الموضوع: طاسات البيتلز بكام واجيبها منين ؟؟؟؟ أرجو الإفاده

العفو يا تامر باشا
أنا ماعملتش حاجة

الطاسات البلاستيك ممكن تركب عادى على الجنط ال 15 للبيتل و سعرها من 50 إلى 90 جنيه فى التوفيقية.

الطاسات النيكل الإستيراد من 80 إلى 100 جنيه من جسر السويس أو فيصل

الجديدة عند صلاح شاكر فى مصر الجديدة بس للأسف مش فاكر سعرها

استاذ احمد بجد انا عايز اشكرك على اهتمامك على الرد وطول بالك عليا وعايز اقولك انا جنط 14 مش 15 فهل ينفع اركب طاسات بلاستيك وانت تنصح بايه البلاستيك ولا النيكل ؟؟؟ ومعلش فى استفسار كمان انت عارف طبعا ان الاكصدام بتاع البيتلز نيكل عايز اعرف ممكن المعه بايه فى ماده ولا اجيب صنفره واعيش حياتى ولا اعمل ايه بالظبط لان منظره وحش اوى عندى عليه طبقه غامقه وعايز المعه واقعد ادعيلك زى ما بدعيلك كل مره بتفدنى فيها

تامر باشا
إحنا إخوات فى منتدى كبير و محترم و بيتنا التانى نايل موتورز و الله فى عون العبد ما دام العبد فى عون أخيه يعنى لا شكر على واجب.

بالنسبة للطاسات البلاستيك فيه منها 14 و 15
و النيكل عمليه و أفضل و أشيك و أقيم

الإكصدام ممكن يتنكل و يستعدل و هادورلك على عنوان ورش التعديل و التنكيل.

لكن تكلفة إستعدال الإكصدام الواحد 30 جنيه أما التكيل للأسف مش عارف.

المشاركة الأصلية كتبت بواسطة ahit

تامر باشا
إحنا إخوات فى منتدى كبير و محترم و بيتنا التانى نايل موتورز و الله فى عون العبد ما دام العبد فى عون أخيه يعنى لا شكر على واجب.

بالنسبة للطاسات البلاستيك فيه منها 14 و 15
و النيكل عمليه و أفضل و أشيك و أقيم

الإكصدام ممكن يتنكل و يستعدل و هادورلك على عنوان ورش التعديل و التنكيل.

لكن تكلفة إستعدال الإكصدام الواحد 30 جنيه أما التكيل للأسف مش عارف.

ياريت يا استاذ احمد تقولى عناوين الورش ونمر تليفوناتهم ان امكن

اخيرا جبت الطاسات من التوفيقيه جبتها البلاستيك اللى بتدى شكل الجنط الاسبور وفاصلت مع الراجل ووصلتها ل 60 جنيه بس شكلها ظريف بس حاسس انها مش هتستحمل وفكرت اجيبلها الافيس البلاستيك الابيض اللى بيربط الطاسه فى الجنط بس بجد ماليش اى مزاج انى اصورها علشان حصل معايا كذا موقف رخم جدا وصرفت مصاريف جامده مابين تصليح مارش وتركيب مساعد بايظ وسمكره ودوكو بعد حادثه طيرت الرفرف ومش عارف بجد زهقان جدا من العربيه ومليش نفس حتى اركبها ولاقيت كل حاجه جت ورا بعضها وكلفتنى جامد فى وقت مش ناقص تكاليف