بصراحة عندك حق :fdsa:
عرض للطباعة
والله يا احمد انا بضرب نفسى بالجزمه انى مااشتريتش يوم ماكانت قدامى فى فيات اللى فى الزقازيق كانت نبيتى و ب 108 الكلام ده كان فى شهر 11 قولت استنى بقى 2010 فاكرهم محترمين اتاريهم ولاد 60 ... طب دلوقتى مفيش يعنى حجز؟؟؟ ومعرض اوتوماك ده هيبداء امتى لانه لو فى اخر شهر 6 يبقى مش هينزلوها الا بعد المعرض مايخلص
مش عارف حاسس ان اصلا موديلات 2010 عندهم فى المخازن من ساعه ماجتلهم من ايطاليا وهما مخبينها علشان يعطشوا السوق لما لاقوا اقبال عليها علشان لما ينزلوها تنزل بسعر عالى
ياخوفى يرجعوها للسعر القديم وساعاتها ابقى اخدت دور البطوله فى فيلم سليمان الحلبى وساعاتها هاشترى سيراتو زى الكلب ولا هاقدر انطق
معلش حصل خير (متعرفش كان ممكن يحصل إيه) ولو هينزلوها يبقى هتنزل في المعرض مش بعده
معتقدش لإن السبب الي بيقولوا إنهم أخروا العربيه بسببه إن مش عايزينها تنزل بالسعر القديم ولو قفلت خليج في الفلوينس أو السيات لكن بلاش السيراتو (شكلي هضرب) بس حصل كذا موقف إتحكولي من ناس معاهم العربيات خلى قلبي ينقبض منها
(شكلي هضرب)
loooooooooooooooooool
انا شوفت الفلونس وحش بس تابلوه عادى عامل زى تابلوه عربيه قديمه ده غير قطع الغيار النااااااااااااااااار
يابنى انا خلاص مش متقبل اى عربيه الا لينيا ولو مفيش لينيا يبقى مازدا 3 مع انى معرفش اسعارها وانا قولتلك قبل كده انا مش عايز اعدى 120000
مازدا هتعدي ال١٢٠ ألف مستريح وبتفكرني بواحد صاحبي مبيخرجش معايا غير لما يقلب مفتاح العربيه مني وناوي يبيع عربيته لانوس عامل بيها ١٠٠ الف كم في سنتين وبيقولي لو هبيع هدومي أول عربيه هركبها بعد كده اللينيا الفئة التانيه أو التالته
ما اصل العربيات دى يا يوكو زى الستات لو وقعت فى حب واحده ان شاء العالم كله شايفها وحشه خلاص دماغك بتقفل
بتهيقلى مفيش حجز الا لما تنزل مش كده
ﻷ مفيش حجز إلا لما توصل لكن ممكن أول ما تطلع على المركبب نحاول نظبط اللون بحيث ميتبعش والواحد يستنى تاني
ولو عرفت أنا أخدت قرار شراء اللينيا بعد ما ركبتها أول مره جوه المعرض كان صاحبي ده معايا قلتله أنا بكره هسحب الفلوس وأنزل أحجزها وفعلا في يومين كنت دفعت المقدم وحجزت اللون
الله كريم لو عرفت ان الحجز اتفتح قولى
وهو معرض اوتوماك ده هيفتح امتى بالضبط .... والنبى ما تقولى فى اخر 6