المشاركة الأصلية كتبت بواسطة dolly13
انا مقتنعة اه
ولسبب بسيط
حضرتك قوللى تعرضت لكام مشكلة بسبب واحدة ست
وكام مشكلة بسبب راجل؟
هاقول لحضرتك مثال ., مثلا لو انا قدامي الطريق فيه 100 عربية , 90 منهم رجالة و 10 ستات , ال90 بيعك جدا منهم مثلا 40 و ال50 الفاضلين ماشيين في حالهم
و ال10 ستات بيعك منهم 8
ممكن اقول لك حاجة اسهل , انا باعدي جنب عربيات سايقها كام راجل , و من كل كام عربية فيهم عربية بتعك بشدة ؟
نقول من كل 10 رجالة مثلا فيه 3 بيعكوا بشدة
في المقابل من كل 10 ستات فيه 7 بيعكوا بشدة
و ده مش هجوم على الستات , بس اللي الواحد شافه كده
بيشوف العربية من دول ماشية بيقول للي جنبه دي سايقاها ست , و بيطلع كلامه صح
هل ده يعيب الست اللي بتسوق كويس ؟
لأ , و هي مالها ؟
هل ده يعيب الست اللي سواقتها على قدها بس بتمشي على يمين الطريق و بتحاول تبقى واخدة بالها من مراياتها قبل ما تكسر يمين ولا شمال ؟
برده لأ
على العكس , كل واحدة في دول مميزة انها واحدة من نسبة قليلة جدا من الستات بتسوق كويس
انما اللي ماشية من غير فرامل و تعمل حادثة تقول للي خبطته اعمل لك ايه مامعاييش فرامل , دي اكيد مدانة زيها زي الراجل اللي بيعمل كده
الفكرة و مافيها ان نسبة الفئة دي في الستات اكتر
زي بالظبط لما يكون واحد و واحدة واقفين هايعدوا الشارع و انا ماشي بعربيتي , هو يقف يستنى لما انا اعدي , و هي تعدي و شايفاني كويس و في دماغها انها هاتوقفني بالعافية
( ده موقف حصل معايا اكتر من مرة على فكرة )
فيه رجالة بتعمل كده برده , لكن الستات اكتر , نسبة الستات اللي واخدينها بلطجة اكبر
لكن ده ما يدينش الست اللي مش بتعمل كده
فالموضوع احصائي بحت , يا ريت الكل يسوق كويس رجالة و ستات
ماحدش يكره
هاتلاقى الموضوع انه زيطة وخلاص وكل اللى عنده بقين بييجى يقولهم صم
بيجامل يعنى
لكن ياريت كل اللى اشتركوا يقولوا نسبة المشاكل اللى اتعرضوا لها بسبب ستات وبسبب رجال
بما فيهم اللى كتب الموضوع نفسه :fdsa:
يا فندم مع احترامي معنى كلامك ان كل واحد فينا غير صادق في اللي بيقوله و كداب و خلاص
و في الحالة دي يبقى النقاش نفسه مش منطقي , حضرتك شايفة تجني في حكم اللي بيقولوا كده
ممكن تكوني صح و ممكن تكوني غلط
لكن بحسبة بسيطة , على فرض ان الكلام صحيح و ان الستات فعلا سواقتهم وحشة و اثبتنا كده , هانستفيد ايه ؟
ولا حاجة
اكيد ماحدش هايقول نمنع الستات نسوق , انا عن نفسي شايف ان ده غلط
ولا حد هايقول ده لأن الستات مش بيعرفوا يعملوا حاجة , لأن فيه حاجات الستات بتعملها و هي ولا في دماغها و انا ما اعرفش اعملها , لكن مش منها السواقة , علما ان فيه ستات سواقتها عالية جدا
على فكرة اغلب الستات و البنات اللي اعرفهم و مش بيسوقوا , بيقولوا ان الستات سواقتهم وحشة
:)