سؤال بخصوص كاسيت السيراتو

**dr_romio25** · 23-03-2010 04:58 PM

سلام عليكم

انا لما بشغل الفلاشة في فتحة اليو اس بي كانت شغالة كويس بس بعد فترة بقت تيجي في النص كدة وتقعد تمشي الاغاني ورا بعضها كدة(تكورها على الشاشة يعني) وبعدين يقولي empty USB ولما اجي اشيلها واحطها تاني بقى يقولي reading error
لازم بعد كدة اشغلها على الكومبيوتر وافرمتها واحط الاغاني من تاني والموضوع ده اتكرر معايا 4 مرات لحد دلوقتي
انا بس عاوز اعرف ده عيب فلاشة ولا عشان انا بنزل بقسم الفلاشة لفلادر كتير ولا عشان الفلاشة كبيرة (8 جيجا) ولا كدة في حاجة في اليو اس بي؟
ارجو الافادة.........وشكرا

**ghazy12** · 23-03-2010 05:12 PM

جرب فلاشه تانيه جديده, و شوف اللي هيحصل... بس قوللي الأول انت مركب زينون او خلافه في العربيه؟؟

**dr_romio25** · 23-03-2010 05:29 PM

شكرا ياباشمهندسي غازي

لا مش مركب فيها ولا زينون ولا اي حاجة

**ghazy12** · 23-03-2010 05:35 PM

المشاركة الأصلية كتبت بواسطة dr_romio25

شكرا ياباشمهندسي غازي

لا مش مركب فيها ولا زينون ولا اي حاجة

يبقى غير الفلاشه يا فندم, و جرب...

و احب اقولك ان مافيش اي مشكله ان الفولدرز تبقى كتير, و مافيش مشكله من فلاشه 8 جيجا

جرب و قوللي ايه الأخبار يا باشا...

**dr_romio25** · 23-03-2010 05:37 PM

تقريبا كدة الفلاشة دي اتحرقت

لانها ولا عاوزة تتفتح على الجهاز ولا عاوزة تتفرمت حتى

انا هبقى هبقى اجرب فلاشة تاني ان شاء الله...وشكرا على الاهتمام والرد

**fahmy** · 23-03-2010 06:03 PM

هتلاك فلاشة نوعها كويس وحاول متشلهاش من الكاسيت كتير

**facereality3** · 23-03-2010 07:16 PM

the same problem happens to me weekly...its a problem in the cassette not the flash memory

**morasystem** · 23-03-2010 08:24 PM

شيل الفلاشة و حطها تانى بعد نص دقيقة ... لو مشتغلتش اطفى الكونتاك و دور العربية تانى .... نصائح لتفادى الموضوع ده

1- بلاش تحط أغانى من نوع WMA رغم إن العربية ممكن تشغل النوع ده من الأغانى

2- ياريت لو الفلاشة ميكونش عليها حاجة تانية غير الأغانى ال MP3

3- يا ريت لو كل الملفات و الفولدرات تكون متسمية بالإنجليزى مش بالعربى

4- بلاش فلاشة كبيرة أوى كفاية 4 جيجا أو 8 جيجا بالكتير

5- استعمل نوع فلاشة حلو زى سان ديسك مثلا

6- لو مركب زينون يبقى لازم تركب على كل لمبة حاجة تقريبا اسمها مكثف مش غالية على فكرة

7- قسم الفولدرات على اسم المطرب و جوة كل فولدر أغانى هذا المطرب أو القرأن مثلا ... بحيث لما تييجى تقلب بين الفولدرات تستخدم زرار فى الكاسيت مكتوب عليه Folder و على يمنه سهم لفوق و على شماله سهم لتحت للتسهيل و علشان زرار المالتى فنكشن اللى فى الدركسيون ميعلقش لما تقعد تقلب كتيير كتيير كتيير

8- لو المشكلة دى ليها علاقة بكلاكس العربية يبقى لازم تروح التوكيل تعمللهم كارثة فورا ... و هم هيهتموا بالموضوع ههههههههه

**madoo_600** · 23-03-2010 08:34 PM

طيب سؤال للخبراء كاسيت ال lx هل هو 2rca ولا 1rca يعني ينفع اركب عليه جي ام وصب ولا لا

**Beeso** · 24-03-2010 02:44 PM

المشاركة الأصلية كتبت بواسطة madoo_600

طيب سؤال للخبراء كاسيت ال lx هل هو 2rca ولا 1rca يعني ينفع اركب عليه جي ام وصب ولا لا

أنا سألت السؤال ده عامةً قبل كده في كاسيت ال SX بس مجليش رد بس أنا كنت قريت على forum تاني إن كل اللي مركبين جم وكده عاملين لعب في السلوك ووموصلين بعد الكاسيت مش direct ويريت لو حد يعرف يفيدنا

موضوع الUSB ده على فاكرة حصل معايا بس مرة واحد من حوالي أسبوعين واللي folder empty بس من ساعتها معملش أي حاجة لما شلتها وحتتتها تاني

الموضوع: سؤال بخصوص كاسيت السيراتو

LinkBack

أدوات الموضوع

عرض

-

-

-

-

المواضيع المتشابهه

سؤال ضرورى بخصوص كاسيت السيراتو

سؤال عن كاسيت الdvd الصيني اللي بينزل في السيراتو الخليجي!

سؤال عن كاسيت الdvd الصيني اللي بينزل في السيراتو الخليجي!

سؤال بخصوص السيراتو الكوبيه sx

سؤال بخصوص السيراتو

الكلمات الدلالية لهذا الموضوع

المفضلات

المفضلات

ضوابط المشاركة