الموضوع: الأسعار الرسميه والأخيره لفيات

يوكو انا اتوقفت اسبوع مش عارف ليه واضطرت انى اعمل اكونت تانى بس بجد انا مش عارف اتوقفت اسبوع ليه

المشاركة الأصلية كتبت بواسطة yoko

ولا يهمك يا باشا المازدا ٣ حلوة بس زي ما غبور هيخليها تنتشر ممكن يحصل مشاكل زي هيونداي وهي عربيه تحفة بس كل المطبات تاخدها بجنبك والله هو ده بس اللى مخلينى متردد وكمان بينى وبينك السعر الجديد للمازدا حرام بس برده موتور اللينيا أقوى انت متاكد من الكلام ده المازدا برده 1600 بس 107 ح
أما بخصوص السعوديه لو فتحت في الكلام هولع في كل توكيلات مصر واحد واحد
موديل السنه كان بينزل شهر ٩ الي قبله والله كنت هقول الكلام ده خفت للناس يقولك مش لدرجه
الصيانه ال٥ وال١٥ وكده ببلاش بتدفع تمن الزيت والفلتر بس وبيدوك معطر جليد ببلاش وكمان بتخلص في أقل من ساعة
وصيانه ال١٠ بتدفع مصنعيه في حدود ال٦٠ ريال وبرده معطر ببلاش وبتاخد ساعة ونص ولو إتأخروا بعدها دقيقة مبتدفعش ولا مليم
وطبعا الصيانه قدام عينك وإنت قاعد على الكرسي بتاع الماساج ولو مجبتش اللاب ممكن تعد على الديسكتوب الي موجود والتقييم على تاتش سكرين
أي حاجة في الضمان بتتعمل وبدون نقاش كفايه انك بتتعامل باحترام والله ده كفايه
ده غير إني رحتلهم وأنا بعمل الصيانه مرة وكانت شبكة العربيه مكسوره كسر بسيط وسألت على سعرها لقيتها رقم فلكي فقلت بلاها وأنا بستلم العربيه بعد الصيانة لقيت شبكه جديدة وتمنها مش في الفاتورة قلتلهم إيه الي حصل قالولي كان فيه واحده توتال لوس وشبكتها سليمه فركبنهالك بدل شبكتك قلتلهم طب هدفع حاجة قالولي مع السلامه!!!!
وبالتالي لو فكرت أبيع الكورولا الي هناك أكيد هجيب كورولا تاني

ده حطى الموبيلات وديت الموبيل عشان زرار بيعلق وخلتهم ينظفوا الشاشه وكام حاجة كده زياده ملهاش دعوه بالضمان كانت هتكلف حوالي ٢٠٠ ريال وأنا بستلم الموبيل قالولي أول مره تعمل حاجة وكمان بعد سنه وكلها حجات بسيطة فدي هديه مننا إنك بتحترم الموبيلات السوني(على فكره انتنا زيك معايا سونى واصحابى كلهم مش مقتنعين يظهر البلد ده مينفعش غير تمسك نوكيا وتسوق اليابانى) كده ومردوش يخدوا مليم حتى بعد ما قلتلهم لازم أدفع بدام بره الضمان وأنا الي طالبها

بلاش تفكرني عشان مطنقتش (مش لاقي توكيل عدل في مصر) حتى توكيل سوني إركسون (أكسيوم) في السعوديه محترمين هنا ........... بلاش أتكلم

بس والله لازم نشوف حل فى اوماترا دنا كول ما اشوف اخبا السيارات بولع

المشاركة الأصلية كتبت بواسطة gemino

المازدا 2010 سعرها يبدا من 149 الف و اهم فرق بينها و بين اللينيا هو الفتيس الاوتوماتيك
فرق السعر جامد :b4_556:
و عموما ربنا يوفقكم للى فيه الخير

والله حرام السعر ده بس السعر ده اكييد ؟ولا كلام يعنى فى حد اشتراها بنفس السعر ده؟
اصلى كنا بنسمع بالارقام دى وواحد صاحبى جاب السنه اللى فاتت موديل 2009كامله ب133000

المشاركة الأصلية كتبت بواسطة yoko

عشان الشتيمه وممنوع تعمل يوسر تاني لإن ده ممكن يتسبب في وقف نهائي

ايه ده انا مكنتش اعرف خلاص يبقى نستحمل بقى الاسبوع وهاقفل انا اليوزر ده

في الحقيقة أنا لا أهاجم يوكو وأقدر مجهوداته. وهذا ليس للمجاملة، ولكننا انتظرنا كثيرا أن يقوم هذا التوكيل بأهم خطوة تجاه محبي فيات، وهي الدعاية التي تعود على محبي فيات في صورة ارتفاع سعر إعادة البيع. وهذا نوع من التأمين المادي للمستهلك المصري الذي يشتري سيارة مثل لينيا بالغلى والكوى بالنظر لضعف القيمة الشرائية للجنيه وضعف المرتبات في نفس الوقت فيضطر المستلك للتفكير عشرين مرة قبل أن يقرر نوع السيارة التي سيشتريها.

المشكلة الآن أن الناس في واد والتوكيل واد آخر تماما.

ونايل موتورز - وأحمد يوكو خاصة- خدم فيات أكبر خدمة من حيث الدعاية ولكن غالب الناس تنتظر لترى الدعاية في محلق الأهرام وملحق الأخبار وفي التلفزيون، لا على منتديات النت.

فضلاً عن سياسة تحريك الأسعار بشكل مستمر لا يقول بها حمار مبيعات أو تسويق لأنها ترفع الثقة تماماً بالتوكيل.

في الحقيقة ينبغي لنا نحن المهتمين بجديد الشركة الإيطالية العريقة أن ننساها ونهجر منتدى فيات ونكبر عليه أربعاً حتى يتغير الحال.