الموضوع: استطلاع هل رينو فلوانس le 135 احسن سيارة فى السوق حاليا فى فئتها

انا شوفت شكل العربية دية وانتشارها بدأ يزيد بس شكلها غريب ومش حلو وجهة نظرى
دة غير حاجة تانية انتوا ناسينها قطع غيارها نار نار نار يعنى الواحد لو لا قدر الله حصل حاجة يعرف انة هيدفع نص تمن العربية فى قطع الغيار بس دة لو حاجة هايفة وطبعا مش مستاهلة يعنى انى ادفع 2500 جنية تمن مرايا جانبية ليييييييييييييييية دهب
دة غير اعادة سعر الرينو عموما بيقع
ومعلش عربية زى دية نازلة بتمن السيراتو تقريبا وفيها اوبشن اكتر منها طيب ازاى اوروبى ينزل بتمن الكورى وكمان فية اوبشن اكتر منة والمفروض ان الخامات احسن والتكنولوجيا اكتر واعلى
محدش يستعجل لما تتجرب كل شىء هيبان زيها زى السيراتو والكروز بالظبط لازم تتجرب ولا دول كانوا ولاد البطة السوداء

المشاركة الأصلية كتبت بواسطة wawoo

هو عشان السيراتو تمنها مبالغ فية و التجار بيستهبلو تبقى الفلوينس سعرها فى حاجة ....
-اولا رينو استفادت من التخفيضات الجمركية الجديدة
-ثانيا العربية نازلة بسعر مناسب لان تركيا قريبا مننا اكيد فرق الشحن مش زى ما تستورد عربية من كوريا "اخر الدنيا" .

الكلام دة صحيح كل الناس عارفة ان اسعار السيراتو و الكروز مبالغ فيها و يجب ان كل عربية منهم و خصوصا الكروز انها تنزل على الاقل من 15000 ل 20000 جنية و ياريت كلنا تفتكر اسعار الموديل اللى قبل الموديل الاخير للسيراتو مثلا كانت الهاى لاين بتاعها 105000