأنزل وأسيبهاله كده عادي
يا سلام لو عندنا حاجة زي كده
JPX Jet Protector
يبقى صباح الخير يا جريمة :049:
[youtube]http://www.youtube.com/watch?v=5g7m6Fv9blk[/youtube]
عمااااااااااااااااار يا بلد
مش عارف والله من كتر الحوادث اللي بتحصل و الواحد بيمع عنها بفكر اشيل سلاح صوت ولا حاجه لحسن انا بسافر كتير بليل و في مناطق كتيره و ارياف و كده ربنا يستر
من مات دفاعا عن ماله فهو شهيد
الأعمار بيدى الله
أعمل اللى تمليه عليك نفسك وكن شجاعا أمام نفسك قبل أى شىء والا حتفقد أحترامك لنفسك ما حييت
و الله انا كل ما اقرأ حاجة زي كده بدعي لاخ فاضل جدا معانا في المنتدي و كنت اشتريت منه العصا الكهربائية او الصاعق و ده بصراحة وجوده في العربية مهم جدا جدا و بعدين حجمه صغير و في متناول اليد و مجرد سماع صوته و مشاهدة شرره بترعب العنتيل
بس يا جماعة دي حوادث فردية يعني الحمد لله ما وصلتش انها تبقي ظاهرة عامة واحنا احسن من غيرنا كتير في مسألة الامن و ربنا يستر
و برضه التعامل مع الناس دي لازم يبقي بحساب لان معظمهم بيبقي شارب او ضارب حاجة فقداه لوعيه فممكن يعمل اي حاجة فتخيل مثلا لو ضربك بمطوة في وشك و عاملك عاهة مستديمة
فالحقيقة الواحد كان الاول بيخاف ......دلوقتي بخاف اكتر
ياجماعة دة مصر دة ام الدنيا
مش صح ياعبلة ولااية
من نحية مفيش امن فمفيش امن خااالص
البلطجية فى كل مكان بيمرحوا عادى جدا وممكن تشوفة ماسك سيف او مطوة علنا عادى
بالنسبة لاسكندرية انك تشوف حد سكران او مسطول على البحر دة عادى وممكن شايل سلاح
ويسبتك على البحر مابالك بقى الشوارع الجانبية وجمب الكافتريات
انا من كام شهر سمعت صوت ضرب نار ورانا فى المندرة والناس ملمومة
اتارية حرامى طالع يسرق شقة باين ولا انبوبة وكان فاكرها فاضية وطلعلو واحد قام الحرامى ضربة بالنار واظاهر معوش غير طلقة واحدة والناس جريت وراة واتلمو علية وهوة يجريهم بالمسدس كانت مهزلة لحد مكتفوة دة بعد نص ساعة من الكر والفر
وطلبو النجدة جت طبعا بسرعة مهووولة وقالولو يحق لك الصمت ههههه
لا طبعا جت بعد ساعة وخدوة وهما قرفانين يخدوة يعنى احتمال يكونو سابوة على اول الشارع
وعمااار يا اسكندرية يا جميلة يا مارياااااا:majd(4):
مش عارف إية اللي فكرني بالموضوع دة انهاردة وانا مروح ، يمكن علشان ساعات بركب ناس من الطريق معايا بالليل فا افتكرت الموضوع دة وسرحت
وكنت بفكر زيك كدة بالظبط ، ربنا ما يكتب علي حد فينا يتحط في الموقف دة
وموضوع قفل السنتر دة مهم جدا وعدم الوقوف في حالة وجود أي قلق حتي لو كسرو الأزاز خصوصا علي الطرق الزراعية ، ومجرد الخوف نفسة ممكن يعمل مشكلة
والأفضل برضو ان تشيل حاجة للدفاع عن النفس خصوصا الأليكتريك ، العربية عندي مجهزة بشومة في الشنطة و منشاكو تحت الكرسي
مفيش احسن من الشوم:beatdeadhorse5:
هههههههههههههههه
ربنا يستر بجد
ربنا يستر البلد خلاص وقعت
يا جماعة انا اعتقادى الشخصى انها اشاعة مش حقيقة بالرغم من حدوث جريمة قتل من كام سنة فى جليم لابن احد زملائى فى العمل وكان طالب فى كلية الهندسة بسبب الموبايل
وربنا يسترها معانا جميعا
....................................
محمود عينو
بص يا سيد
زمان كدة من حوالي 11 او 12 سنة كان عندي ساعتها 17 سنة او 18 تقريباً
صحيت من النوم بالليل كدة قبل الفجر بشوية و كنت جعان موت
قولت انا انزل اصلي و اجيب اكل من الشارع احسن
المهم نزلت و انا ماشي في اول فيصل عند جامع حمد كدة لقيت شخص شكله مريب قاعد على عربية و بيندهلي
يا كابتن خد اقولك
انا حلقتله اول مرة
راح مككرها تاني
قولته خير يا برنس ( بنفس الاسلوب بتاعه كدة )
قالي عايزك
قولته خير
قالي قرب طيب
ماشي يا نجم اديني قربت
قالي عايز اقولك على حاجة
قولتله قول
قالي انا لسة خارج من الحبس دلوقتي و مش معايا فلوس
قولتله و انا اعمل ايه يعني
قالي بقولك خارج من الحبس و مستعد ادخله تاني علشان خدت عليه و بيتكلم بطريقة اللمبي كدة
طيب يا سيدي انا ايه المطلوب مني
قالي عايز 10 جنيه
قولتله لا و الله ما تلاقيش
راح حاطط ايده على كتفي و عايزني امش معاه في شارع جانبي كدة ( الي هو بين المساكن و فيصل )
قولته انت رايح فين
قالي هنتكلم بس شوية جوة
قولتله هو الباشا مش راجل و واخد على الحبس ما تتكلم هنا و لا النجم مش بيعرف يتكلم غير في الشوراع الجانبية
انا يا معلم ممكن اتكلم معاك في اي حتة هنا او جوة
و حط ايده على الاستك بتاع البنطلون بتاعه و طلع منه ايد سيف او سنجة هي حاجة حديد ( بيهددني يعني )
المهم انا و لا اتحركت و قولتله ما تكمل و لا خايف تطلعه هنا
قولته اخر الكلام الفلوس معايا بس مش هديهالك
عايز بقى تتخانق عايزنا نموت بعض هنا او في شارع جانبي يلا بينا و فارس لفارس
المهم لقيته ابتدى يجر حنين معايا
هو الكابتن منين
قولتله من هنا
و كانــــــــــــــــــــــ ــــت الصدمة لما جه يعرفني بنفسه
قالي انا اخوك ( اشرف عنتر ) الي ساكن ناحية مرور فيصل اكيد سمع الاسم ده ( مسجل خطر سمعته زي الطبل البلدي )
انا قولت في سري يا نهار ازرق اشرف عنتر انا عملت كدة مع اشرف عنتر و لقيت ركبي ابتدت تخبط في بعض بعد ما عرفني على نفسه بس مسكت نفسي و كملت معاه عادي و حسسته اني مش منبهر لما عرفت انه اشرف عنتر
المهم اتعرفنا على بعض و عرفني على مجرمين المنطقة و بقينا نسلم على بعض في الرايحة و الجاية لحد ما اختفوا مرة واحدة من المنطقة
تعرفوا لو كان قالي من الاول انه اشرف عنتر و عايز 10 جنيه
انا كنت ممكن اديله كل الي في جيبي بس يخليني امشي
على فكرة كل الي حصل ده مش اسلوبي اصلاً و لا طريقة كلامي
بس سبحان الله أيه الي خلاني اتصرف كدة و اتكلم كدة
اكيد في حكمة من الي حصل ده
و فعلاً أقتنعت ان الحرامي الي عايز يقلبك بيبقى خايف منك أساساً و شغلتله كلها على الدخله بتاعته لو اتهزيت شكراً
لو كملت معاه بنسبة 99% هيحاول يفك منك بأي طريقة
اعتقد ان اللى بيحصل ده ليه علاقه بالحمله القويه المستمره حاليا ضد تجاره الحشيش فى الاسكندريه
لو حصل معايا هقف علي البنزين
واحد قريب مراتي حصل معاه موقف مشابه وكان بالليل
كل اللي عمله قام دايس بنزين علي الأخر ومسك دراع صاحبنا اللي عايز يسبته وفضل يجرجر فيه علي الطريق وبعدين سابه والواد مات
ههههههههههههههههههههههههه ههههههههههههههههههههههه
اهلا يا ابو اسر
انا فاكر اسم اشرف عنتر ده
ايييييييييييييييييييييييي يييييييييييييه
والله المنطقة كان فيها زمان شوية صيع ما يعلم بيهم الا ربنا وفعلا اختفوا افجاة
بس بردو مهما كان الصيع دول مش هاييجوا جنب بتوع الميكروباس والتكاتك
مش عارف ليه كل ما نخلص من حاجة سيئة يطلع لنا الاسوا منها علشان يخلينا نترحم على ايام اللى قبلها ونقول يا ريتها كانت دامت
عندك مثلا الميكروباسات كلنا قرفانين منها وكنا بنقول لو نخلص منهم باي طريقة مش مهم ازاي المهم نخلص منهم
قوم ايه
ربنا رزقنا بالتكاتك اللى عاملة زي الصراصير وكل اللى سايقينها عيال وصيع وشمامين
وبقينا نترحم على ايام الميكروباس
الله يكرمك يا ابو اسر
منطقة واحدة ومشاكل واحدة وقرف واحد
ربنا يعيننا على ما بلانا
كنت بسمع عن اسمه واسماء تانية كتير اللى كانوا بيعسكروا عند المشابك وزمان عند شجرة خميس
اييييييييييييييييييه دنيا