الموضوع: الكولت الجديدة كويسة ولا لأ هو ماحدش عندة كولت خالص

الياريس الهاتشباك بكام و كام cc؟ و تقصد سوزوكيsx4 هاتشباك ولا إية؟

السعر 90 في توكيل مصرية ولا فين و علي موديل 2007 ولا 2008 ؟ و هي هولندي ولا إتحاد أوروبي يعني ياباني تجميع هولندي ولا تصنيع هولندي و قطع الغيار هتبقي ياباني و لا إية و متوفرة ولا لاأ نظرا لعدم الإنتشار ؟ أسفة علي الأسئلة الكتير بس دول 90 ألف مش أي حاجة و دي عربية العمر إذا كان ليا عمر فلازم أتأكد من كل حاجة كويس و شكرا .

انا لحد اخر لحظه كنت هشتري الكولت و بعدين اشتريت سيريون

الاسباب مش عشان الكولت وحشه بالعكس دي عربيه اكتر من ممتازه و انا سقتها كمان

المشكله ان زي ما البشمهندس مصراوي جدا قال
ان التوكيل جاب قطع الغيار مع أول دفعة من العربية و اعتقد انه مش هيجيب تاني لأن ماتباعش منها اكتر من 10 عربيات في مصر كلها من ساعة ما نزلت من 6 شهور تقريبا. يعني قطه الغيار دي لو ماتباعتش هتبوظ من التخزين او لو اتباعت بعد فتره مش هاتيجي تاني الا بالطلب.
العربيه مش وحشه خالص بس اعتقد ماتباعتش عشان شكلها و عشان غاليه (كانت ب 119 اول ما نزلت مصر) وحتي بعد العروض لحد ما توصل 95 او 90 الف هي شكلها مش حلو و التابلوه بتاعها فقير جدا بعكس تابلوه السيريون اللي من وجهة نظري جامد جدا.
الحق يقال ان تقفيل اوروبي ده ميزه مش عيب.

اعتقد موتور السيريون ال 1500 هيبقي منافس قوي جدا لأن ال سيريون 1300 موتورها بيطلع 96 حصان صافي معني كده ان ال 1500 ممكن يطلع 109 حصان زي الكولت.

نصيحه ماتشتريش عربيه مافيش غير اتنين تلاته في مصر راكبينها و لو السيريون اوتوماتي 1500 عاجباك توكل علي الله و اشتريها و مش هتندم.

يا جماعة شكرا علي إهتمامكم بس أنا محتارة فعلا ربنا يوفقني للى فية الخير إن شاء الله ، و هأعمل إستخارة تاني بإذن الله و ربنا يسهل شكرا علي آرائكم و لو سمحتم أي حد يعرف حاجة تاني يقولي و ما تبخلوش عليا بالمعلومات و شكرا .