واحنا معاك يا يوكو
عرض للطباعة
السلام عليكم
هى مش الاعلانات لوحدها هى اللى ها تخلى الناس تغير وجهة نظرها تجاه ماركة معينة او ها تزود سعر اعادة البيع والا كان فيه ماركات بيتم تسويقها كويس ومن توكيلات قوية (بمفهموم الانتشار والدعاية الجيدة) لكن بعض سياراتها تفتقد لسعر اعادة البيع الجيد مقارنة بباقى السيارات ومثال على ذلك، الرينو من توكيل نصير، العربية ممتازة وكل مالكيها بيشكروا فيها لكن سعر اعادة البيع فى النازل خالص، ومثال اخر، الاوبل من منصور، ورغم ان فى مثال الرينو مع نفس التوكيل كيا وما شاء الله عليها فى السوق المصرى وفى مثال الاوبل فيها الشيفى وبرودو ما شاء الله عليها فى المبيعات واعادة البيع. يعنى الموضوع مش ضعف توكيل او قلة الاعلانات.
المشكلة هى ثقافة شعب يتوارثوها جيلا بعد جيل ان افضل السيارات هى اليابانى ثم الكورى، وبعد ذلك باقى السيارات وحشة ومشاكلها كتير وبتعطل وووووو.
الاهم ان الشعب نفسه يغير من طريقة تفكيره وانا مش بتكلم عن شوية مهتمين بماركة معينة وبيثقوا فيها، لأ انا بتكلم على الاغلبية العظمى من الشعب اللى لحد دلوقتى لما تجيبله سيرة فيات يقولى فيات ايه وانا يبقى اسمى راكب فيات!!!!!! والرينو اللى يقولك الكارت ب 30 الف وعربية بتهنج ومش عارف ايه، والاوبل اللى يقولك دى عربية مش حلوة واقل الالمانى وبتسخن وبلاش منها.
اللى اقصده ان التوكيل بجانب الحملة الدعائية لازم ناس زى يوكو يحاولوا يغيروا من طريقة تفكير الناس ومش ييأسوا حتى مع ضعف التوكيل، لكن مش نستسلم ونقول كفاية فيات لحد التوكيل ما يتعدل، لا احنا نسوق ونغير مفهمو الناس ونشرح لهم يعنى ايه فيات وقد ايه هى عربيات ممتازة، يا حضرات دى مسئولية كل فرد مننا بيحب ماركة معينة محترمة ومظلومة فى السوق المصرى انه يسوق ليها ويدافع عنها حتى مع غياب دعم التوكيل، وكده مع الوقت نرجع تانى مفهموم العربيات الجميلة الجيدة وليست اشباه العربيات الموجودة حاليا على قمة سوق السيارات المصرى.
النهاردة يا جماعة و انا بتصفح فيات تركيا لقيت حجات غريبة جدا :
اولا اللينيا الاتوماتيك الموجودة بس ( ديزيل 90 حصان 1.3)
ثانيا البرافو الهاي لين بعد تغيير العملات بنفس السعر في مصر 15300
ثالثا البرافو الفئة القبل الهاي لين ب 148000 ياعني 10000 اغلى من اللي في مصر
انا بس حبيت انقل الكلام دة علشان منظلمش التوكيل في الاسعار لان الاسعار غالية في اكثر الدول و انا جبت تركيا كمثال ( طبعا منكرش التسويق سيئ جدا )
و كمان اللينيا الاوتوماتك الي قالو هتنزل 110 تربو مش لقيها اصلا و دة في تركيا البلد المصنعة لها
ارجو ان اكون افدتكم
جزاك الله خيرا على متابعتك
الاسعار غالية عشان سوق السيارات فى ايطاليا اتحسن كتير ومبيعات فيات هناك زادت فا بالتالى سعر السيارات زاد لأنهم كانوا نزلوا الاسعار لمواجهة الازمة العالمية.
اللينيا التربو الاوتو ال110 حصان اللى قولت عليها قبل كده دى ها تنزل فى الهند وبعدين اخر السنة مصنع فيات فى تركيا ها ينزلها، وسبب ان التوكيل هنا مش بيجيبها من الهند عشان هناك الدركسيون يمين.
اتمنى اكون افادتك
اهيء اهيء اهيء
والله انا حاسس بالاخ اللي عايز يشتري
انا كنت زيك كده من اربع شهور وكنت نويت علي اللينيا
وكانت الصدمه اللي تلقيتها من يوكو
ان مافيهاش اوتوماتيك
حسبي الله ونعم الوكيل ازاي يعني ماينزلش فيها اوتوماتيك
توكيل ده تييييييييييييييت وابن تيييييييييييييييييييييييي ييييت
بس انا استسلمت وروحت جبت بوما ب ال 120 الف وحمدت ربنا
انا مايتفعش اركب مانيوال تاني انا حاسس ان شمالي باظت من الدبرياش
ربنا معاك
ازااااااااااااااااااااااا اااااااااااااي
ياجماعة دي كده البرافو غليت 10000 جنية ده حراااام جدا
وبعدين ليه هو في إضافات جديدة ولا فيس ليفت حتى
ده تهريج رسمي
ازاي
+11111111111
اللى ما ركبش أوروبى ما ركبش عربيات ركب موتسيكلات فى صورة عربيات :POINTI~2[2]:
السوق المصرى للسيارات سوق كفته بالصلصة شوفوا الناس بشترى موتيسيكلات يابانى بأربع عجلات بأغلى من ماركات اوروبى وموتيسيكلات كورى بأربع عجلات بسعر قريب من الأوروبى . واللهى العظيم انا مش عارف الناس اللى بتشترى العربيات ديه بتفكر إزاى!!!!!!!!!!!:I_angr1[1]:
وحسبى الله ونعم الوكيل فى اللى بوظ عقول الناس فى البلد ديه
:11:
فى ايجاز تام لانى عملت مشاركة كبيرة بس الجهاز هنج
1- اللنيا موجودة دلوقتى لان فى جروب على الفيس كان بيتكلم عن بورصة السيارات بيقول انها مش هتنزل غير بعد سنة
2- يوكو العزيز بيقول انها هتنزل شهر 6 هتبقى موديل كام
3- ولو هتبقى 2010 هل 2011 هيبقى شكلها مختلف
4- بكام