[overline]السلام عليكم ورحمة الله وبركاته ,
أريد ان أسأل ملاك الكروز عن كل المشاكل التي تعرضوا لها مع سياراتهم. أنا سمعت عن مشاكل مختلفة فاريد ان اتاكد قبل الاقدم على شراء السيارة.
ألف شكر [/overline]
عرض للطباعة
[overline]السلام عليكم ورحمة الله وبركاته ,
أريد ان أسأل ملاك الكروز عن كل المشاكل التي تعرضوا لها مع سياراتهم. أنا سمعت عن مشاكل مختلفة فاريد ان اتاكد قبل الاقدم على شراء السيارة.
ألف شكر [/overline]
ممكن حضرتك تعرفنى ايه هيه المشاكل اللى سمعت عنها ديه عشان افيدك وحضرتك تفيدنى برضة وبعدين حضرتك عملت موضوع من يومين كدة وكتبت فيه عايز اعرف ايه اخبار الكروز والتوكيل وبعد كدة الناس ردت وانت اديت النور العالى لا فيه كلمة شكرعلى اللى رد ولا تفاعل فى الكلام اللى سورد فى الموضوع التفاعل مطلوب ولا انت ايه راى حضرتك
I am sorry will write in English as now I have no access to an Arabic keyboard. Actually, the thread I have posted my questions in deviated as people have started talking about other issues. Also, I got very busy for the past few days so did not have enough time to read all posts and so on. I ofcourse always thank anyone who objectively helps me with any enquiry.
About the Cruze, I heard from owners that it has a problem with the battery or software or something. This prevents it in some cases from starting and stops the engine at other times. So if anyone has a cruze I will be very much appreciative for his/her sincere help regarding analysing such problems if any. The agency told me that it was a software/battery thing affecting the first 20 cars I believe. I did not understand actually.
Best regards and thanks in advance
يا جماعة بطلو الوسواس القهري الي عندكو ده الي عجباة عربية يتوكل علي الله ويجبها ناس بتصنع عربيات بقالها اكتر من 40 سنه تقريبا اكيد يعني مشهيعملو عربية مشرحة يعني
أنا ليا صديق اشتراها وكان فيها عيب خطير جدا...بتبطل و هى ماشية..كان هيموت بيها هو و أسرته أكتر من 5 مرات!!..ووداها الشركة 3 مرات فى خلال ال 2000 كيلو الأولى..ومرة يغيروله الضفيرة..ومرة يقولوله مفيش حاجة..انت بيتهيألك!!..ومرة كنت هنموت بيها سوا لأنها بطلت مرة واحدة ع الدائرى لحظة ما العربيات اللى قدامنا ما وقفت!!!..المصيبة انه لما راح التوكيل لقى صفوف من الكروز واقفة مركونة و كل واحدة عليها ورقة مكتوب فيها...تغيير ضفيرة...وحدة كونترول..الخ......وبعد ده كله الوكيل جاى يقول ان كله تمام والشركة مش هتستدعى حاجة من مصر!!لك الله يا شعب مصر!!..عامة ده رقم تليفونه 0106052600...واسمه مهندس هيثم..اللى عاوز تفاصيل أكتر يسأله..خاصة ان له صديق كمان صمم يشتريها رغم انه نصحه كتير بلاش..واشتراها الأسبوع اللى فات..لقيت هيثم بيكلمنى وقالى شوفت..ماسمعش كلامى..اشتراها من هنا و لقى عيب فى الباور.. وغيروله الباور قبل ما يكمل بيها 200 كيلو
بصراحة العربية عند والدى ... وهى ماشية زى الفل الحمد لله مفهاش مشاكل و عاملة معاة حوالى 3000 كيلو معظمهم سفر ..بيشكر اوى فى ثباتها و بيقول صاجها جامد بالنسبة للانسر بوما اللى كانت معاة قبليها
ياريت توضيح اكتر من ملاك العربيه
أخوتى الأعزاء..أنا ماليش مصلحة ولست مع أو ضد الكروز..بل انا واحد من أشد المعجبين بيها..عشان كده كتبت رقم صديقى المهندس هيثم للى عاوز يسأله على حاجة..بس هو اللى صعب عليا بجد من استهبالهم فى التوكيل..واحد بيقولهم العربية بتبطل منى وكنت هموت بيها..يقوموا يكشفوا عليها و يقولوله بيتهيألك!!..وبعدها لما المفتاح بقى ينطر من الكونتاكت..راحوا غيروله الكونتاكت..وقالوله كده مظبوطة مافيهاش حاجة..ييجى يمشى بيها كانت هتوديه ف داهية تانى..رجع لهم تانى ورماهالهم ..غيروله الضفيرة!!...وبعد ما استلمها رجعت ريما لعادتها القديمة..والمرة الأخيرة كان هيموت هو ومراته و بنته على منزل كوبرى!!..طب لو مكانش ربنا ستر..كان ذنبه هيبقى فى رقبة مين؟؟..والراجل فى التوكيل قاله انسى اننا نغيرلك العربية..قمه الأستهانة..عشان كدة طلع على حماية المستهلك لأنه خايف أصلا يمشى بيها..وقالى حاجة غريبة كمان..فى عز ما التوكيل كان بيقوله مفيش حاجة..اتصاحب على مهندس هناك و قاله انهم وهما بيجربوا العربية على الصحراوى بطلت منهم 8 مرات!!!!!!!!!!!!!!!!.....أنا بس اللى مضايقنى ان شركة زى تويوتا اعترفت بالخطأ و قررت اصلاح أول دفعة من كورولا فى مصر 150 سيارة بدون ما يحصل أى شكوى..وبعدها هيطلبوا 350 سيارة تانى..وعلى الجانب الأخر..منصور يرفض الأعتراف بحاجة ممكن تضيع أرواح
هما الناس اللى معاها كروز مش موجودين ليه....هيا الفا روميو ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
متابع باهتمام
I knew there was something wrong with this car.. Had a very strange feeling about it..May God save those who bought it from the troubles they might face
و أنا فى التوكيل كان فى واحد عنده مشكلة فى الباور و ورهانى لمل بيجى يلف الدركسيون بيطلع صوت مش طبيعى . المهندس قاله ده طبيعى طبعا الراجل معجبوش الكلام و كان يومها فى مهندس من شركة جنرال موتورز وده بيبقى موجود علشان المشاكل لما راح يجربها على طول راح قاله فى مشكلة فى الباور و دخل العربية الورشة و معرفتش حصل أية بعد كده.
الغريبة أن كان فى كذا واحد واقفين بيشتكوا من نفس العيب.
ودى يا جماعة بعض من أوامر الشغل بتاعة المهندس هيثم اللى كتبتلكم رقم تليفونه..وهو طلب منى أرفع له الصور عشان معندوش سكانر..وبعد كل أوامر الشغل دى..العربية لا زال فيها نفس العيب!!!! ورغم ان الشركة اعترفت فى بيان رسمى بسحب 60 ألف عربية كروز..-والبيان نازل على رويترز- الا ان منصور طلع بيان بيقول ان مفيش عربية كروز دخلت مصر فيها عيب..والشركة مش هتسحب حاجة من مصر!!!!!!!!!!!!!!!!!!...مش فاهم ازاى؟؟؟؟..هى العربيات اللى دخلت مصر دى جايه من كوريا ولا من بلاد الواق واق؟
الصور من فضلك farfasha
والله بحاول ..بس مش راضية تترفع..حد يفيدنى و يقولى ازاى؟
www.imageshack.com
وبعدين خد اللينك وحطه هنا على المنتدى
ImageShack® - Online Media Hosting
وبعدين خد اللينك وحطه هنا على المنتدى
بحاول و مش راضى يترفع!!
السلام عليكم
انا كنت في التوكيل يوم الاربعاء الماضي و شوفت صف كبير من البطاريات مرصوصة معظمها جديد او شبه جديد و بالاستفسار علمت انها بتاعة سيارات كروز تم ارسال نشرة بارقام سيارات معينة لتغيير بطارياتها
عيوب الكروز علي لسان اصحابها هي ضعف السحب ارتفاع سعرها بالنسبة لأمكانياتها مقارنة بنفس فئتها و ميزاتها الثبات
حضرتك لو مش عارف ترفع الصور ابعتها ايميل لاي حد من الاخوه الاعضاء الي عندهم خبرة في الموضوع ده
اقتراح مفيد يا أخى العزيز..ياريت أى حد من الأخوة اللى يقدروا يرفعوا الصور يكتبلى ايميله و انا ابعتهم له فورا
صديقى العزيز..تم ارسال الصور على الأيميل..ياريت ترفع الصور عشان الكل يستفيد..وده يا جماعة نص الخبر المنشور فى المصرى اليوم النهاردة و بيتكلم عن الأزمة دى..واللى يقرأ الخبر يستغرب أزاى شركة المنصور طلعت بيان تنفى فيه أى عيوب فى الكروز فى مصر؟!!!!!!!!!!!!
أعلنت شركة جنرال موتورز الأمريكية لتصنيع السيارات اعتزامها سحب نحو ٥ آلاف سيارة من الأسواق، بسبب عيوب قد تؤدى إلى اشتعال محركاتها، للاشتباه بوجود خلل فى مولد التيار البديل.
وذكرت الشركة، فى بيان لها، أن الطرازات المعيبة تشمل «شيفورليه إكسبريس» وسيارات الركاب «جى إم سى سافانا» وسيارات «لفان» لنقل البضائع، موضحة أن السيارات المعيبة صنعت فى شهرى فبراير ومارس.
ونصحت الشركة الأشخاص الذين اشتروها بعدم قيادتها وإبعادها عن المبانى السكنية والسيارات الأخرى وفصل كابلات البطاريات، مشيرة إلى أنها لم تحدد بعد كيفية إصلاح هذه المشكلة.
وأضافت أنه لا يمكن لتجار السيارات بيعها قبل إيجاد حل لهذه المشكلة، دون أن تعطى الشركة إشارة إلى موعد إيجاد حل لها.
كانت «جنرال موتوز» فى كوريا الجنوبية قد أعلنت أيضا قبل نحو أسبوع اعتزامها سحب نحو٦٠ ألف سيارة من طراز تشيفى كروز الصغيرة وسيارات الدفع الرباعى من طراز كابتيفا بسبب عيوب فنية، مشيرة إلى أن سحب سيارات تشيفى كروز، يسرى على السيارات المنتجة خلال الفترة من سبتمبر ٢٠٠٩ وحتى بداية مارس ٢٠١٠.
وشهدت صناعة السيارات العالمية أزمة واضحة مع بداية العام الحالى، بإعلان شركات عملاقة عن استدعاء ملايين الطرازات لعيوب فنية، منها شركتا «تويوتا» و«هوندا» اليابانيتان، فضلا عن آلاف الطرازات من «هيونداى» الكورية الجنوبية.
http://www.almasry-alyoum.com/photo....dCreativeID=20
يا استاذ فرفشه الكروز اللى فيها عيوب خراطيم الوقود فى الشرق الأوسط كله عددهم 2262 عربيه
ادخل على الموضوع واقرا الردود اللى فيه دا عشان تعرف تفاصيل أكتر
http://www.nilemotors.net/Nile/135899-a.html
هى دى الصور الى جت ف الايميل ياأستاذ farfasha
http://img718.imageshack.us/img718/3585/81621143.th.jpg
http://img718.imageshack.us/img718/3585/81621143.th.jpg
http://img717.imageshack.us/img717/1623/55106787.th.jpg
هما 3
حصل بس لغبطه
هى دى التانيه
http://img707.imageshack.us/img707/1914/89179290.th.jpg
أولا متشكر جدا للزميل العزيز اللى ساعدنى على الخروج من ورطة رفع الصور..ولو تفحصتوا أوامر الشغل تلاقوا ان نفس العيب ماتحلش نهائيا..وعلى فكرة ده لغاية النهارة!! ده غير ان فيه عيوب تانية الوكيل يرفض الأعتراف بيها.....
..بالنسبه لعيوب الكروز فى مصر و اللى حاولت أجمعها على قد ما أقدر من بعض أصحاب الكروز من أصدقائى..العيب الأول تبطيل المحرك..و ده حصل مع المهندس هيثم زى ما قلت..ومعرفش حصل مع حد تانى ولا لأ..العيب التانى مع صديق هيثم و ده كان عبارة عن صرخة فى الباور أثناء لف الدركسيون..وده حله تغيير الباور..العيب الثالث..ضفيرة الكهرباء..وده حصل مع أكتر من حد..أولهم المهندس هيثم برضه..ولما راح لهم فى التوكيل قالى انه لقى صف طويل من كروز مركونه فى الشمس و متعلق على كل عربية ورقة..واحدة مكتوب عليها تغيير ضفيرة..والتانية بطارية...والتالتة عيب كهرباء...أما الباقى مش فاكره..بس عيب الضفيرة ده متكرر كتير...وأنا لا أقصد الأقلال من شأن شيفروليه لأن العيوب دى واردة فى أى شركة..لكن لو المنصور كان اعلن ان أى شخص اشترى كروز أو كابتيفا أنتجت خلال الفترة من سبتمبر 2009 و حتى مارس 2010...ووجد فيها ايه مشاكل..عليه التوجه للشركة لأصلاح العيب..كان كسب احترام الناس..أنا شخصيا الكروز كانت من أمنيات حياتى..وليا أصدقاء كتير كده..غير اللى اشتروها وحلفوا ما هيجيبوا حاجة من شيفروليه تانى..كل الناس دى فقدت ثقتها فى الماركة من عمايل الوكيل..وأظن عيب أوى يبقى فى هذا الكم من سيارات الكروز المعيبة..والوكيل يطلع بيان ان الدنيا ورد و زى الفل..بيفكرنى بالنكسة و البيانات اللى كانت بتطلع ساعتها!!
شكرا جزيلا لمجهودك مره تانيه
واضح ان المهندسين عند منصور بيلووشو !!!!
بيعملو اى حاجه
المهندسين مش عارفين العيب فين
فبيجربوا بقى لحد مايوصلوا لحل المشكله
وطبعا هايجربوا فى مين غير اصحاب العربيات :((((
ربنا معاك ومع صاحبك المهندس هيثم
انا بس مش معاك فى نقطه
انت بتقول لو كان منصور أعلن ان اللى اشترى الكروز من شهر 9 الى شهر 3 وعنده عيوب ييجى يصلحها مجانا وكدا هايكسب ثقة الناس
وكمان انت مش مقتنع ان الكروز مفيهاش عيوب وان منصور اكيد بيقول اى كلام والنكسه والبيانات والكلام دا :))
وان التوكيل مش عايز يعترف بالعيوب
معاك حق ان مايبقاش عندك ثقه فى التوكيل
زى ناس كتير معندهاش ثقه فى كلامه
بس سيبك من الفكره دى والانطباع اللى انت واخده عن التوكيل وبص للكلام العملى
موقع جنرال موتورز نفسه أعلن ان العربيات اللى فيها عيوب فى منطقة الشرق الأوسط كله 2262 عربيه
عشان كدا انا صدقت الخبر
وكمان دورت على ارقام شاسيهات العربيات اللى فيها العيب وجبتها
ورقم شاسيه عربيه صاحبك مش منهم وكمان هو شارى العربيه فى شهر 6 اللى فات يعنى عربيته ملهاش علاقه خالص بقصة العيوب وسحب العربيات
تقدر تشوف الخبر على الصفحه دى
GM Media - Middle East - News & Information
ثانيا : جنرال موتورز اعلنت ان العيب فى خراطيم الوقود فقط !!!
مجابتش سيرة باور ولا ضفيره ولا الكلام دا
معرفش بصراحه العيوب دى سببها ايه لكن هى عيوب غير معترف بيها من جنرال موتورز زى عيب خراطيم الوقود
يعنى تتحط تحت بند عيوب فرديه
+ ان التوكيل بييجى يكحلها يعميها ويبوظ العربيه أكتر بسبب عدم الفهم
مع احترامى ليك يا اخ حسام
بس الراجل بيقول صف سيارات ضقيرة و بطارية و عيب كهرباء
يبقى اولا دى مش عيوب فردية - الراجل بيتكلم فى صف سيارات مش سيارة و لا تلاتة حتى
ثانيا العيوب دى جاية من رداءة قطع الغيار المستخدمة فى التصنيع و دة انا فى اعتقادى - شركة كانت بتفلس و طبعا الـ cost reduction الى بيخرب الدنيا بيطبقوة علشان يعدو من الازمة - فتكون النتيجة الى احنا شايفنها و خاصتا بقى لما تبقى العربيات نازلة مصر يبقى يا مرحبا بالعك و الجودة التعبانة
بصراحه انا شوفت عربيات مركونه مستنيه قطع غيار بس مش كتير يعنى حوالى 4 او 5 وشوفت واحد كانو بيغيرولو البطاريه
هو كده العربيه طلعت فشنك خلاص ؟
انا طبعا مقدرش أكدب حد
بس انا كمان كنت فى التوكيل باعمل الصيانه من حوالى اسبوعين وماشوفتش الصف دا مع انى كنت باتمشى فى المركز كله
لكن مادام الراجل قال كدا يبقى اكيد مش بيكدب
بس برضه الصف دا كام عربيه يعنى ؟؟
وهى الكروز باعت كام عربيه فى مصر من ساعة مانزلت ؟؟ نقول 10 الاف
كام واحده بقى عطلانه ومركونه فى الصف ؟ 10 ؟ 50 ؟
برضه مش الرقم اللى نقول عليه عيب عام فى كل العربيات ولازم نقول حالات فرديه
وعلى فكره ممكن يكون كلامك مظبوط وتبقى دى مش عيوب فرديه وفى مشكله جوهريه فى العربيه
لكن لحد دلوقتى جنرال موتورز معترفتش غير بعيب خراطيم الوقود فقط
وفى عربيات كتير ماشيه بدون مشاكل , وهى الأغلبيه
اما بخصوص رداءه قطع الغيار المستخدمة فى التصنيع
بصراحه مش مقتنع بالكلام دا خالص , ومفيش دليل عليه
الكروز اللى بتتباع فى كل دول اوروبا خارجه من نفس المصنع اللى بيجيلنا منه العربيه
نفس الكلام استراليا
حتى لو افترضنا ان فى فرق فى الخامات , مش الفرق اللى يعمل المصايب والمشاكل دى , عربيات تقف وباور مش عارف ايه
وجنرال موتورز لما اكتشفوا عيب ( خراطيم الوقود ) قالوا واعترفوا وسحبوا العربيات من اوروبا واستراليا والشرق الأوسط من قبل مايجيلهم مصايب وحوادث
ماعملوش زى شركات تانيه كبيره ولها تاريخها ما استنت لحد ما ناس ماتت
أعتقد ان دى مش تصرفات شركه مفلسه وعايزه تخفض التكلفه , ولا ايه رأيك ؟؟؟
وبخصوص تفسيرى للمشاكل اللى انا باسمعها دى
1 - ممكن يكون فى عيب جوهرى فى العربيه لم يكتشف بعد من جنرال موتورز
2 - ممكن تكون مشاكل فرديه وحظوظ + التوكيل مابيعرفش يعالجها لانه مش فاهم وبيعمل اى حاجه
على فكرة انا ليسة كنت بكلم واحد صحبى كان قالى انة ناوى يشترى كروز فاتصلت بعد ما قريت الموضوع دة علشان احزرة و اقولة يصرف نظر عنها فقالى انة استلمها خلاص و حكالى عن موقف
انة لما استلم العربية و جة يجرب التكييف لاقاة مش شغال فرجع للتاجر قالة عليك و على التوكيل بقى راح كان عيب خرطوم و غيروة
تفتكر عربية جديدة - جدييييييييييدة - و تمنها معدى 100 الف - يكون فيها كم العيوب دى كلها - الى بطارية و الى ضفيرة و الى تكييف و الى كهربا
و تقولى مكبر الموضوع
اكيد بتهزر
طب الافيو و فية واحد ظريف قوى قال قبل كدة - يا جماعة دى حيلة افيو
طب الكروز - حتبقى حيلة كروز