الموضوع: ال rpm في السلانسيه مش مظبوط والعربية مبرجلة...

السلام عليكم ورحمة الله وبركاته

أنا آسف جدا لطول غيابي بسبب انقطاع النت وشوية مشاكل أخرى.
وطبعا علشان نراجع المشكلة مع بعضنا أنا كان عندي مشكلتين في السلانسيه:
الأولى: وهي نزول ال rpm فجأة مرة كل عشر ثواني تقريبا ورجوعه للسرعة الطبيعية في الحال (حاجة زي نتشة).
الثانية: وهي مع النور العالي والمروحة العربية بترجرج (سرعة ال rpm بتنزل)

التغييرات التي تمت:
1. ظبطت الكاربيراتير عند ميكانيكي كويس والنتشة اللي في السلانسيه راحت ، وبالتالي أصبح سرعة الموتور (rpm) في السلانسيه منتظمة.
2. تم تغيير الثرموستات والحمدلله حلت بعض المشاكل (كاستهلاك البنزين ، السحب ، رائحة بنزين نئ أحيانا) ولكن لم تحل مشكلة انخفاض سرعة السلانسيه مع النور والمروحة وبالتالي بيخللي العربية بترجرج.
3. رحت لكهربائي (محترم) علشان يشوفلي المشكلة دي. قال لي ده دليل إن الدينامو كويس ، وذكر سبب أنا مافهمتهوش (تقريبا قال لأن الدينامو بيوزع الكهرباء صح في السلانسيه ، أو حاجة زي كده مش فاكر).
4. ظبطت الكاربيراتير والاسبراتير بالكهرباء في بنزينة وطلع ان الميكانيكي كان موطي الكهرباء قوي (المفروض عندي سرعة السلانسيه 850 rpm والميكانيكي كان عاملها 600 تقريبا). فلما ظبطتها العربية بالكمبيوتر ، العربية مابقتش ترجرج بس ال rpm بتاع السلانسيه بيوطى.

بالنسبة لكلام الكهربائي ، ايه تعليق حضرتك عليه؟ وهل حضرتك بيحصل معاك نفس الكلام في العربية؟ (ال rpm بيوطى في السلانسيه مع النور العالي والمروحة)

المشاركة الأصلية كتبت بواسطة samirayad

لا يحدث معى هذا الوضع

إزاي حضرتك ياباشمهندس؟ كيف حالك؟
أتمنى تكون بخير وعافية

إذا فالدينامو هنا هو اللي في المشكلة... على العموم هغيره قريب إن شاء الله وأقول لحضرتك برضه.

المشاركة الأصلية كتبت بواسطة thedeveloper87

2. تم تغيير الثرموستات والحمد لله حلت بعض المشاكل (كاستهلاك البنزين ، السحب ، رائحة بنزين نئ أحيانا)

أيه الثرموستات اللي أتغير ده ؟ بتاع المروحة ولا أيه ؟

المشاركة الأصلية كتبت بواسطة thedeveloper87

ظبطت الكاربيراتير والاسبراتير بالكهرباء في بنزينة وطلع ان الميكانيكي كان موطي الكهرباء قوي (المفروض عندي سرعة السلانسيه 850 rpm والميكانيكي كان عاملها 600 تقريبا). فلما ظبطتها العربية بالكمبيوتر ، العربية مابقتش ترجرج بس ال rpm بتاع السلانسيه بيوطى.

)

حمدلله على سلامتك والف مبروك لحلك جزء من مشكلتك ويارب تكمل بعد تغييرك للدينامو

بس ازاي ضبطت الكاربيراتير والاسبراتير بالكهرباء ممكن توضحلي اكتر وجزاك الله خير

المشاركة الأصلية كتبت بواسطة eng_ahmedryad

أيه الثرموستات اللي أتغير ده ؟ بتاع المروحة ولا أيه ؟

ثرموستات المروحة. أنا غيرته علشان كان بيفتح بدري وبيخلي المروحة شغال علطول تقريبا.

المشاركة الأصلية كتبت بواسطة hemalotfy

حمدلله على سلامتك والف مبروك لحلك جزء من مشكلتك ويارب تكمل بعد تغييرك للدينامو

بس ازاي ضبطت الكاربيراتير والاسبراتير بالكهرباء ممكن توضحلي اكتر وجزاك الله خير

الله يسلمك ياباشا! والله يبارك فيك وعقبال مانخلص كلنا من مشاكل العربية.

فيه بنزينة شل عندنا في القاهرة في الهرم (جنب الخزان) عنده جهاز كمبيوتر عادي ، بيحط حاجة زي مسدس كده في الشكمان علشان يقيس العادم ويقعد يظبط الكاربيراتير والاسبراتير لحد مايديله قراءة معينة وخلاص كده.
التكلفة: 25 جنيه.
النتيجة: العربية بقت تمام وأنعم شوية واستهلاك البنزين اتحسن بطريقة ملحوظة.

ممكن تلاقيه النظام ده عندكو في أي بنزينة في الزقازيق.

العربيه هيونداى اكسيل 1500 كربراتير مانيوال مو 95
دلوقتى ا لما بولع النور الواطى او العالى ع السلانسيه المكنه بتوطى فى rpm وتترج بشكل ملاحظ
هل ده عشان كبرت الوات بتاع اللمبات الى 260/200 مع انى عاملهم كتاوت منفرده ليهم
ولا ده عاوزه ظبطة من الكربراتير مختصه بان لما اشغل نور ع السلانسيه يعوض المكنه هذا القدر من الحمل ( ده راى واحد قالى عليه )
ولا سببها ايه لو سمحتم
وهل فى مشكله فى الدينامو ال 80 امبير ع البطارية 70 امبير وقياس شحنه 14.5 ومع التكييف والنور 13.7
انا لسه مغيره من يومين وكمان البطارية
انا فكرت ان ده مثلا عشان وطيت المكنة الى الشرطة اللى تحت الواحد علطول
لكن برده والسلانسيه قرب 1 rpm اجى اولع النور ع السلانسية العربيه توطى نفس القيمه اللى وهى واطية ع الشرطة اللى تحت الواحد وتترج
الكهربائي بيقولى ده طبيعي
وناس تقول الكربراتير
وناس تقولى ي الارضي او مجموعة كابل الموجب
ودول مشيك عليهم ومظبوطين الحمد لله
متابع معاكم اهتمام
وشكرا جزيلا