الموضوع: الدايو نوبيرا ولا البيجو 405

المشاركة الأصلية كتبت بواسطة mr_sameh

لو في حل لموضوع العفشه يبقي نوبيرا

بص عفشت النوبيرا مافيهاش مشكل بس ممكن نقول إنها مش جامدة بس لكن إنت لو متبعها أول ب أول مفيش أي مشكل هتقبلك ولو عاوز كمان تبقى جامدة غير المقصات ب 2 اسباني وسعرهم تقريبا 230 جنية وإنت كده تبقى خلصت موضوع العفشة لو مش ناوي تتابع

يا جماعه تسلموا جميعا وربنا مايحرمنا منكم ولا من مساعدتكم رجاله المنتدى وقت الزنقه موجودين والله انا حبيت المنتدى ده بسبب جدعنت الرجاله الى فيه انا اقتنعت بكلامكم انا ان شاء الله هجيب النوبيرا لان الفيصل عندى قطع الغيار واعاده البيع يعنى لو حبيت ابيع الاقى الشارى
البيجو حلوه بس قطعها زى الشباب مابيقولوا غاليه اضافع الى بيعها تقيل فمايناسبنيش لكن يسلموا الشباب على النصيحه
الطلب الاخير يارجاله لو عندكوا حد قدامه نوبيرا حلوه ياريت يبعتلى رساااااااااااااااله ياريت ياجماعه
شكرا جزيلا على المساعده

بالمناسبه انا بحتج هههههههههههههههههه
بقالى سنه مشترك ولسه عضو جديد امتى يا جدعان اكون حتى عضو بس بلاش دهبى خلوها فضى انا مش طمعان هههههههههههه
سلام

واضح انو مفيش فايده من الاحتجاج

يا راجل تبقى من الشرقية بلد البيجو وتسأل تركب بيجو ولا نوبيرا
على فكرة اسعار قطع الغيار للبيجو ال 405 عندكم ارخص من عندنا فى القاهرة (بالنسبة للاستيراد)
اما بالنسبة لقطع الغيار الجديدة فهى اكيد اغلى من النوبيرا لكن اطول عمرا
بردة مرة تانية الامر راجع لاحتياجك من العربية
وربنا يوفقك للاصلح

المشاركة الأصلية كتبت بواسطة amado ibrahim

يا راجل تبقى من الشرقية بلد البيجو وتسأل تركب بيجو ولا نوبيرا
على فكرة اسعار قطع الغيار للبيجو ال 405 عندكم ارخص من عندنا فى القاهرة (بالنسبة للاستيراد)
اما بالنسبة لقطع الغيار الجديدة فهى اكيد اغلى من النوبيرا لكن اطول عمرا
بردة مرة تانية الامر راجع لاحتياجك من العربية
وربنا يوفقك للاصلح

النتا عندك حق اكيد فى ان قطع الغيار الاستيراد بتاعت لبيجو ارخص فالزقازيق من القاهره بس اغلى من النوبيرا المشكله ان فعلا سعر اعاده البيع فالبيجو صعبه فعلا
والله انا كان قدامى 405 بيضه تحفه موديل مش فاكر اوى تقريبا 94 عارفين اتباعت بكام 32الف ولما سألت عن سبب رخصها قالولى قطع الغيار ورغم كده انا كنت محتار وقلت اكلم الشباب الى انا اثق فيهم فالمنتدى وتقريبا وصلولى نفس المعلومه انتا عارف ظروفنا كشباب الدخل وانتا عارف التكمله فانا عايز حاجه متغلبنيش فتصليح ولو حبيت ابيع الاقى مشترى ومخصرش كتير وفى نفس الوقت تكون عربيه واسعه تكفى اسرتى لاننا والحمد لله 5 دلوقتى اتجوزت بدرى بقا 00000جوزونى ههههههههههههه الحمد لله
شاكر على الرد
بالمناسبه عمرى 32 سنه اتخطفت بدرى يا رجااااااله قصدى اتجوزت بدرى والحمد لله انتو عارفين سلو الشراقوه