احنا ماشيين بنظام الحسنه تخص و السيئه تعم ...
نسبه كبيره من الرجاله بتسوق حلو (انا رايى مختلف تماما و هقوله فى الاخر) فبنقول كل الرجاله بتسوق حلو الا نسبه قليله اووووووى
و عشان معظم البنات بتسوق وحش بنقول كل البنات بتسوق وحش و بنعتبرهم "الغام" ماشيه لو قربنا منهم هتفرقع فى وشنا ....
نيجى بقى لرأيى انا ....
انا رأيى ان نسبه 97 % من المصريين رجاله و ستات و عيال و كبار و شباب و كلللللللله
مش بيعرفو يسوقو و معندهمش مبادئ السواقه اساسا ...
على راسهم سواقين النقل و الاوتويسات و الميكروباصات ...
انا مره داخل ملف فى طريق رايح جاى ..
لقيت واحد قاطع الطريق بالعرض ..
كان هيموتنى بجد عشان افاديه ..
قسما بالله انا عملت "دريفت" عشان اعديه ..
من خنقتنى لفيت و رجعت و نزلتله بقوله انت هتموتنى عشان تعدى بالعرض ؟؟
قالى ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟
هو انا هشوفك ازاى فى ملف ؟
فضلت انى امشى طبعا بدل ما اموت بسكته قلبيه دماغيه سواقيه ...
فكل الى عايز اقوله ..
غالبيه الى ماشيين مش بيعرفو يسوقو ..
ده يرمى عليك
و ده لازق فيك و بيزمر
و ده واخد الطريق كلللللله من التراب فى اليمين ..
و ده ماشى على الاول بقاله 3 ساعات ..
و ده بيجيب سى دى من الكنبه الى ورا و مش شايف ...
و دى بتتكلم فى الموبيل و مش مركزه
و ده نايم و هو سايق
و ده بيرخم على بنوته ماشيه فى حالها
و دى بتثبت للناس انها بنت مايكل شوماخر ...
و انا بقى تلاقينى ماشى فى وسط الناس دى برنس ههههههههههههههههههههههههه ههههههههه طبعا بهزر...