المشاركة الأصلية كتبت بواسطة lada kalina
السيارة حاطة فيها الشركة دم قلبها مشان تطلع من الأزمة المالية ، و لم تلجأ إلى تخفيض الجودة لتخرج من أزمتها .
السيارة هنا في سوريا ماشية متل الفل و لا مشاكل و لايحزنون و الكل بيحلف في راسها .
حرام نضخم مواضيع بسيطة و نعمل منها مصائب ، كل السيارات بتعطل و كلها فيها مشاكل ، و كل مازادت التقنيات زادت احتمالات الاعطال ، و الكل عميسحب سيارات و كله بسبب القوانين و الخوف من التعويضات ...
فبدون مبالغة السيارة متلها متل الباقي سيارة كويسة و بمستوى سعرها و متعوب عليها و على تصميمها ، و إذا كان التوكيل سيئ في مليون مليون مصلح بيصلحها و بيصلح مليون أحسن منها .
سيارتي صار ماشية 5000 كم بامان و ممكن تعطل بأي لحظة و هاد شي عااااااادي ، مامعقول كل سيارة بتعطل نقول سيارة جديدة و مكيفها عطل ، سيارة جديدة و الدعاسة ارتخت ، سيارة جديدة و مابعرف شوووووو ... خلونا نطلع من جو تعقب الأخطاء و نشوف شلون هالأجانب عميشتغلوا و يربحوا و يطوروا و يتطوروا و نحن لسه بنستنا الشغلة تجي لتحت أقدامنا و بعدين نرفسها و نختلف و نقطع شعر بعض مشان نرفسها و لا مانرفسها .... بلا خيبة ....
أنا لا أقصد الإساءة لأحد فالكل أخوتنا و أحبتنا و لكنها فشة قهر و بس و الشكر موصول لكم جميعا